හිරියාල-කිඹුල්වානා වැව ගොඩවෙලා: පිටියේ අනවසර බෝග වගාව ජයටම බඩල්කුඹුර කටුගහගල්ගේ රජමහ වෙහෙර දහම් පාසල් සිසුන්ට ඩෙස්-පුටු හිඟයක් හාරිස්පත්තුව මගුරදෙණියේ පවුල් අසූ එකක් ජල පහසුකම් නැතිව අසීරුවේ හලාවතදී කතක් ඝාතනය කළ තිදෙනකුට වසර පහළොවකට පසු සිර දඬුවම් බසයේ බීමත්ව ගමන් කළ මගියෙක්ගෙන් අසල සිටි කතකට අයුතු යෝජනාවක්

බසයේ බීමත්ව ගමන් කළ මගියෙක්ගෙන් අසල සිටි කතකට අයුතු යෝජනාවක්

බූස්ස සමුහ - දේව. දෙව්නිස් ද සිල්වා

ගාල්ලේ සිට ඇල්පිටිය බලා යන බස් රථයකි. මැදිවියේ කාන්තාවක් එහි අසුන් ගෙන සිටියාය. ඒ අසුනේ ඇය ළඟින් වාඩි වී සිටි පුද්ගලයා බීමත්ව සිටි බව ඇය අවබෝධ කර ගත්තාය.

මදදුරක් යනවිට නින්දෙන් මෙන් ඔහු ඇයට හේත්තු විය. නින්ද ගිය අයකුට බැණ වැදීම නුසුදුසු බැවින් ඔහුට අනුකම්පා කර නිශ්ශබ්දව ඉවසාගෙන සිටියාය. එක්වරම නින්දෙන් ඇහැරුණු ඔහු වරින්වර ඇය දෙස බැලුවේය.

ඔහු කාන්තාව සමඟ කතාබහට වැටුණේය. එහෙත් ඔහු අසන කිසිවකට ඇය පිළිතුරු නොදුන්නාය. බීමත් අයකු සමඟ කුමන කතාද? ඇය සිතුවාය.

ඔහු කාන්තාවට අයුතු යෝජනාවක් කළේය.

“එන්න මාත් එක්ක ඇල්පිටියට යන්න” ඔහු කීය.

එම යෝජනාවෙන් ඇය සැපින්නියක සේ කිපුනාය.

මොකක්ද තෝ කීවේ. දෙනවා මං උඹේ දත් කැඩෙන්න. උඹ හිතුවාද මං.....” කියමින් ඇය තම අතෙහි තිබූ කුඩය කැඩෙන තුරු ඔහුට පහර දුන්නාය. ඇය ඉන්පසු වෙනත් අසුනක වාඩි වුණාය.

ඔහු ලැජ්ජාවෙන් කරබාගෙන සිටියේය.

අතරමගදී තරුණියක් බසයට ගොඩ වූවාය. සිද්ධියට මුහුණදුන් මැදිවියේ කාන්තාව රත්ගම හන්දියෙන් බසින්නට සැරසෙද්දී තරුණිය අර තැනැත්තා හුන් අසුනේ වාඩිවීමට සුදානම් වූවාය. “නංගී ඔතන ඉන්නේ පාදඩ වනචරයෙක්. එපා නංගි ඔහු ළඟ වාඩිවෙන්න.” මැදිවියේ කාන්තාව තරුණියට ආදරයෙන් කීවාය.

“බොහෝම ස්තුතියි අක්කේ” කී ඇය සිටගෙන සිටියාය.

.