බම්බලපිටියේ දී ගෙල කපා අයකු මැරූ ආරක්ෂක ලේකම් ගෝඨාභයට ලීඩර් ආයතනයෙන් කෝටි 25ක වන්දි ආරක්‍ෂක ලේකම්තුමා අවංක බව අධිකරණ තීන්දුවෙන් ඔප්පු වුණා ගොවීන්ටත් විදෙස් පුහුණුව කෘෂිකර්ම අමාත්‍යංශය තීරණය කරයි කාලගුණයෙන් බාධා සුප්‍රීම් සැට් ගමන නවතී මවුකිරි බැංකුවක් ශ්‍රී ලංකාවේ විනිසුරු දියණියගේ නම විකුණා අන්තර්ජාලයට ගිය වෙළෙඳ සහායක කොටු වෙයි කෝටි 1½ක විදෙස් මුදල් සමඟ ඉන්දීය ජාතිකයෝ 3ක් රේගු දැලේ ස්වාභාවික භූ තාප මඟින් විදුලිය නිපදවීම ළඟදීම අය-වැය කාරක සභා විවාදවල දී මන්ත්‍රීවරු තම අසුනේ සිටිමින් කතා කළ යුතුයි ඔක්. මස සංචාරකයන්ගේ පැමිණීම සියයට 15කට වඩා වැඩි වර්ධනයක් යොවුන් සේනාංක යෞවන යෞවනියන්ගේ සෞන්දර්යාත්මක කළ එළි දැක්ම එන 23දා ගිරිබාව පොලිසියේ දෙදෙනෙකුටමැර ප්‍රහාරයක් සියලු දරු දැරියන්ට එක හා සමාන අධ්‍යාපන අවස්ථාවක් ලබා දෙනවා අධ්‍යාපනයේ දියුණුවට ප්‍රාථමික - ද්විතීයික පෙර පාසල් සහ යටිතල පහසුකම් වැඩි දියුණු කරනවා රිට් පෙත්සම් ගැන උපදෙස් ගන්න නීතිඥවරුන්ට කල් ලබාදීමට යයි කළමනාකරණය විධිමත් කළ නිසා මූල්‍ය වර්ධනයක් ඇති වුණා

මවුකිරි බැංකුවක් ශ්‍රී ලංකාවේ

සන්ධ්‍යා කරුණාරත්න

මවුකිරි බැංකුවක් මෙරට ස්ථාපිත කිරීමට සෞඛ්‍ය අධ්‍යාපන කාර්යාංශයේ අවධානය යොමු කෙරේ. රැකියා කටයුතුවලට යන මවුවරුන්ට දරුවාට මවුකිරි ලබා දීම පිළිබඳ ගැටලු මතු වේ. ඊට විසඳුමක් ලෙස මේ බැංකුව ස්ථාපිත කිරීමටඑම කාර්යාංශය අවධානය යොමු කර ඇති බව ජාතික පෝෂණ සම්බන්ධීකාරක වෛද්‍ය ලලිත් චන්ද්‍රදාස මහතා පවසයි.

ලෝක මවුකිරි දීම පිළිබඳ ප්‍රවනතා අධ්‍යයනයේ ශ්‍රී ලංකා වාර්තාපත 2012 එළිදැක්වීම ජනාධිපති ලේකම් කාර්යාලයේ දී පෙරේදා (21) සිදුකෙරිණ. එම අවස්ථාවේදී මේ කරුණු හෙළි කෙරිණ.දරුවා ඉපදී මාස තුන හතරෙන් රැකියා කටයුතු සඳහා යාමට සිදු වන මවුවරු බොහොමයක් දරුවන්ට පිටි කිරි ලබා දීමට කටයුතු කරයි. පිටි කිරි ලබා දීමෙන් දරුවාගේ පෝෂණයට බාධාවක් සිදු වන අතර අනිවාර්යයෙන්ම මාස හයක් යන තෙක් මවුකිරි පමණක්ම ලබා දීම සිදු කළ යුතු බව විශේෂඥ වෛද්‍යවරු පවසති.

මවුකිරි අහිමි වූ දරුවන්ට මවුකිරි ලබා දීම මේ බැංකුව මඟින් සිදු කළ හැකි අතර දරුවන්ගේ පෝෂණ ගැටලු ඉන් විසඳීමට හැකි බව ලලිත් චන්ද්‍රදාස මහතා පවසයි.අඩු බර උපත් සහිත දරුවන්ට ද ඔවුන්ගේ පෝෂණ මට්ටම ඉහළ නැංවීමට මේ බැංකුව කදිම අවස්ථාවක් වනු ඇතැයි ඒ මහතා ප්‍රකාශ කරයි.දරුවකු ඉපදී මුල් මාස හයේ දී මවුකිරි ලබා දීම දරුවාගේ කායික වර්ධනයට හා බුද්ධි වර්ධනයට අත්‍යවශ්‍ය වේ.

දරුවකුගේ ප්‍රතිශක්තීකරණය සඳහා ද මවුකිරි අත්‍යවශ්‍ය වේ.පිලිපීනය වැනි රටවල ද ප්‍රජා මූලික මවුකිරි බැංකු පිහිටුවා සාර්ථක ප්‍රතිඵල ලබා ඇත. වැඩි වියදමක් නොදරා පහසුවෙන් මේ බැංකු පිහිටුවිය හැකි බව ද හෙතෙම කීය.

.