විවාහ මඟුලකට යද්දී බොට්ටුව පෙරැළී 18ක් අතුරුදන්

මනාල යුවළගේ මළ සිරුරු හමුවේ

ඉස්ලාමාබාදයේදී - ෂින්හුවා

දකුණු දිග පාකිස්තානයේ සින්ද් පළාතේ දී පෙරේදා මංගලෝත්සවයකට සහභාගි වූවන් 22 ක් ඔවුන් ගමන්ගත් බෝට්ටුව පෙරලීමෙන් දියේ ගිලී තිබේ. විවාපත් නව යුවල ද මේ පිරිසට අයත් බව සඳහන් ය.

කාම්පූර්හි සිට සියගම්මානය බලා කාන්ද්කොට් ඇළ මාර්ගය ඔස්සේ ගමන්ගත් ඔවුන්ගේ බෝට්ටුව පෙරළීමෙන් පසු රානී නම් මනාලිය හා මෙහමුද් ඛාන් නම් මනාලයාගේ මෙන් ම ළමයින් දෙදෙනකුගේ මළසිරුරු ඇළෙන් සොයාගෙන ඇත. සෙසු 18 දෙනා අතුරුදහන් ව සිටින අතර ගැලවුම් කණ්ඩායම් ඔවුන් සෙවීම සඳහා ඊයේ ද කටයුතු කරමින් සිටිනු දක්නා ලදී.