දකුණු පළාත් සභා මන්ත්‍රීධුර 53න් 40ක්ම සන්ධානයට තෙල් ගබඩා සංකීර්ණයේ ඉදිකිරීම් කටයුතු ඇරැඹේ මොනම බලවතකුටවත් මවුබිම පාවා දෙන්නේ නෑ සුබසාධන කඳවුරුවල වෙසෙන්නන්ගේ මන්ද පෝෂණය 50% කින් අඩු කරලා රුපියල් කෝටි 25000ක ආයෝජනයෙන් හම්බන්තොට වරායේ කර්මාන්ත පුරයක් යුද හමුදා ධජය රටේ එක්සත් බවේ සංකේතයයි ‘ජාතික කියවීමේ මාසය’ ප්‍රකාශයට පත් කෙරේ ‘මිරිස්ස’ වෙබ් අඩවියෙන් රජයට මඩ ගැසීමේ කුමන්ත්‍රණයක් මේ රටේ සෑම දරුවෙක්ම උගතෙකු කරන්න නගරයේ පාසල්වල පහසුකම් ගමටත් ලබා දෙනවා විපක්ෂ නායකට හදිසි කැක්කුමක් මහනුවර යුගයෙන් පසු ආගම්වලට ඉහළම සැලකිල්ල ලැබුණේ මේ රජයෙන් සංවර්ධන යුද්ධය ජය ගැනීමට ඵලදායිතාව ඉහළ නැංවිය යුතුයි පවතින ඡන්ද ක්‍රමය කුමක් වුවත් වගකීම් ඉටුකිරීම නායකයන්ගේ යුතකමක් ඡන්ද පොළේ සිට මීටර් 500ක් ඇතුළත කලබල කිසිවක් බෑ 30 වසරක යුද්ධයෙන් පසු ජනතාවගේ මානසිකත්වය යහපත් අතට හැරී තිබෙනවා කොටි ත්‍රස්තවාදය විනාශ කළ ද යුද්ධයේ සෙවණැලි තාමත් තිබෙනවා දුරකථන ගාස්තු සංශෝධනයට වාසුදේව ඉදිරිපත් කළ පෙත්සම ඉවතට නැවත පදිංචි කිරීම්වලට සහාය නොදී ශ්‍රී ලංකාව විවේචනය කරන්න අයිතියක් නෑ සමඟියෙන් ජීවත්වීමේ අයිතිය ලබා දුන් ජනපතිට කළගුණ සලකන්න දකුණේ ජනතාවට වරම් ලැබිලා එජාපය අද ගඳ ගහන තත්ත්වයට ඇවිත් ක්‍රෙඩිට් කාඩ්වලින් කෝටි 4ක් ගැරූ ඉංජිනේරුවා දැලේ තොරතුරු තාක්‍ෂණ ජාලයට තවත් රාජ්‍ය ආයතන 150ක්

රුපියල් කෝටි 25000ක ආයෝජනයෙන්
හම්බන්තොට වරායේ කර්මාන්ත පුරයක්

ජයසිරි මුණසිංහ හම්බන්තොට සිට

රුපියල් කෝටි 25,000කට අධික මුදලක් ආයෝජනය කොට හම්බන්තොට වරාය භූ®මියේ සිමෙන්ති, පොහොර, යකඩ හා ආහාර සැකසීම ඇතුළු මහා පරිමාණ කර්මාන්ත ඇරැඹීමට සුප්‍රකට විදේශ ආයෝජකයෝ පිරිසක් මෙරටට පැමිණ සිටිති.

හම්බන්තොට වරායේ ඉදිකිරීම්වලට සමගාමීව මේ නව ආයෝජකයන්ට සිය කර්මාන්ත ශාලා ඉදිකැර ගැනීමට අවශ්‍ය ඉඩම් ඉක්මණින් ලබා දෙන බව ශ්‍රී ලංකා වරාය අධිකාරියේ සභාපති ආචාර්ය ප්‍රියත් බන්දු වික්‍රම මහතා ‘දිනමිණ’ ට පැවැසීය.

මේ කර්මාන්ත ශාලා සමූහයේ ඉදිකිරීම් කටයුතුවලදී සහ පසුව ඒවායේ ව්‍යාපාර කටයුතු ආරම්භ කළ විට සැපයෙන ඍජු හා වක්‍ර රැකියා ප්‍රමාණය ලක්ෂ ගණනක් වනු ඇති බවට ඒ මහතා විශ්වාසය පළ කරයි.

හම්බන්තොට ජාත්‍යන්තර වරායේ පළමු අදියරේ ඉදිකිරීම් වසර 2010 දී අවසන් කැරෙන අතර දෙවන අදියර 2012 දී නිම කැරේ. වරායේ සම්පූර්ණ ඉදිකිරීම් අදියර 4ක් යටතේ නිම කිරීමට නියමිතය.

මේ කර්මාන්ත ශාලාවලට අමතරව ලෝකයේ මහා පරිමාණ නිෂ්පාදන සමාගම් විසින් නිපදවන ඉදිකිරීම් හා තොරතුරු තාක්ෂණයට අවශ්‍ය අමුද්‍රව්‍ය වෙනත් රටවලට යැවීමේ තොග මධ්‍යස්ථානයක් ලෙස ද හම්බන්තොට වරාය පරිශ්‍රය යොදා ගැනීමට නියමිතය. හම්බන්තොට වරායේ පළමු අදියර නිම වීමෙන් පසු විශාලතම නෞකා තුනක් පහසුවෙන් හැසිරවිය හැකි වන අතර වරායේ වාණිජ මෙහෙයුම් ඇරඹීමෙන් පසු ලබන වසර අගවන විට ඍජු රැකියා 2000ත් 6000ත් අතර ප්‍රමාණයක් ඇතිවේ.

හම්බන්තොට වරායේ පතුල ඊයේ (07) එහි ගිය මාධ්‍යවේදීන්ට දැක ගත හැකි විය. එහි දී අදහස් දක්වමින් සභාපතිවරයා මේ අදහස් පළ කෙළේය.