|
||||
මාලි ගැටුම තවත් අර්බුද වැලක ඇරඹුමක්
ප්‍රංශය ගුවන් ප්‍රහාර එල්ල කිරීමත් සමඟ උණුසුම් වන මාලි අර්බුදය හේතුවෙන් අප්‍රිකා මහාද්වීපයේ අර්බුදකාරි තත්ත්වයක් උද්ගත වනු ඇතැයි විශ්වාස කෙරේ. මේ හේතුවෙන් ඉස්ලාම් සටන්කාමීන්ගෙන් ප්‍රතිප්‍රහාර එල්ල වීමටත් මානුෂික අර්බුදයක් හටගැනීමටත් ඉඩ ඇති බව වාර්තා වේ. ඉස්ලාම් සටන්කාමීන් අල්ලාගෙන ඇති මාලි හී උතුරු ප්‍රදේශ, රජයට අත්පත් කරදීමේ වැඩපිළිවෙළට සහාය සැපයීමට 3,300කින් පමණ සමන්විත විදෙස් හමුදා එවීමට තවත් රටවල් සැලසුම් කර තිබේ. මේ හේතුවෙන් එකී රටවලට ද ඉස්ලාම් අන්තවාදීන්ගෙන් ප්‍රහාර එල්ල වීමේ අනතුරක් පැන නැඟි ඇතැයි විශ්ලේෂකයෝ පවසති. මාලි හි උතුරු දිග දියත් කර ඇති මෙහෙයුම නිසා සරණාගතයන් විශාල වශයෙන් පැමිණීම හේතුවෙන් දැනටමත් අර්බුදයට ලක්ව ඇති අසල්වාසී රටවලට තවදුරටත් දැඩි පීඩනයක් එල්ල වනු ඇත. දැනටමත් අසල්වාසි බුර්කිනා ෆාසෝ, නයිජර් සහ මොරිටානියාවට සරණාගතයන් පලා ඒමට පටන් ගෙන ඇතැයි පැවැසේ. |
||||
|
ලංකාවේ සීමාසහිත එක්සත් ප‍්‍රවෘත්ති පත‍්‍ර සමාගම
© 2013 සියලු හිමිකම් ඇවිරිණි. ඔබගේ අදහස් හා යෝජනා අපි අගයන්නෙමු [email protected] |
මුද්‍රණය සඳහා