කැලණියේදී පැහැර ගනු ලැබූ පුංචි සෙනුනි සොයා ගනී ජනතාවගේ ආදායම් නංවමින් රට ඉදිරියට ගෙන යෑමට නීරෝගී පරපුරක් ඕනෑ මාධ්‍ය ඇමැති කෙහෙලිය ලේක්හවුසියට ඇවිත් මාධ්‍ය ලබා දුන් ප්‍රචාරය නිසා දැරිය සොයා ගැනීමට හැකි වුණා පාදුක්කේ නිවුන් දරුවෝ රජයේ භාරයට මුල්ම රණවිරු කොඩිය ජනපතිට පළදවයි රාජ්‍ය ඔසුසල්වලට බෙහෙත් කඩිනමින් සෝමාලියානු මුහුදු කොල්ලකරුවෝ ශ්‍රී ලාංකිකයන් 22ක් මුදා හරිති ශ්‍රී ලංකාවේ අපනයන වෙළෙඳාම 20%කින් ඉහළට වෙරළතීරයේ අනවසර ඉදිකිරීම් ඉවතට ජගත් හෙද දිනය අදයි අධිකරණ භුමියේ දී පැන ගිය ‘ කුඩු ඉන්දික’ දැලේ මාධ්‍ය ඇමැති පත්තර මහ ගෙදරට... ඇමැතිවරයකුට වඩා මාධ්‍ය හිතවතකු ලෙස සුහදව කටයුතු කිරීම මගේ අපේක්ෂාවයි නිවැරදි යහපත් අදහස් රටට ලබා දෙන උල්පතක් ලෙස ලේක්හවුස් පෙරමුණේ සිටිනවා සෑම සංවර්ධන ව්‍යාපෘතියකම ඉලක්කය රටේ අවශ්‍යතාවන්ට සරිලන සේ සකස් විය යුතුයි තමා මන්ත්‍රීවරයකු ලෙස නම් කරන්නැයි කේ. තිරුච්චෙල්වම්ගෙන් ඡන්ද පෙත්සමක් රජයේ රෝහල්වල සේලයින් හිඟයක් නෑ ශ්‍රී ලංකා මහ බැංකුවේ අවසරයකින් තොරව බැංකු ගිණුමක මුදල් තැන්පත් කිරීමට රවී අනුබල දීලා

මුල්ම රණවිරු කොඩිය ජනපතිට පළදවයි

ජාතික රණවිරු සතිය ආරම්භ කරමින් මුල්ම රණවිරු කොඩිය ජනාධිපති මහින්ද රාජපක්ෂ මහතාට පැළඳවීම අරලියගහ මන්දිරයේදී ඊයේ (11) සිදුකැරිණි.

මුහමලේ ඉදිරි ආරක්ෂක වළල්ලේ ක්‍රියාන්විත රාජකාරියේ යෙදී සිටියදී ජීවිතක්ෂයට පත් සැරයන් චන්ද්‍රසිරි රණවිරුවාගේ පුතනුවන් වන වරුණ රශ්මින්ද අතින් මුල්ම කොඩිය ජනාධිපතිවරයා වෙත පිරිනැමීය.

මාතෘ භූමියේ ඒකීයභාවය, ස්වෛරීත්වය ආරක්ෂා කිරීම උදෙසා ජීවිත පරිත්‍යාගයෙන් කටයුතු කළ අභීත රණවිරුවන් අනුස්මරණය කිරීම හා ඔවුනට ගෞරව කිරීම නිමිත්තෙන් ඊයේ (11) සිට රණවිරු සතිය ප්‍රකාශයට පත්කළ අතර ජාතික රණවිරු දිනය මේ මස (18) දාට යෙදී තිබේ.

රණවිරු කොඩි අලෙවියෙන් ලැබෙන මුදල් ආධාර රණවිරු සුබසාධනය සඳහා යෙදවෙන අතර, පළාත් මට්ටමින් අලෙවි කිරීම සඳහා රණවිරු කොඩි පළාත් ආණ්ඩුකාරවරුන් වෙත නිල වශයෙන් භාරදීම ද මෙහිදී ජනාධිපතිතුමා අතින් සිදුවිය.

පසුගිය වසරේ කොඩි අලෙවියෙන් ලද මුදල් රණවිරු සේවා අධිකාරිය වෙත ලබාදීම සඳහා ජනාධිපතිතුමා වෙත භාර දීම ද පළාත් ආණ්ඩුකාරවරු අතින් සිදුවිය.

ඡාතික රණවිරු සතිය නිමිති කර ගනිමින් රණවිරුවන් වෙත උපහාර පිදීමේ උත්සව ප්‍රාදේශීය මට්ටමින්, දිස්ත්‍රික් හා පළාත් මට්ටමින් මේ සතිය තුළ පැවැත්වෙන අතර, ජනාධිපති මහින්ද රාජපක්ෂ මහතාගේ ප්‍රධානත්වයෙන් ජාතික උත්සවය පැවැත්වීමට කටයුතු යොදා ඇත.

මේ අවස්ථාවට ආණ්ඩුකාරවරුන් වන සී. නන්ද මැතිව්, ටිකිරි කොබ්බෑකඩුව, අලෙවි මව්ලානා, කුමාරි බාලසූරිය, මොහාන් විජේවික්‍රම, කරුණාරත්න දිවුල්ගනේ, තිස්ස බලල්ල, ජී. ඒ. චන්ද්‍රසිරි, වි. ජ. මු. ලොකුබණ්ඩාර, පාර්ලිමේන්තු මන්ත්‍රී ජේ. ආර්. පී. සූරියප්පෙරුම යන මහත්ම මහත්මීන්, ආරක්ෂක ලේකම් ගෝඨාභය රාජපක්ෂ, ගුවන් හමුදාපති රොෂාන් ගුණතිලක, පොලිස්පති මහින්ද බාලසූරිය යන මහත්වරුන් ද සහභාගි වී සිටියහ.