මෙරට රියැදුරන් ලක්ෂ 38න් ලක්ෂ 29කටම රථවාහන නඩු
හොර බලපත්, මාර්ග නීති කැඩීම් බීමත්කම ප්‍රධාන හේතුවයි
ලියාපදිංචි මෝටර් රථ සංඛ්‍යාව ලක්ෂ 44ක්
ලක්ෂ 6ක් අත ඇත්තේ හොරට ගත් ලයිසන්
 තිස්අට ලක්ෂයක් පමණ වූ මෙරට රියැදුරන් අතරින් ලක්ෂ 29ක් රථ වාහන වැරැදි කර නඩු
පැවරීම්වලට ලක්වූවන් බව පොලිසිය අනාවරණය කරයි.
මෙතරම් විශාල රියැදුරන් පිරිසක් රථ වාහන වැරදි සම්බන්ධයෙන් නීතියේ රැහැනට
හසුවීමට ප්‍රධානම හේතුව ලෙස රථ වාහන පාලන හා මාර්ග ආරක්ෂාව පිළිබඳ නියෝජ්‍ය
පොලිස්පති පී.ඩී.ඒ.කේ. සේනාරත්න මහතා පෙන්වා දුන්නේ, රියැදුරන් ක්‍රමානුකූල
ආකාරයට රියැදුරු බලපත්‍රයක් ලබා නොතිබීම, මාර්ග නීති රීති හරි හැටි
අනුගමනය නොකිරීම සහ බීමත්ව රිය පැදවීම බවයි.
විස්තර» |
Sri Lanka Rupee Exchange Rate
මැයි පළමුවැනිදාට යෙදෙන ජාත්‍යන්තර කම්කරු දිනය නිමිත්තෙන් පැවැත්වෙන
පෙළපාළි සහ රැලි වලට සහභාගී වන ජනතාවට සුවිශේෂී ආරක්ෂාවක් ලබා දෙන ලෙසට
ආරක්ෂක ලේකම් ගෝඨාභය රාජපක්ෂ මහතා පොලිස්පති එන්.කේ. ඉලංගකෝන් මහතාට උපදෙස්
දී තිබේ.
ඒ අනුව පොලිස්පතිවරයා විසින් එදින ක්‍රියාත්මක කිරීම සඳහා සංවිධානාත්මක
රාජකාරී ව්‍යුහයක් සකස් කර තිබේ. 
යුද ගැටුම් නිමාවට පත්කොට දැවැන්ත ප්‍රගතියක් පෙන්නුම්කර තිබෙන ශ්‍රී ලංකාව
එක්සත් ජාතීන්ගේ සහශ්‍රක සංවර්ධන ඉලක්ක ජයගෙන තිබෙන බව ශ්‍රී ලංකා මහ බැංකුව
පවසයි.
එම ප්‍රගතියත් සමඟ ආර්ථීක, දේශපාලනික හා සමාජයීය ඇතුළු සෑම ක්ෂේත්‍රයකම
කැපී පෙනෙන වර්ධනයක් පෙන්නුම්කර තිබෙන බව ශ්‍රී ලංකා මහ බැංකුවේ අධිපති අජිත්
නිවාඩ් කබ්රාල් මහතා සඳහන් කරයි.
