ශ්‍රී ලංකාවට කඩුලු 3ක පරාජයක්
ශ්‍රී ලංකාවට කඩුලු 3ක පරාජයක්
පාකිස්තානයට එක්දින තරගමාලාවේ 4 – 1ක ජයක්
වර්නන් ගුණසේකර අබුඩාබි හි සිට..
ඡායාරූප espncricinfo
විශේෂ යාවත්කාලීන කිරීම - විජිත ජයසිංහ
 මිස්බා උල් හක් සහ උමාර් අක්මාල් ශ්‍රී ලංකාවට එරෙහිව අර්ධ ශතක වාර්තා කරමින්
අබුඩාබි
හි ඊයේ පැවැති පස්වැනි හා අවසාන ජාත්‍යන්තර එක්දින ක්‍රිකට් තරගයේ පාකිස්තානය කඩුලු
3ක
ජයග්‍රහණයක් කරා ගෙන ගියහ. මේ ජයග්‍රහණයත් සමග පාකිස්තානයට එක්දින තරගමාලාවේ 4 – 1ක
ජයක්
හිමි විය.
ලකුණු 219ක ජයග්‍රාහී ඉලක්කයක් හඹා ගිය පාකිස්තානය තරගයේ තවත් පන්දු 16ක් ඉතිරිව
තිබියදී
කඩුලු 7ක් පමණක් දැවී ලකුණු 219ක් රැස්කර ගනිමින් තරගයේ ජය වාර්තා කළේය.
නායක මිස්බා ලකුණු 66ක් ලබා ගත් අතර අක්මාල් නොදැවී ලකුණු 61ක් ලබා ගත්තේය.
අක්මාල් ‘තරගයේ වීරයා’ වූ අතර ෂහිඩ් අෆ්රිඩි ‘තරගමාලාවේ වීරයා’ ලෙස නම් කෙරිණි.
දිල්හාර ප්‍රනාන්දු ඊයේ ඔහුගේ පළමු පන්දුවෙන්ම කඩුල්ලක් ලබා ගැනීමට සමත් විය.
මොහමඩ්
හෆීස් (14)ගේ පිත්තේ අග වැදී ආ උඩ පන්දුව කඩුලු රකින කුමාර් සංගක්කාර රැක ගැනීමෙන්
පාකිස්තාන පළමු කඩුල්ල මුළු ලකුණු 25ක්ව තිබියදී 9 වැනි ඕවරයේදී බිඳ වැටිණි.
අනෙක් ආරම්භක පිතිකරු අසාඩ් ෂෆීක් ලකුණු 26කට දැවී ගියේය. පන්දු 38කට මුහුණ දුන්
ඔහු හතරේ පහර 3ක් එල්ල කළේය. එම කඩුල්ල ඇන්ජලෝ මැතිව්ස් ලබා ගත්තේ ඔහුගේ
සිවුවැනි පන්දුවේදීය. ෂෆීක් කඩුල්ල මුවා කළ බවට පිටියේ තරග විනිසුරු දුන් තීරණයට
එරෙහිව ඔහු
අභියෝග කළද තෙවැනි විනිසුරුගේ තීරණයද එය ම විය. මේ අනුව පාකිස්තාන 2 වැනි කඩුල්ල 14
වැනි
ඕවරයේදී බිඳ වැටිණි. ඒ, මුළු ලකුණු 51දීය.
පාකිස්තාන මුළු ලකුණු 113දී කඩුලු 2ක් බිඳ වැටිණි. ඒ කඩුලු දෙක ම ලබා ගත්තේ ජීවන්
මෙන්ඩිස්
ය. යූනුස් ඛාන් හා ෂොයිබ් මලික් (0) දැවී ගිය පිතිකරුවන් වූ අතර මේ දෙදෙනා ම දැවී
ගියේ
කඩුල්ල මුවා කරමිණි.
ඛාන් හා නායක මිස්බා උල් හක් තෙවැනි කඩුල්ල වෙනුවෙන් ඕවර 11.4කදී ලකුණු 62ක
සබඳතාවක්
පිහිටුවූහ. 26 වැනි ඕවරයේ දෙවැනි පන්දුවේදී ඛාන් දැවී යන විට ඔහු හතරේ පහර 2ක් සමග
පන්දු
48කින් ලකුණු 34ක් රැස්කර ගෙන සිටියේය. තෙවැනි පන්දුවේදී මලික් දැවී ගියේය.
ඕවර 36 – 40 ‘බැටිං පවර් ප්ලේ’ කාලය තුළ පාකිස්තානය කඩුල්ලක් අහිමි කර නොගෙන ලකුණු
28ක් ලබා ගත්තේය.
මිස්බා හා අක්මාල්ගේ සබඳතාව 44 වැනි ඕවරයේදී අවසන් වන විට මුළු ලකුණු සංඛ්‍යාව
197ක්
විය. මෙන්ඩිස්ගේ පන්දුවකට ‘බැක්වර්ඩ් ස්කුවෙයාර් ලෙග්’හි පන්දු රකිමින් සිටි
තිසර පෙරේරා වෙත උඩ පන්දුවක් දෙමින් මිස්බා දැවී ගියේය. හතරේ පහර 5ක් එල්ල කළ ඔහු
පන්දු 99කින් ලකුණු 66ක් රැස් කළේය. මිස්බා හා අක්මාල් 5 වැනි කඩුල්ල වෙනුවෙන් ඕවර
18කදී ලකුණු 84ක් එක් කළහ.
 ආක්‍රමණශීලී පිතිකරු ෂහිඩ් අෆ්රිඩි ට ඊයේ ලබා ගත හැකිවූයේ ලකුණු 4ක් පමණි. ලසිත්
මාලිංගගේ
පන්දුවකට අෆ්රිඩිගේ පිත්තේ වැදී ඉතා ඉහළ නැගි පන්දුව ‘ස්ලිප්ස්’ වෙත ගිය අතර ‘සංගා’
දිව යමින් එම උඩ පන්දුව රැක ගත්තේය. ඒ අනුව 6 වැනි කඩුල්ල මුළු ලකුණු 202දී බිඳ
වැටුනද ඒ
වන විට පාකිස්තාන ජයග්‍රහණය තහවුරු වී තිබිණි.
46 වැනි ඕවරයේදී අක්මාල් ලකුණු 48ක් ලබා ගෙන සිටියදී දිල්හාරගේ පන්දුවකට කඩුල්ල
පිටුපසට උඩ පන්දුවක් දුන් බවට තීරණය කඩුලු රකින සංගක්කාර ඉල්ලා සිටියද පිටියේ තරග
විනිසුරු
එය ප්‍රතික්ෂේප කළේය. ශ්‍රී ලංකාව එය තෙවැනි විනිසුරුට යොමු කළද ඔහුගේ තීරණය වූයේද
එය
දැවී යාමක් නොවන බවය. ඊළඟ පන්දුවේදී අක්මාල් හතරේ පහරක් එල්ල කරමින් ඔහුගේ 10 වැනි
එක්දින අර්ධ ශතකය වාර්තා කළේය. අවසානයේ ඔහු පන්දු 60කින් නොදැවී ලකුණු 61ක් රැස්
කළ අතර ඊට හතරේ පහර 8ක් ඇතුළත්ව තිබිණි.
ශ්‍රී ලංකාව වෙනුවෙන් හොඳම පන්දු යැවීම වාර්තා කරමින් ජීවන් මෙන්ඩිස් ලකුණු 36කට
කඩුලු
3ක් ලබා ගත්තේය. දිල්හාර ප්‍රනාන්දු ලකුණුු 47කට කඩුලු 2ක් ලබා ගත්තේය.
පාදයේ ආබාධයකට ලක්ව එක්සත් අරාබි එමීර් රාජ්‍ය තරග සංචාරයෙන් ඉවත් වූ මහේල
ජයවර්ධන වෙනුවට චාමර සිල්වා ඊයේ තරගය සඳහා කැඳවා තිබිණි. පාකිස්තාන කණ්ඩායමේ
වෙනස්කම් 3ක්
සිදුකොට තිබිණි. ඉම්රාන් ෆර්හත්, අයිසාස් චීමා හා සෆ්රාස් අහමඩ් වෙනුවට පාකිස්තානය
අසාඩ් ෂෆීක්, ජුනයිඩ් ඛාන් හා සොහයිල් ටන්වීර් කණ්ඩායමට ඇතුළත් කර තිබිණි.
කාසියේ වාසිය දිනා පළමුව පන්දුවට පහර දුන් ශ්‍රී ලංකා පිලේ කඩුලු 2ක් පළමු ඕවර 5
අවසන් වන විට ලකුණු 20කට බිඳ වැටී තිබිණි. ආරම්භක පිතිකරුවන් වන උපුල් තරංග ලකුණු
3කටත්,
තිලකරත්න ඩිල්ෂාන් ලකුණු 12කටත් දැවී ගිය අතර පිළිවෙලින් ටන්වීර් හා උමාර් ගුල්ගේ
පන්දුවලට මේ දෙදෙනාම දැවී ගියේ කඩුල්ල පිටුපස උමාර් අක්මාල් වෙත උඩ පන්දු ලබා
දෙමිණි.
අංක 3 පිතිකරු ලෙස පිටියට පිවිසි දිනේෂ් චන්දිමාල් පන්දු 14කට මුහුණ දී ලකුණු 7ක්
ලබා ගෙන 8 වැනි ඕවරයේදී ටන්වීර්ගේ පන්දුවකට දෙවැනි ‘ස්ලිප්’හි යූනුස් ඛාන් අතට උඩ
පන්දුවක් දෙමින් දැවී ගියේය. ඕවර 10ක් අවසානයේ ශ්‍රී ලංකා කඩුලු 3ක් ලකුණු 35කට බිඳ
වැටී තිබිණි.
11 වැනි ඕවරයේදී, ප්‍රථම වතාවට පන්දු යැවීම සඳහා කැඳවනු ලැබූ ජුනයිඩ් ඛාන් ඔහුගේ
පස්වැනි
පන්දුවෙන්ම කඩුල්ලක් ලබා ගත්තේය. චාමර සිල්වා (1) පළමු ‘ස්ලිප්’හි මිස්බා උල් හක්
අතට
උඩ පන්දුවක් දෙමින් මුළු ලකුණු 46දී දැවී ගියේය.
කුමාර් සංගක්කාර හා ඇන්ජලෝ මැතිව්ස් එක්ව ශ්‍රී ලංකා ඉනිම ගොඩනගන්නට වූ අතර
මැතිව්ස්
විසින් 23 වැනි ඕවරයේදී උමාර් ගුල් ට එල්ල කළ හයේ පහරත් සමග ශ්‍රී ලංකා මුළු ලකුණු
100
සටහන් විය. ඕවර 25ක් අවසානයේ ශ්‍රී ලංකාව කඩුලු 4කට ලකුණු 114ක් රැස්කර ගෙන
සිටියේය.
35 වැනි ඕවරයේ මුළු ලකුණු සංඛ්‍යාව 151ක්ව තිබියදී ශ්‍රී ලංකාව ‘බැටිං පවර් ප්ලේ’
අවස්ථාව ලබා ගත්
අතර 40 වැනි ඕවරය දක්වා වූ එම අවස්ථාව තුළදී රැස්කර ගැනුණේ ලකුණු 20ක් පමණි. එම
කාලය තුළදී ශ්‍රී ලංකාවට එක් කඩුල්ලක් අහිමි විය. ඒ, කුමාර් සංගක්කාර ය.
ලකුණු 46කට කඩුලු 4ක් බිඳ වැටී තිබු තැන් සිට සංගක්කාර හා මැතිව්ස් ලකුණු ඕවර
28ක් තුළ ලකුණු 118ක් ලකුණු පුවරුවට එක් කරමින් සිටියදී සංගක්කාර, මොහමඩ්
හෆීස්ගේ පන්දුවකට ‘කවර්ස්’හි පන්දු රකිමින් සිටි මිස්බා උල් හක් අතට කෙළින් ම උඩ
පන්දුවක් දෙමින් දැවී ගියේය. හතරේ පහර 8ක් එල්ල කළ ‘සංගා’ පන්දු 100කින් ලකුණු
78ක් වාර්තා කළේය. ඔහු ඊයේ ලබා ගත්තේ 67 වැනි ජාත්‍යන්තර එක්දින අර්ධ ශතකයයි.
මැතිව්ස්ද ඔහුගේ 8 වැනි එක්දින අර්ධ ශතකය වාර්තා කළේය. සයීඩ් අජ්මාල්ගේ පන්දුව
මැතිව්ස්ගේ පිත්ත පරදවා පා ඉන්නේ ගැටීමෙන් ඔහු 44 වැනි ඕවරයේ දැවී යන විට ලකුණු
61ක්
ලබා ගෙන සිටියේය. පන්දු 101ක මැතිව්ස් ඉනිමට හතරේ සහ හයේ පහර 2 බැගින් ඇතුළත්ව
තිබිණි. ඒ වන
විට මුළු ලකුණු ප්‍රමාණය 180ක් විය.
ඊට කළින්, මුළු ලකුණුු 176දී ශ්‍රී ලංකා 6 වැනි කඩුල්ල බිඳ වැටිණි. 43 වැනි ඕවරයේ
ජීවන් මෙන්ඩිස් (2) ෂහිඩ් අෆ්රිඩිගේ පන්දුවකට මුහුණ දීමේදී ‘ස්ටම්ප්’ කිරීමකට ලක්ව
දැවී
ගියේය.
තිසර පෙරේරා හා සීකුගේ ප්‍රසන්න 8 වැනි කඩුල්ල වෙනුවෙන් ඕවර 6.3ක් ඇතුළත ලකුණු
34ක් එක් කළහ. හයේ පහරක්ද සමගින් පන්දු 18කින් ලකුණු 25ක් රැස් කළ පෙරේරා
ටන්වීර්ගේ පන්දුවක් කෙළින් ම කඩුල්ල වැදීමෙන් මුළු ලකුණු 214දී දැවී ගියේය.
ලසිත් මාලිංග හතරේ පහරක් එල්ල කොට ටන්වීර් එවූ ඉනිමේ අවසන් පන්දුවට මිස්බා අතට උඩ
පන්දුවක් ලබා දෙමින් දැවී ගියේය. ටන්වීර් ලකුණු 34කට කඩුලු 4යි: ශ්‍රී ලංකාව කඩුලු
9 ට ලකුණ
218යි.
.
| 
කර්තෘට ලියන්න
මුද්‍රණය සඳහා
