එල්ටීටීඊ ජාත්‍යන්තර ක්‍රියා ගැන ලොව ඇතැම් රටවල් අන්ධ වෙලා බුදු රුව සහිත පත්තර කඩදාසි ආපනශාලාවල අත පිසින්න තබලා බ්‍රිතාන්‍ය දෙමළ සංගමය මෙරට හමුදා නිලධාරීන්ගේ තොරතුරු සොරාගෙන සංවර්ධනය වෙමින් පවතින රටවලට චීනය ලබාදෙන සහාය ප්‍රශංසනීයයි රට පැන සිටින කොටි 40කට ඉන්ටර්පෝල් වෙතින් රතු එළියක් උඩුනුවර එජාප ප්‍රා.සභා මන්ත්‍රී තිදරු පියාට පහර දී පලා ගිහින් මහවැලි බී-සී කලාපවල ගොවීන් 5000කට ඉඩම් ඔප්පු මහ මන්මුනේ පාලම ජනපති අතින් ජනතා අයිතියට මහ සිකුරාදා අද ලෝක තරුණ සමුළුවට තව දින 18යි වැලිකඩ බන්ධනාගාර රෝහලේ මානසික රෝගී රැඳවියෝ 2ක් පැන යති ගෝබි අත්අඩංගුවට ගත්තේ මාර්තු 5 සිට කළ විමර්ශනවලින් මාධ්‍යවේදියකුට පහරදී කැමරා උපකරණ පැහැර ගත් සිද්ධිය ගැන විධිමත් පරීක්ෂණයක් ඕනෑ අවුරුදු සමයේ බීමත්ව රිය පැද වු රියැදුරන් 1315ක ගේ රියැදුරු බලපත්‍රය වසරක කාලයකට අත්හිටුවන්න යයි එල්ටීටීඊයට පණ දෙන්න හැදු ගෝබීගේ මව ඇතුළු 15ක් නිදහස් හම්බන්තොට වරාය කේන්ද්‍රකර ගෙන මුළු රටම සංවර්ධනය කිරීම රජයේ අරමුණයි බොදු බල සේනාවේ චෝදනා ඇමැති බදියුද්දීන් ප්‍රතික්ෂේප කරයි කිඹුල් හූනන් විකිණීමට හැදූ දෙදෙනාට රු: 40,000 බැගින් දඩ බියගම විලේජ් අධිපති ඝාතන සිද්ධියේ සැකකරුවන් තවදුරටත් රිමාන්ඩ්

බුදු රුව සහිත පත්තර කඩදාසි ආපනශාලාවල අත පිසින්න තබලා

මෙවැනි ක්‍රියා නවත්වන්න වහා වැඩපිළිවෙළක් සකසන්න

අස්ගිරි මහ නාහිමි ජනපතිට කියයි

විශේෂ අවධානයක් යොමුකර මේ ගැන සොයා බලනවා

ජනපති නාහිමිට පවසයි

අසේල කුරුළුවංශ

මුද්‍රිත මාධ්‍යවල පළවන බුදුරජාණන් වහන්සේගේ රුව ඡායාරූප සහිත පත්තර කඩදාසි ආපනශාලාවල අත පිසීමට පවා තබා ඇති බැවින් මෙය නතර කිරීමට කිසියම් වැඩපිළිවෙළක් සකස් කරන්නැයි අස්ගිරි පාර්ශ්වයේ මහනායක උඩුගම ශ්‍රී බුද්ධරක්ඛිත මහ නාහිමියෝ ඊයේ (17) ජනපති මහින්ද රාජපක්ෂ මහතාගෙන් ඉල්ලීමක් කළහ.

මේ මඟින් බෞද්ධාගමට අගෞරවයක් සිදුවන බවද මෙහිදී මහ නාහිමියන් පෙන්වාදීමෙන් පසු ඒ පිළිබඳව විශේෂ අවධානයක් යොමුකර කටයුතු කරන බව ජනපතිවරයා මහ නාහිමියන්ට දැනුම් දුන්නේය. බුදුරුව සහිත පුවත්පත් කොටස් කිහිපයක් සමඟ මේ ක්‍රියාව නවත්වන ලෙස ඉල්ලා ලබාගත් මහජන ‍අස්සන් සහිත සංදේශයක් ද මෙහිදී මහ නාහිමියන් ජනපති මහින්ද රාජපක්ෂ මහතාට බාර දුන්නේය.

පුවත්පත්වල බුදුරුව සහිත ඡායාරූප පළකිරීම නවත්වන ලෙස හෝ ඊට යම් ප්‍රමිතියක් ඇතිකිරීම සම්බන්ධව කටයුතු කරන ලෙස ද මහ නාහිමියන් ජනපතිවරයාගෙන් ඉල්ලා සිටි අතර මේ සම්බන්ධව මාධ්‍ය ප්‍රධානීන් සමඟ සාකච්ඡා කරන බවද ජනපතිවරයා ප්‍රකාශ කළේය.

හපුතලේ බෙරගල පදිංචි යු. ජී. සරත් නැමැති අය වසර තුනක් තිස්සේ රට පුරා ගොස් මේ සම්බන්ධව මහජනතාව දැනුවත් කර ලබාගත් අස්සන් සහිත සංදේශය ඔහු විසින් මහ නාහිමියන්ට පිළිගන්වා තිබිණි. එම සංදේශය මහ නාහිමියන් විසින් ජනපතිවරයාට බාරදෙනු ලැබූහ.

නව වසර උදාවත් සමඟ ශ්‍රී දළදා සමිඳුන් වැඳ පුදා ගත් ජනපතිවරයා අනතුරුව මල්වතු පාර්ශ්වයේ මහනායක අතිපූජ්‍ය තිබ්බටුවාවේ ශ්‍රී සිද්ධාර්ථ සුමංගල මහ නාහිමියන්ද බැහැ දැක ආශිර්වාද ලබාගත්තේය.

මෙම අවස්ථාවට මධ්‍යම පළාත් ආණ්ඩුකාර ටිකිරි කොබ්බෑකඩුව, ප්‍රධාන ඇමැති සරත් ඒකනායක, දියවඩන නිලමේ ප්‍රදීප් නිලංග දෑල මහත්වරු මෙන්ම දිස්ත්‍රික් ලේකම් ගාමිණී සෙනෙවිරත්න යන මහත්වරුද සහභාගි වූහ.

.