ගුවන් ගමන් තහනම් අයකු නිසා හදිසියේම යානයක් ගොඩ බාලා

මොන්ට්‍රියල්හිදී – ඒ. එෆ්. පී

මෙක්සිකානු මගී ගුවන් යානයක් පෙරේදා හදිසියේ ම කැනඩාවේ මොන්ට්‍රියල් ගුවන් තොටුපොළට ගොඩ බා ඇත්තේ එක්සත් ජනපද ගුවන් ගමන් තහනම් ලැයිස්තුවට ඇතුළත් පුද්ගලයකු යැයි ප්‍රකාශිත මගියකු වහා ඉවත් කිරීම සඳහා ය.

අනාවරණය නොකළ මෙම පුද්ගලයා කැනේඩියානු පොලිසිය මගින් අත්අඩංගුවට ගන්නා ලදී. පැරිසියේ සිට මෙක්සිකෝ සිටි බලා යමින් තිබූ ගුවන් යානය මෙසේ හදිසියේ ගොඩබෑමෙන් පසු සෙසු මගීන් ගමනේ ඉතිරි කොටස සඳහා ආපසු යානයට නංවා ගනු ලැබුණේ දැඩි සෝදිසියකින් පසුවය.