සාමය දිනා දුන්
නායකයා
ශක්තිමත් කිරීමට සැම එකාමෙන්
කටයුතු කළ යුතුයි
ගලගම ශ්‍රී
අත්ථදස්සී අනු නාහිමි
ජිනීවා සමුළුව ඔස්සේ අප රටට පදනම් විරහිත අභූත චෝදනා ගෙන ඒමට ජාත්‍යන්තරයේ
ඇතැම් කණ්ඩායම් උත්සාහ දරන මේ මොහොතේ රටට සාමය දිනා දුන් නායකයා ලෙස
ජනාධිපතිතුමන් සෑම අතින්ම ශක්තිමත් කිරීමට මෙරට සිංහල, දෙමළ, මුස්ලිම් ආදී
සියලු ජනතාව මේ මොහොතේ එකාමෙන් කටයුතු කළ යුතු යැයි සියම් මහා නිකායේ අස්ගිරි
පාර්ශ්වයේ අනුනායක ගලගම ශ්‍රී අත්ථදස්සී හිමියෝ පවසති.
විස්තර»
|
ළහිරු තිරිමාන්නගේ විශිෂ්ට ශතකයත් ලසිත් මාලිංගගේ සුපිරි පන්දු යැවීමත්
හේතුවෙන් ඊයේ බංග්ලාදේශයේ ෆටුල්ලාහී ඛාන් සහීබ් ඔස්මන් අලී ක්‍රීඩාංගණයේදී
ආසියානු කුසලාන ක්‍රිකට් තරගමාලාව ආරම්භ කරමින් පැවැති දිවා-රාත්‍රි තරගයෙන්
පාකිස්තානයට එරෙහිව ලකුණු 12ක ජයක් හිමිකර ගැනීමට ශ්‍රී ලංකා පිල සමත්විය. 
මගීන් සහිතව ගමන්වාර යන අතරතුර ඉන්ධන පුරවාගැනීම සඳහා ඉන්ධන හල් කරා යන
පෞද්ගලික බස් රථවලට එරෙහිව දැඩි ක්‍රියාමාර්ග ගන්නා බව මගී ප්‍රවාහන
අධිකාරියේ නියෝජ්‍ය සාමාන්‍යාධිකාරී (ධාවන) අජිත් රංජිත් මහතා පවසයි. 
Sri Lanka Rupee Exchange Rate
යුද්ධය දිනාදුන් මෙරට රණවිරුවන්ට ජාතියේ ඉහළම ගෞරවය හිමිකර දීම ජිනීවා
මානව හිමිකම් කොමිසමට ඉවසුම් නොදෙන කරුණක් බව රාජ්‍ය ආරක්ෂක ලේකම් ගෝඨාභය
රාජපක්ෂ මහතා ප්‍රකාශ කරයි.
වසර 30ක් තිස්සේ මෙරට වෙළාගෙන උන් කුරිරු යුද්ධය හමාර කළ සෙබළුන්ට කළගුණ දත්
ජාතියක් ලෙස ගෞරව කරන විට බටහිරට එය ඉවසුම් නොදෙන බවත් බටහිරට පුරුදු ආකාරයෙන්
යුද්ධය අවසානයේදී හමුදා කඳවුරු ඉවත් කරගෙන...
ශ්‍රී ලංකාව සම්බන්ධයෙන් ජාත්‍යන්තර පරීක්ෂණයක් පැවැත්විය යුතු බවට එක්සත්
ජාතීන්ගේ මානව හිමිකම් පිළිබඳ මහ කොමසාරිස්වරිය කරන යෝජනාව තරයේ
ප්‍රතික්ෂේප කරන බව රජය අවධාරණය කරයි.
මානව හිමිකම් උල්ලංඝනයන්
සම්බන්ධයෙන් පවතින චෝදනා තවදුරටත් විමර්ශනය සඳහා අන්තර්ජාතික
පරීක්ෂණයක් පැවැත්විය යුතු බවට ජගත් මානව හිමිකම් පිළිබඳ මහ කොමසාරිස්
නවනීදන් පිල්ලේ යෝජනාකර තිබෙන අතර එවැන්නක් ප්‍රතික්ෂේප කරන බවට එක්සත්
ජාතීන්ගේ සංවිධානයේ ජිනීවාහි පිහිටි ශ්‍රි ලංකා නිත්‍ය නියෝජිත කාර්යාලය
ප්‍රකාශ කරයි.
රුපියල් පන්දහසේ ව්‍යාජ නෝට්ටුවකින් ගනුදෙනු කිරීමට යද්දී අත්අඩංගුවට ගනු
ලැබූ සබරගමුව විශ්වවිද්‍යාල සිසුවා ලබන (06) වනදා තෙක් රක්ෂිත බන්ධනාගාරගත
කිරීමට බලන්ගොඩ මහේස්ත්‍රාත් ලලිත් කන්නන්ගර මහතා නියම කළේය.
පෙරේදා (25) පස්වරුවේදී මෙම සැකකරු බලන්ගොඩ පොලිසියේ අපරාධ විමර්ශන අංශය
විසින් මහේස්ත්‍රාත්වරයා හමුවට ඉදිරිපත් කරන ලදී.
අටවැනි දැයට කිරුළ ජාතික සංවර්ධන මහා ප්‍රදර්ශනය ජනාධිපති මහින්ද රාජපක්ෂ
මහතාගේ උපදෙස් මත මාර්තු 1 වැනිදා මධ්‍යම රාත්‍රිය දක්වා දින දෙකකින් දීර්ඝ කැර
ඇත.
කුලියාපිටිය අධ්‍යාපන කේන්ද්‍රස්ථාන තුනක් මුල්කොට අක්කර 162 ක බිමක් පුරා
පැවැත්වෙන මේ මහා ප්‍රදර්ශනය නැරඹීමට පැමිණි දසලක්ෂ සංඛ්‍යාත ජනතාවට
අමතරව තවත් ජනතාවට මෙය නැරඹීමට ඉඩකඩ දෙන්නැයි ජනපතිඳුන්ට කළ ඉල්ලීමට කන්
දෙමින් මේ තීරණය ගත් බව ප්‍රදර්ශන කමිටු සභාපති සහ විදුලි සංදේශ හා තොරතුරු
තාක්ෂණ ඇමැති රංජිත් සියඹලාපිටිය මහතා ප්‍රකාශ කෙළේය.
