වතුපිටිවල හැටදෙහැවිරිදි කතක
කපා කොටා මරා දමලා
අවු 1½ක
සිඟිත්තා
ලේ තවරාගෙන
ඒ මේ අත දුවයි
බරපතළ තුවාල ලත් සැමියා රෝහලට
වතුපිටිවල උනගහදෙණියේ නිවෙසක විසූ යුවළක් ඊයේ(12) දහවල් කිසියම්
පිරිසක් විසින් කපාකොටා දැමීමෙන් බිරිය එතැනම මියගොස් සිටි බවත් බරපතළ
තත්ත්වයේ පසුවූ සැමියා වතුපිටිවල රෝහලට ඇතුළත් කිරීමෙන් පසු කොළඹ ජාතික
රෝහලට මාරු කර යැවූ බවත් නිට්ටඹුව පොලිසිය කියයි.
සිද්ධියෙන් මියගොස් ඇත්තේ ඩබ්ලියු.ආර්. ස්වර්ණාවතී (62) මහත්මිය බවට හඳුනාගෙන
ඇති අතර බරපතළ තුවාල ලබා රෝහල්ගත කර ඇත්තේ සෞඛ්‍ය දෙපාර්තමේන්තුවේ
විශ්‍රාමිකයකු වූ එච්.එම්. වික්‍රමරත්න (65) මහතා ය.
විස්තර» |
Sri Lanka Rupee Exchange Rate
මෙරට අධිකරණ ක්‍රියාවලිය තුළ මුල්‍ය වංචා සහ විසම පැවැත්ම හේතුවෙන් දෝෂාභියෝග
චෝදනාවට ලක් වූ අගවිනිසුරු ආචාර්ය ශිරානී බණ්ඩාරනායක මහත්මිය,
ශ්‍රේෂ්ඨාධිකර‍ණයේ සමහර නඩු විභාග කිරීමෙන් ඊයේ ඉවත් වූවාය. අගවිනිසුරුවරියට
එරෙහිව එල්ලවී ඇති චෝදනාවලට අනුව එබදු තීන්දුවක් ගන්නට ඇතැයි නීතිවේදීහු පෙන්වා
දෙති. රටක නීතිය හා සදාචාරය අතර ගැඹුරු සම්බන්ධතාවක් ඇතැ’යි පැහැදිලි කරන නීති
විශාරදයෝ දෝෂාභියෝග /චෝදනා එල්ලවී තිබියදීත් විනිශ්චය ආසනයක සිට රටට සම්බන්ධ
තීරණාත්මක නඩු විභාග කිරීම අතිශය සදාචාර විරෝධී යැයි පෙන්වා දෙති.
සියලු ජන කොටස් අතර වඩා පුළුල් දැනුමක් ඇති කිරීමේ අවස්ථාව සහ ජනවර්ගයන් අතර
සහජීවනය වර්ධනය කිරීමට මෙන්ම දිගු කලක් පුරා ජනවර්ගයන් දුරස් කළ විෂමතා
දුරලීම සඳහා දීපාවලි උළෙලින් ආලෝකයක් පතුරුවන බව ජනාධිපති මහින්ද රාජපක්ෂ
මහතා පෙන්වා දෙයි.
මේ ශ්‍රේෂ්ඨ උළෙල සැමරීම සඳහා ලොව පුරා වෙසෙන බැතිමතුන් සමඟ ශ්‍රී ලාංකීය හින්දු
ජනතාව එක්වන බව පවසන ජනාධිපතිවරයා දීපාවලි උළෙල වෙනුවෙන් සුබපැතුම්
පණිවුඩයක් නිකුත් කරමින් මෙසේ ද සඳහන් කරයි.
දීපාවලි දිනයෙහි සැබෑ අරුත වන්නේ අසත්‍යය දුරැලා සත්‍යය දල්වාලීම යැයි එක්සත්
ජාතික පක්ෂ නායක සහ විපක්ෂ නායක රනිල් වික්‍රමසිංහ මහතා අදට (13) යෙදෙන දීපාවලී
උත්සවය නිමිත්තෙන් සුබ පැතුම් පණිවිඩයක් නිකුත් කරමින් කියා සිටියි.
එම සුබ පැතුම් පණිවිඩයේ මෙසේද දක්වා තිබේ. අධර්මිෂ්ඨ අන්ධකාරයෙන් මිදී ප්‍රඥාලෝකය
දල්වාලීම නිමිතිකොට ගෙන පහන් මාලාවක් දල්වමින් දීපවාලී දිනය සැමරීම හින්දු
බැතිමතුන්ගේ හා ජෛන බැතිමතුන්ගේ සිරිතකි. 
