|
||
ආසියානු පාපන්දු සූරතාව ඕස්ට්රේලියාවටආසියානු කුසලාන කාන්තා පාපන්දු තරගාවලියේ පසුගිය සූරියන් වන උතුරු කොරියානු පිල පරාජයට පත්කළ ඕස්ට්රේලියානු පිල සූරතාව හිමිකර ගැනීමට සමත් විය. තරගය නිමාවන විට 1 - 1 ක් ලෙස ගෝල් සමවීම නිසා දඬුවම් පහර මගින් ජය පරාජය තීරණය කිරීමට සිදුවූ අතර එහිදී ගෝල් 5 – 4 ක් ලෙස වාර්තා කොට ඕස්ට්රේලියානු පිල ජය ගත්තේ ය. ලබන වසරේ ජර්මනියේ පැවැත්වීමට නියමිත ලෝක කුසලාන කාන්තා සූරතාවලිය සඳහා කණ්ඩායම් 2 ම සුදුසුකම් ලබා ගත්හ. ඕස්ට්රේලියානු කාන්තා පාපන්දු පිල විසින් ආසියානු පාපන්දු සූරතාව දිනාගත් පළමු අවස්ථාව මෙය වේ. තරගමාලාවේ තුන්වැනි ස්ථානය තේරීම සඳහා ජපානය සහ චීනය අතර පැවැති තරගයේදී ගෝල් 2 - 0 ක් ලෙස ජය ගැනීමට ජපානය සමත් විය. ඒ අනුව ජපානය ද ලබන වසරේ කාන්තා පාපන්දු ලෝක කුසලාන තරගමාලාව සඳහා සුදුසුකම් ලබා ගැනීමට සමත් විය. |
||
ලංකාවේ සීමාසහිත එක්සත් ප්රවෘත්ති පත්ර සමාගම
© 2010 සියලු හිමිකම් ඇවිරිණි. ඔබගේ අදහස් හා යෝජනා අපි අගයන්නෙමු [email protected] |