|
* ගණිතය-විද්‍යාව-ඉංග්‍රීසි
විෂයන්වලට වැඩි අවධානය
*
භෞතික සම්පත් දියුණු කළ පමණින් රට දියුණු වෙන්නෑ
*
විනය ගරුක දරු පරපුරක් බිහිකර ගත යුතුයි
ටියුෂන් යුගයට තිත තබන්න
පාසල්වලට දක්‍ෂ ගුරුවරු ඕනෑ
පාලටුව ගුණරතන මධ්‍ය මහා විදුහලේ දී ජනපති කියයි
 පාසල්වලට හොඳ දක්‍ෂ ගුරුවරු ලබාදී විෂය දැනුම ළමයින්ට නොඅඩුව ලබාදීමට පියවර ගතහොත්,
ටියුෂන් යුගයට තිත තබන්න පුළුවන්’ බව ජනාධිපති මහින්ද රාජපක්ෂ මහතා අවධාරණය කෙළේය.
ජනාධිපතිතුමා ප්‍රමුඛ සිය පවුලේ දරු දැරියන්ගේ ආදරණීය මෑණියන් වූ පාලටුව දන්දිනා
සමරසිංහ දිසානායක මැතිනියගේ ගුණ සිහි කරනු වස්, පාලටුව ගුණරතන මධ්‍ය මහා විද්‍යාලයේ
අලුතින් ඉදිකළ දර්ශණීය තෙමහල් ගොඩනැඟිල්ල සිසු අයිතියට පවරාදීමෙන් අනතුරුව පැවැති
උත්සව සභාව අමතා ජනාධිපතිවරයා එසේ කීය.නව ගොඩනැඟිල්ල සිසු අයිතියට පැවැරීමේ
මහෝත්සවය ඊයේ (24) පෙරවරුවේ පැවැත්විණි.
විස්තර » |
නව මැතිවරණ කොමසාරිස්වරයා වශයෙන් මහින්ද දේශපි‍්‍රය මහතා ජනාධිපති මහින්ද රාජපක්ෂ
මහතා විසින් පත්කරනු ලැබ සිටියි.
මහින්ද දේශපි‍්‍රය මහතා අද (25) සිට
මැතිවරණ කොමසාරිස් ලෙස පත්කිරීමේ ලිපිය ඊයේ ලබාදී තිබේ. මැතිවරණ කොමසාරිස් දයානන්ද
දිශානායක මහතා සිය තනතුරින් ඊයේ සිට විශ්‍රාම යාම නිසා ජනාධිපතිවරයා මේ පත්වීම
සිදුකර ඇත. අතිරේක මැතිවරණ කොමසාරිස්වරයා ලෙස කටයුතු කරමින් සිටී. මහින්ද
දේශපි‍්‍රය මහතා අම්බලන්ගොඩ ප්‍රජාපති විද්‍යාලයෙන් මූලික අධ්‍යාපනය ලබා පසුව
අම්බලන්ගොඩ ධර්මාශෝක විද්‍යාලයට ඇතුළත් විය.
නියමිත කාලයට පෙර පැසෙන්නට ගොස් සජිත් අද බොල් වී බවට පත්ව ඇතැයි වැවිලි කර්මාන්ත
නියෝජ්‍ය ඇමැති අර්ල් ගුණසේකර මහතා පවසයි.
මැතිවරණ කොපමණ පරාජය වුවත් රනිල් වික්‍රමසිංහ එජාප නායකත්වයේ දිගටම රැඳී සිටින බවට
තමන් එදා කළ ප්‍රකාශය අද තහවුරු වී ඇතැයි ද ඒ මහතා කීය.රටේ බලය ලබා ගැනීමට නොහැකි
වුවත් රනිල් ජාත්‍යන්තර සබඳතා ඇති බුද්ධිමත් නායකයකු බවත්, කෘත්‍යාධිකාරි මණ්ඩල
සාමාජිකයකු ලෙස ඡන්දය පාවිච්චි කිරීමට අවස්ථාව ලැබුණේ නම් තමන් ද ඡන්දය දෙන්නේ
රනිල්ට බවත් නියෝජ්‍ය ඇමැතිවරයා පැවැසීය. 
එක්සත් ජාතික පක්ෂයේ රනිල් පිලත්, සජිත් පිලත් දෙකම මෙවර පළාත් පාලන මැතිවරණයේදී
ජනතාව ප්‍රතික්ෂේප කර ඇති බැවින් එ. ජා. ප. යට තුන් වැනි නායකයකු සොයා ගැනීමට
සිදුවන බව බස්නාහිර පළාත් ඇමැති උදය ගම්මන්පිල මහතා පැවැසීය. ඇමැතිවරයා එසේ ප්‍රකාශ
කළේ ඊයේ (24) කොළඹ දී පැවැති මාධ්‍ය හමුවකදීය.හම්බන්තොටට එක්සත් ජාතික පක්ෂ
නායකත්වය ගෙන යෑමේ සටනද සජිත් ප්‍රේමදාස මහතා අතහැර තිබෙන බවද,...
රනිල්ට ජනපති
සුබ පතයි
සීමාසහිත එක්සත් ප්‍රවෘත්ති පත්‍ර සමාගමත්, (ලේක්හවුස්) ධීවර හා ජලජ සම්පත් සංවර්ධන
අමාත්‍යාංශයත් එක්ව ප්‍රකාශයට පත් කරන ‘ඔරුවැල්ල’ මාසික ධීවර අතිරේකය එළිදැක්වීම
ඊයේ (24) ලේක්හවුස් ආයතනයේදී සිදුකෙරිණි.
ලේක්හවුස් ආයතනයේ සභාපති බන්දුල පද්මකුමාර මහතා ‘ඔරුවැල්ල’ ධීවර අතිරේකයේ පළමු
කලාපය ධිවර හා ජලජ සම්පත් සංවර්ධන ඇමැති වෛද්‍ය රාජිත සේනාරත්න මහතා වෙත ඊයේ (24)
පිළිගැන්වීය.
පස්සර නමුණුකුල ප්‍රදේශයේදී මගී ප්‍රවාහන බස්රියක් ඊයේ (24) සවස අඩි 150 ක පමණ
ප්‍රපාතයකට පෙරළී යාමෙන් එහි ගමන්ගත් තිදෙනකු මියගොස් තිස්එක්දෙනකු තුවාල ලබා තිබේ.
තුවාලකරුවන් පස්සර දිසා රෝහලට සහ බදුල්ල මහ රෝහලට ඇතුළත් කර ඇතැයි පස්සර පොලිසිය
පවසයි. අනතුර සිදුවන අවස්ථාවේ මගීන් පනස් දෙනකු පමණ බස්රථයේ සිට ඇත. තුවාල ලැබූ
පුද්ගලයන් එකළොස් දෙනකු බදුල්ල මහ රෝහලේ ප්‍රතිකාර ලබමින් සිටින අතර ඉන් පස්
දෙනකුගේ තත්ත්වය බරපතල බව රෝහල් ප්‍රකාශකයෙක් පැවසීය. 
වත්මන්
ලෝක සූරයින් කඩුලු 5කින් පරදවා සත්කාරක ඉන්දියාව අවසන්පූර්ව වටයට පිවිසීමට ඊයේ (24)
සමත්විය. ලෝක කුසලාන ක්‍රිකට් තරගාවලියේ දැඩි පේ‍්‍රක්‍ෂක අවදානයක් දිනාගත් තරගය වූ
අර්ධ අවසන් පූර්ව වටයේ දෙවන තරගය අහමදාබාද් ෂර්දාරි පටේල් ක්‍රීඩාංගණයේදී
දිවා/රාත්‍රී තරගයක් ලෙස නිමාවට පත්වුණි. ජයග්‍රාහී ලකුණු 261ක ඉලක්කයක් හඹා ගිය
ඉන්දීය කණ්ඩායම ඕවර 47.4 කදී කඩුලු 5ක් දැවී සිය ජයග්‍රහණය තහවුරු කරගනු ලැබීය.
ප්‍රබල ඔස්ට්‍රේලියානු පන්දු යවන්නන් දැඩි පීඩනයකට හසුකර ගනිමින් ඉක්මන් ලකුණු කරා
ඉන්දීය ඉනිම රැගෙන යාමට ක්‍රීඩකයින් සමත්කම් දැක්වීය.
