මීගමුවේ පාසල් කිහිපයකට සිසු සවි රන් අස්වනු

පමුණුගම සමූහ ඩී. එන්. බී. කිරිහෙට්ටි

අබේකීර්ති මහත්මිය විසින් වගා පාත්තියක් සකසන අයුරු සිසුනට කියා දෙන ලැබූ අයුරු ඡායාරූපය - පමුණුගම සමූහ

අධ්‍යාපන අමාත්‍යාංශයේ ‘සිසු සවියෙන් රන් අස්වනු’ තේමාව යටතේ මීගමුව අධ්‍යාපන කොට්ඨාසයේ මීගමුව පලඟතුරේ සිංහල කනිටු විද්‍යාලය, කටාන විද්‍යාලෝක විද්‍යාලය, ජා ඇළ පමුණුගම මහා විදුහල්වල ගොවි පළවල් ආරම්භ කර ඇති බව මීගමුව කලාප සහකාර අධ්‍යක්‍ෂිකා කෘෂිකර්ම ඇස්. සී. අබේකීර්ති මහත්මිය පැවසුවාය.

ජා ඇළ අධ්‍යාපන ප්‍රදේශයේ විදුහල් විස්සක සිසුන්ට ගෙවතු වගා පුරුදු පුහුණු කර ඇති අතර මේ සඳහා කටාන කෘෂිකර්ම නිලධාරී ආර්. එන්. ඩබ්ලිව්. ගුණවර්ධන, පමුණුගම ගොවිජන සේවා කාර්යාලයේ සුමදුර ජයමාන්න හා සමන්ත මුණසිංහ, කෘෂිකර්ම සහයක නිලධාරීන් එම පාසල් දරුවන්ට අවශ්‍ය උපදෙස් ලබා දෙති. මේ මගින් දරුවන්ට ගෙවතු වගාව පිළිබඳව හොඳ දැනීමක් හා අවබෝධයක් ඇති හෙයින් තමන්ගේ නිවසේ ගෙවත්ත වගා කිරීමට හැකියාව ලැබේ.