රට සංවර්ධනයට රණවිරු දායකත්වයෙන් බිලියන දහස් ගණනක ඉතිරියක් අතිරේක ආහාර බෝග 11ක නිෂ්පාදන වැඩිකරන සැළසුම් දරුවන් 21ක් දායාද කළ පොඩි නෝනා මාතාව ඇතුළු 2100ක් ‘අභිමන් මාතා’ බුහුමන් ලබති උපාධි ගුරුවරුන් 3000ක් බඳවා ගැනීම තෙල් සංස්ථාවේ පරිගණක මෘදුකාංග පද්ධතිය විගණනයට රෝගී සේවා කළමනාකරණයට නව පරිගණක මෘදුකාංගයක් මියගිය මවට තනි රකින අලි පැටවා රජයේ ප්‍රථම ටින් මාළු කම්හල හෙට ජනපති අතින් විවෘත වෙයි මහනුවර ජනපති මැදුරේදී මිහිකත හෝරාව සැමරේ කිතුලක වරුණ කොළඹ දී ශ්‍රී ලංකා ගණකාධිකාරි සේවයට බඳවා ගැනීමේ වයස වැඩි කරයි කිරි ගවයන් 500ක් ඔස්ට්‍රේලියාවෙන් ගෙන්වයි ඕසොන් වියන සුරැකීමට කළමනාකරණ වැඩ පිළිවෙළක්

මියගිය මවට තනි රකින අලි පැටවා

ත්‍රිකුණාමලය විශේෂ ඒ. ටී. එම්. ගුණානන්ද

රෝගී තත්ත්වයකින් මියගිය අලි මවකගේ පැටවෙකු ත්‍රිකුණාමලය, මොරවැව ගුවන් හමුදා කඳවුර අසලින් සොයා ගත් බව වනජීවී සංරක්ෂණ දෙපාර්තමේන්තුවේ ත්‍රිකුණාමලය අඩවි කාර්යාලය කියයි.

රෝගී තත්ත්වයෙන් ඇවිදගත නොහැකිව වැටී සිටි අලි මව අසල පැටවා සිටි අතර මොරවැව ගුවන් හමුදා කඳවුර මගින් මේ බව දැනුම් දුන් බව වනජීවී අඩවි ආරක්ෂක එන්. සුරේෂ් කුමාර් මහතා පැවැසීය.

අලි මවට වනජීවී පශු වෛද්‍ය ඩබ්. එම්. ධර්මකීර්ති මහතා විසින් ප්‍රතිකාර කළද අලි මව බේරා ගැනීමට නොහැකි විය. පශු වෛද්‍ය ධර්මකීර්ති මහතාගේ උපදෙස් මත අලි පැටවා රිටිගල ඇත් අතුරු සෙවණට භාර දුන් බව සුරේෂ් කුමාර් මහතා පැවැසීය.

වනජීවී අඩවි ආරක්ෂක එන්. සුරේෂ් කුමාර මහතා සමඟ මෙම අලි පැටවා ඇත් අතුරු සෙවණට භාරදීමට වනජීවී නියාමකවරුන් වන පූර්ණ නවරත්න, අයේෂ් හසිත, රොෂාන් ලක්මාල් යන මහත්වරු ද දායක වූහ.

මෙම අලි පැටවා හමුනොවූයේ නම් කැලයේ අතරමං වී ජීවිත අවධානමකට ලක්වීමට ඉඩ තිබුණි. අලි මවට ප්‍රතිකාර කිරීමේ සිට අලි පැටවා බේරා ගැනීමට මොරවැව ගුවන් හමුදා කඳවුරේ නිලධාරීන් හා ගුවන් භටයන් දැක්වූ සහය ද මෙහිදී අඩවි ආරක්ෂක සුරේෂ් කුමාර් මහතා සිහිපත් කළේය.

.