දඹර අමිල හිමි අත්අඩංගුවේ මගේ අරමුණ රට ගොඩ නැඟීමයි: මඩ ගැසීමේ පුරුද්දක් මට නැහැ අන් රටක පුරවැසියකුට මෙරට ප්‍රථම පුරවැසියා වෙන්න බැහැ අධ්‍යාපන වෘත්තීය සමිති 16 ක සහාය ජනපතිට දඹුල්ලේ ශ්‍රීලනිප ආධාරකරුවකු කපා කොටා ඝාතනය කරති පුත්තලමේ අවතැන්ව සිටින මුස්ලිම්වරුන් මුල් ගම්බිම්වල කඩිනමින් පදිංචි කරනවා යුද රහස් හෙළි කරන්නෙකුට හමුදා නීතිය යටතේ දඬුවම් දිය හැකියි ගමනාගමන මණ්ඩලයෙන් යාපනය-කොළඹ බස් සේවාවක් ප්‍රභා සමඟ හොර ගිවිසුම් ගැසූ ඇතැමුන්ට හදිසියේම අද අවතැන් ජනතාව මතක් වෙලා කිලිනොච්චිය දිසා ලේකම් කාර්යාලය නැවත විවෘත වෙයි කර්මාන්ත හා තොරතුරු ජාත්‍යන්තර සමුළුව පේරාදෙණිය සරසවියේ දී

රට රැකියා දෙන බව කියා කෝටි ගණනක් වංචා කළැයි

දඹර අමිල හිමි අත්අඩංගුවේ

චන්ද්‍රිකා පෙරේරා හා සුභාෂිණී සේනානායක

විදේශ රැකියා ලබාදෙන මුවාවෙන් කෝටි ගණනක මුදලක් වංචා සහගත ලෙස ලබාගත් බවට සැකපිට දඹර අමිල හිමි අපරාධ පරීක්ෂණ දෙපාර්තමේන්තුව විසින් ඊයේ (27) පෙරවරුවේ දී අත්අඩංගුවට ගෙන තිබේ.

පුද්ගලයන් රවටා විවිධ රටවලට යවන බවට පොරොන්දු වී දඹර අමිල හිමියන් මුදල් ලබාගත් බවට මේ වන විට පැමිණිලි 15 ක් ලැබී ඇති බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී අයි. එම්. කරුණාරත්න මහතා පැවැසීය.

එක් එක් පුද්ගලයන්ගෙන් රුපියල් ලක්ෂ ගණනින් මුදල් ලබාගෙන පසුව විදෙස් රැකියා සඳහා යවන බවට සැකකරු පොරොන්දු වී ඇතත් මුදල් ලබාගෙන පොරොන්දු වූ අයුරින් එම පුද්ගලයන්ට විදේශයන් වෙත යාමට අවස්ථා සලසා නොදීම හේතුවෙන් වංචාවට අසු වූ අය විසින් මෙසේ පොලිීසියට පැමිණිලි කැර ඇත.

මේ පැමිණිලි ලැබීමෙන් පසු සිදුකළ විමර්ශන මඟින් සැකකාර හිමියන් තවත් කීප දෙනකුගේ සහාය ඇතිව දිගුකලක සිට මේ වංචාව සිදුකර තිබෙන බවට හෙළිව ඇතැයි පොලීසිය කියයි.

සැකකරු ඊයේ පෙරවරුවේදීී තලංගම ප්‍රදේශයේ දී අත්අඩංගුවට පත්ව තිබෙන අතර ඔහුට වංචා සහගත ලෙස මුදල් ලබා ගැනීමට සහාය වූ අනෙකුත් සැකකරුවන් පිළිබඳව ද පුළුල් ලෙස පරීක්ෂණ ආරම්භ කර තිබෙන බව පොලීසිය වැඩිදුරටත් කීය.

සැකකාර හිමියන් අපරාධ පරීක්ෂණ දෙපාර්තමේන්තුව මගින් රඳවාගෙන ඊයේ සවස වන විටත් වැඩිදුර ප්‍රශ්න කළ බව පවසන පොලීසිය වංචාවට හසු වූ තවත් පුද්ගලයන් පැමිණිලි කිරීමට ඉදිරිපත් වනු ඇතැයිි විශ්වාසය පළ කෙළේය. සිද්ධිය පිළිබඳ අපරාධ පරීක්ෂණ දෙපාර්තමේන්තුව වැඩිදුරටත් පරීක්ෂණ ආරම්භ කැර තිබේ.