එල්ටීටීඊ ජාත්‍යන්තර ක්‍රියා ගැන ලොව ඇතැම් රටවල් අන්ධ වෙලා බුදු රුව සහිත පත්තර කඩදාසි ආපනශාලාවල අත පිසින්න තබලා බ්‍රිතාන්‍ය දෙමළ සංගමය මෙරට හමුදා නිලධාරීන්ගේ තොරතුරු සොරාගෙන සංවර්ධනය වෙමින් පවතින රටවලට චීනය ලබාදෙන සහාය ප්‍රශංසනීයයි රට පැන සිටින කොටි 40කට ඉන්ටර්පෝල් වෙතින් රතු එළියක් උඩුනුවර එජාප ප්‍රා.සභා මන්ත්‍රී තිදරු පියාට පහර දී පලා ගිහින් මහවැලි බී-සී කලාපවල ගොවීන් 5000කට ඉඩම් ඔප්පු මහ මන්මුනේ පාලම ජනපති අතින් ජනතා අයිතියට මහ සිකුරාදා අද ලෝක තරුණ සමුළුවට තව දින 18යි වැලිකඩ බන්ධනාගාර රෝහලේ මානසික රෝගී රැඳවියෝ 2ක් පැන යති ගෝබි අත්අඩංගුවට ගත්තේ මාර්තු 5 සිට කළ විමර්ශනවලින් මාධ්‍යවේදියකුට පහරදී කැමරා උපකරණ පැහැර ගත් සිද්ධිය ගැන විධිමත් පරීක්ෂණයක් ඕනෑ අවුරුදු සමයේ බීමත්ව රිය පැද වු රියැදුරන් 1315ක ගේ රියැදුරු බලපත්‍රය වසරක කාලයකට අත්හිටුවන්න යයි එල්ටීටීඊයට පණ දෙන්න හැදු ගෝබීගේ මව ඇතුළු 15ක් නිදහස් හම්බන්තොට වරාය කේන්ද්‍රකර ගෙන මුළු රටම සංවර්ධනය කිරීම රජයේ අරමුණයි බොදු බල සේනාවේ චෝදනා ඇමැති බදියුද්දීන් ප්‍රතික්ෂේප කරයි කිඹුල් හූනන් විකිණීමට හැදූ දෙදෙනාට රු: 40,000 බැගින් දඩ බියගම විලේජ් අධිපති ඝාතන සිද්ධියේ සැකකරුවන් තවදුරටත් රිමාන්ඩ්

රට පැන සිටින කොටි 40කට ඉන්ටර්පෝල් වෙතින් රතු එළියක්

විදේශගතව සිටින එල්.ටී.ටී.ඊ. සැකකරුවන් 40ක් හා වෙනත් සිද්ධීන්ට සම්බන්ධ සැකකරුවන් 56 දෙනෙකුට මේ වනවිට ඉන්ටපෝල් (ජාත්‍යන්තර පොලිසිය) සමඟ එක්ව රතු නිවේදන නිකුත් කිරීමට කටයුතු යොදා තිබෙන බව පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි අජිත් රෝහණ මහතා ප්‍රකාශ කළේය.

මෙවැනි වැඩපිළිවෙළක් ක්‍රියාත්මක කිරීමට පියවර ගත්තේ ත්‍රස්ත ක්‍රියා මෙන්ම වෙනත් වැරැදි ක්‍රියාවන් සිදුවීම මර්දනය කිරීමට ජාත්‍යන්තර වශයෙන් ශ්‍රී ලංකාවේ සහය ලබාදීමට බව ද ඒ මහතා ඊයේ (17) පොලිස් මූලස්ථානයේ පැවැති මාධ්‍ය හමුවකදී කීය.

මෙසේ රතු නිවේදන නිකුත් කළ එල්.ටී.ටී.ඊ. සැකකරුවන් අතර විනයාගම්, තෙදියවන් වැනි අයද වන බවත් හෙතෙම සඳහන් කළේය.

යම් පුද්ගලයකු වරදක් සිදුකර විදේශගතව සිටී නම් ඔහු කළ වරද අවුරුදු 2ක් හෝ ඊට වැඩි සිර දඬුවමක් දිය හැකි වරදක් නම් හෝ ඒ සම්බන්ධයෙන් තොරතුරු අධිකරණයට වාර්තා කර ඔහු සම්බන්ධයෙන් වරෙන්තුවක් ලබා ගැනීමට කටයුතු කරන බවත් පොලිස් අධිකාරිවරයා කීවේය.

එම වරෙන්තුව ප්‍රංශයේ ඉන්ටපෝල් මූලස්ථානයට යොමු කිරීමෙන් පසු එම මූලස්ථානය කරුණු සත්‍ය හා සාධාරණ දැයි සොයා බලා රතු නිවේදනය නිකුත් කරන බවත් අජිත් රෝහණ මහතා පැවැසීය.

ඒ අනුව මේ වනවිට විදේශගතව සිටින සැකකරුවන් 96 දෙනෙකුට රතු නිවේදන නිකුත් කර ඇතැයි ද හෙතෙම වැඩිදුරටත් කීවේය.

.