දුමින්ද සිල්වාට වෙඩි තැබුවේ භාරත නොවෙයි ගාමිණී කොළොන්නාවට තෙල් ගෙන යන නළ දෙකක කාන්දු රජ රට වැව් පිරෙයි ජාතික මානව සම්පත් සහ රැකියා පිළිබඳ ජාතික ප්‍රතිපත්තිය ජනපතිට පිළිගන්වයි නීලම් සුළි කුණාටුව ඉන්දියාව දෙසට විපතට පත් ජනයාට සහන සැලසීමට ජනපතිගෙන් උපදෙස් ආපදාවකදී පිහිටට ත්‍රිවිධ හමුදා සෞඛ්‍ය අංශ සූදානමින් ධාරානිපාත වර්ෂාවෙන් 17,000ක් පීඩාවට මැණික් ගැරීමෙන් කන්තලේ වැව් බැම්ම අනාරක්ෂිත තත්ත්වයේ උතුරු මැද කුඹුරු අක්කර ලක්ෂ 2ක් නොමිලේ සී සෑමට ට්‍රැක්ටර් 300ක්‍ සැකකාර සිරිපාල වැලිකඩට අමෙරිකාවේ සැන්ඩි සුළි කුණාටුවෙන් මිලියන 50කට බලපෑම් පොපි මල් සැමරුම හෙට සිට රානී සඳුන් වෙතින් පාරිභෝගිකයන්ට රන් පෙන්ඩන්ට් ආගරපතනේ තොග වෙළෙඳ සලක සේවකයන් 2ක් අබිරහස් ලෙස මියගිහින් සුදු හඳුන් කිලෝ 34ක් සමඟ සැකකරුවකු අත්අඩංගුවට බසයෙන් ඇදවැටී තුවාල ලැබූ කාන්තාව දින 3 කට පසු මිය ගිහින් ‘නීති රඟ 2012’ට නඩු

කොළොන්නාවට තෙල් ගෙන යන නළ දෙකක කාන්දු

නඩත්තුවලට එක් නළයක් වසා දමයි

සුභාෂිණී සේනානායක සහ කොළොන්නාව සමූහ ඒ. සුමනසේන

කොළඹ වරායේ සිට කොළොන්නාව තෙල් ගබඩාව දක්වා නැව් මගින් ගුවන් යානා තෙල් පොම්ප කරන නළ මාර්ගයේ ස්ථාන දෙකක ඊයේ දහවල් තෙල් කාන්දුවීම් සිදුවී ඇති අතර අලුත්වැඩියා කිරීම් සඳහා යොදාගැනෙන නළ මාර්ග දෙකෙන් එකක් නඩත්තු කටයුතු අවසන් වන තුරු වසා තැබීමට සිදුවී ඇත.

කොළඹ මහවත්ත හා ඔරුගොඩවත්ත දුම්රිය ගේට්ටුව අසල ගුවන් පාලමට යටින් දුම්රිය මාර්ගයේද මේ තෙල් කාන්දුවීම් සිදුවී ඇති ස්ථාන වන අතර ඒ වනවිටත් කොළඹ වරායේ සිට අදාළ මාර්ගය ඔස්සේ නැවකින් තෙල් පොම්ප කරමින් සිටි බව තොග තෙල් පර්යන්ත සමාගමේ මාධ්‍ය ප්‍රකාශක නිශ්ශංක ජයවර්ධන මහතා කියයි.

සිද්ධිය සැලවූ සැණින් එහි පැමිණි අදාළ ආයතනයේ නඩත්තු ඒකකය වහාම නඩත්තු කටයුතු ආරම්භ කළ අතර ඒ වනවිටත් කාන්දු වෙමින් ගලායන තෙල් එකතුකරමින් සිටි ප්‍රදේශවාසීන් පිරිසක්ද එම ස්ථානයෙන් ඉවත් කිරීමටද එම අංශය පියවර ගත්හ.

මේ නළ මාර්ගය මීට වසර 50කටත් පෙර ඉදිකර ඇති බැවින් මෙවැනි තෙල් කාන්දුවීම් නිතර සිදුවන බවද පෙන්වා දුන් මාධ්‍ය ප්‍රකාශකවරයා ඛනිජතෙල් අමාත්‍යාංශය මේ වනවිටත් අලුතින් නළ මාර්ග එලීම සඳහා අවශ්‍ය පියවර ගෙන ඇති බවද මේ තෙල් කාන්දුව නිසා දුම්රිය ගමනාගමනයට බාධාවක් සිදුවෙතැයි සමහරුන් කටකතා පතුරුවන අතර එවැනි බාධාවකට කිසිදු ඉඩක් නැතැයි ද කීහ.

 

ඉන්ධන එකතුකරන ප්‍රදේශවාසීන්

ඡායාරූප - විමල් කරුණාතිලක

.