|
“ත්‍රස්තවාදීන් පරාජය කිරීම පිළිබඳ ශ්‍රී ලංකාවේ අත්දැකීම්”
ජාත්‍යන්තර සමුළුව.
“ත්‍රස්තවාදීන් පරාජය කිරීම පිළිබඳ ශ්‍රී ලංකාවේ අත්දැකීම්” ජාත්‍යන්තර සමුළුව ඊයේ
(31) ආරක්ෂක අමාත්‍යාංශයේ ලේකම් ගෝඨාභය රාජපක්ෂ මහතාගේ ප්‍රධානත්වයෙන් ගලදාරි
හෝටලයේ දී පැවැත්විණි. එහිදී ජනාධිපති ලේකම් ලලිත් වීරතුංග මහතා පොල්තෙල් පහන දල්වා
උත්සවය ආරම්භ කළ අවස්ථාව. ආරක්ෂක ලේකම් ගෝඨාභය රාජපක්ෂ, ආරක්ෂක මාණ්ඩලික ප්‍රධානී
එයාර් චීෆ් මාර්ෂල් රොෂාන් ගුණතිලක හා විදේශ කටයුතු ඇමැති මහාචාර්ය ජී. එල්. පීරිස්
මහත්වරු මෙහි වෙති.
ඡායාරූපය - තුෂාර ප්‍රනාන්දු
|
මානුෂීය මෙහෙයුමක් සිදු කරමින් ත්‍රස්තවාදය පරාකළ ලෝකයේ පළමු රට ශ්‍රී
ලංකාව බව ආරක්ෂක ලේකම් ගෝඨාභය රාජපක්ෂ මහතා පවසයි. ශ්‍රී ලංකාව ත්‍රස්තවාදය පරාජයට
පත් කිරීම ඓතිහාසික සිද්ධියක් බව ආරක්ෂක ලේකම්වරයා හඳුන්වයි.‘වසර තිහකට අධික කාලයක්
ත්‍රස්තවාදය පැවතුණා. ජනාධිපතිවරුන් සිව් දෙනෙක් ත්‍රස්තවාදය විනාශ කිරීමට උත්සාහ
ගත්තා. එල්. ටී. ටී. ඊ. ය සමග සාකච්ඡා කළා. සාම සාකච්ඡා වලට ගියා. එහෙත් ඒ කිසිවක්
සාර්ථක නොවූ බව, රාජපක්ෂ මහතා අවධාරණය කළේය. ත්‍රස්තවාදය පරාජය කිරීමේ ශ්‍රී ලංකාවේ
අත්දැකීම් ලෝකයට බෙදා දීමට කොළඹ දී පැවැත්වෙන ජාත්‍යන්තර සමුළුව අමතමින් ආරක්ෂක
ලේකම්වරයා එම අදහස් පළ කළේය.
කටුනායක නිදහස් වෙළෙඳ කලාපයේ පැවැති විරෝධතාවට පොලීසිය මැදිහත්වූයේ ආණ්ඩුවේ
බලධාරීන්ගේ කිසිදු අනුදැනුමකින් තොරව බව, ජාතික නිදහස් පෙරමුණේ නායක ඉදිකිරීම්
ඉංජිනේරු සේවා නිවාස හා පොදු පහසුකම් ඇමැති, විමල් වීරවංශ මහතා පවසයි.
සාමකාමීව හා නිරායුධව පැවැති එම විරෝධතාවට පොලිසිය මැදිහත් වී මර්දනකාරී ලෙස
හැසිරීම තරයේ හෙළා දකින බවද හෙතෙම අවධාරණය කළේය.
ඊයේ (31) බත්තරමුල්ලේදී පැවැති ජාතික නිදහස් පෙරමුණේ මාධ්‍ය හමුවට එක්වෙමින් ඇමැති
විමල් වීරවංශ මහතා එම කරුණු අවධාරණය කළේය. 
එක්සත් ජාතීන්ගේ මානව හිමිකම් කවුන්සිලයේ 17වැනි සැසිවාරයේ දී රුසියාව හා චීනය
ඇතුළු රටවල් රැසක උපරිම සහාය ශ්‍රී ලංකාවට හිමිව තිබේ.
ශ්‍රී ලංකාව සම්බන්ධයෙන් රටවල් රැසක් සුබවාදී අදහස් පළ කර තිබෙන අතර ඒ හේතුවෙන්
මතභේදාත්මක දරුස්මාන් වාර්තාව පදනම් කරගෙන ශ්‍රී ලංකාවට එරෙහිව යෝජනාවක් ගෙන ඒමට
ගත් උත්සාහයද අසාර්ථක වී ඇතැයි විදේශ කටයුතු අමාත්‍යාංශය පවසයි.
කෑගල්ල
නගරයේ ප්‍රසිද්ධ ව්‍යාපාරික ස්ථානයකින් සොරකම් කළ රුපියල් ලක්‍ෂ පනස් පහක මුදලින්
රුපියල් ලක්‍ෂ විසිදෙකක් සොරකම සිදුවී දින පහක් ඇතුළත සැකකරුවන් දෙදෙනකු සමඟ
අත්අඩංගුවට ගැනීමට කෑගල්ල පොලිසියේ නිලධාරීහු සමත් වෙති. පසුගිය 22 දා රාත්‍රී මේ
ව්‍යාපාරික ස්ථානයට බිත්තියේ කවුළුවකින් ඇතුළු වී මුදල් පැහැරගෙන ඇති බව
ව්‍යාපාරිකයා පොලිසියට පැමිණිලි කැර ඇත.
වෙනස් වූ ගෝලීය පසුබිමක් ලෝකයේ රටවල් රැසකට පීඩා ගෙන දෙන ත්‍රස්තවාදී අභියෝගය ජය
ගැනීම සඳහා නොබැඳි ජාතීන් තීරණාත්මක කාර්යභාරයක් ඉටුකළ යුතු බව විදේශ කටයුතු ඇමැති
මහාචාර්ය ජී.එල්. පීරිස් මහතා පවසයි. මේ අරමුණු ඉටුකර ගැනීම සඳහා ජී.15 කණ්ඩායම,
බිම්ස්ටෙක් සංවිධානය, සාර්ක් සංවිධානය වැනි සමාන හර පද්ධතීන් සහිත සංවිධාන සමඟ
නොබැඳි ජාතීන්ගේ සංවිධානය ද සහයෝගීතාව ගොඩනඟා ගැනීම මඟින් අමතර වාසි සලසා ගත හැකි
බවද ඒ මහතා ප්‍රකාශ කරයි.ඇමැතිවරයා මේ බව සඳහන් කර ඇත්තේ පසුගියදා
ඉන්දුනීසියාවේ....
බුද්ධික
පතිරණ මහතා වසර කිහිපයක සිට පවත්වාගෙන එන සමාධි ප්‍රජා සංවර්ධන පදනම විසුරුවා හරින
ලෙස පක්ෂ නායක රනිල් වික්‍රමසිංහ මහතා දන්වා ඇතැයි වාර්තාවේ. බුද්ධික පතිරණ මහතා
කෘත්‍යාධිකාරී මණ්ඩලයට ඇතුළත් කරගන්නා ලෙස සජිත් ප්‍රේමදාස මහතා රනිල් වික්‍රමසිංහ
මහතා වෙතින් ඉල්ලීමෙන් පසු මේ දැන්වීම කර ඇතැයි වාර්තාවේ. වසර පහක් පළාත් සභා
මන්ත්‍රීවරයකු වසරක් පළාත් සභාවේ විපක්ෂ නායකයකු ලෙසද දැනට පාර්ලිමේන්තු
මන්ත්‍රීවරයකු වන බුද්ධික පතිරණ මහතා පසුගිය මැතිවරණයේ මනාප 62,499 ලබාගනිමින්
මාතරින් ප්‍රමුඛයා විය.
