තවත් පිපිරීම් වැලකින් අමෙරිකාව දෙදරයි පාරිභෝගිකයාට ගැටලු මතු වුවහොත් විදුලි ගාස්තු ගැන යළි සලකා බලනවාසිතාරා සේනානි ශ්‍රී ලංකාව පොදු රාජ්‍ය මණ්ඩලයෙන් ඉවත් කිරීමට කිසිම හැකියාවක් නැහැ ජනපති මැදිහත්වීමෙන් බෝගල උපවාසය නවතී උත්සව සමයේ දින 13කින් ලක් සතොසට කෝටි 176ක් ශ්‍රී ලංකාවේ අයවැය හිඟය අවම මට්ටමකට දඹුල්ලෙන් 10,000ක වැඩි පිරිසක් ශ්‍රීලනිපයට එක් වෙති කිසිම වැඩකට ඇඟිල්ල දිගු නොවන අයුරින් සේවය කරන්න හොර පිරිවෙන් ගුරා රිමාන්ඩ් ජාතික මැණික් හා ස්වර්ණාභරණ අධිකාරියේ නව සභාපති අමිත කුමාර ගමගේ අම්බලන්තොට වී පර්යේෂණායතනය නව වී ප්‍රභේද තුනක් හඳුන්වා දෙයි දෙස් විදෙස් සංචාරකයන්ට පරිසර හිතකාමී සංචාරක නිවාස ඉදිකිරීමේ වැඩපිළිවෙළක් උණුසුම් කාලගුණය මැයි මැද තෙක්

කිසිම වැඩකට ඇඟිල්ල දිගු නොවන අයුරින් සේවය කරන්න

ජනාධිපති ලේකම් කාර්යාලයේ අලුත් අවුරුදු උළෙලේ දී ජනපති කියයි

ධනුෂ්ක ගොඩකුඹුර සහ මහින්ද අලුත්ගෙදරඇඟිල්ල දිගු කර චෝදනා කිරීමට කිසිවකුටත් නොහැකි වන අන්දමට ජනතාව වෙනුවෙන් නිසි ලෙස සේවය කිරීම ජනාධිපති කාර්යාලයේ සේවය කරන සැමගේ යුතුකම බව ජනාධිපති මහින්ද රාජපක්ෂ මහතා පැවසීය.

ඇතැමුන් ජනාධිපති කාර්යාලය යම් යම් ක්‍රියාවලට භාවිතා කරන බව පැවසූ ජනාධිපතිවරයා දැනුවත්ව හෝ නොදැනුවත්ව ඒවාට හසු නොවී කටයුතු කිරීමේ අවශ්‍යතාව පෙන්වා දුන්නේය. ජනාධිපතිවරයා මෙසේ ප්‍රකාශ කළේ සිංහල හා දෙමළ අලුත් අවුරුද්ද නිමිත්තෙන් ජනාධිපති ලේකම් කාර්යාලයේ දී ඊයේ (18) පැවැති උත්සවයකට එක්වෙමිනි.

අලුත් අවුරුද්දෙන් පසු ජනාධිපතිවරයා කාර්යාලයට පැමිණීමේ සම්ප්‍රදාය අනුව සෑම වසරක ම මෙම උ‍ත්සවය සංවිධාන කෙරේ.

මහා සංඝරත්නය ප්‍රමුඛ සර්වාගමික ආශිර්වාද මධ්‍යයේ උත්සවය ආරම්භ කෙරුණු අතර ජනාධිපතිවරයා සියලු සේවක සේවිකාවන් වෙත අලුත් අවුරුද්දට සුබ පැතුවේය.

තම තමන්ගේ අතින් ඉටු විය යුතු යුතුකම නිසි ලෙස ඉටු කිරීමට නව වසරේ අධිෂ්ඨාන කර ගන්නා ලෙස ජනාධිපතිවරයා ඉල්ලා සිටියේය.

ඇමැතිවරුන් වන කෙහෙළිය රඹුක්වැල්ල, ජොන්ස්ටන් ප්‍රනාන්දු, ජනාධිපති ලේකම් ලලිත් වීරතුංග මහතා ඇතුළු නිලධාරීහූ රැසක් මේ අවස්ථාවට එක්ව සිටියහ.

.