උතුරෙන් පුපුරන ද්‍රව්‍ය-ආයුධ
සොයා ගැනේ
 සී 4 වර්ගයේ අවි පුපුරන ද්‍රව්‍ය කිලෝ ග‍්‍රෑම් 185, ක්ලේමෝ බෝම්බ ඇතුළු බෝම්බ 233,
ටී 56 ගිනි අවි 21 ඇතුළු අවි ආයුධ රැසක් හමුදා භට පිරිස් විසින් උතුරේ ප‍්‍රදේශ
කිහිපයක සිදු කළ සෝදිසි මෙහෙයුම් වලදී ඊයේ (12) සොයා ගෙන තිබේ.
මුලතිව්, කිලිනොච්චි, පුදුකුඩුඉරිප්පු ඇතුළු ප‍්‍රදේශ කිහිපයක සිදු කරන ලද සෝදිසි
මෙහෙයුම් වලදී මේ අවි ආයුධ සොයා ගැනීමට හමුදා භට පිරිස් සමත් වී ඇතැයි ජාතික
ආරක්ෂාව පිළිබඳව මාධ්‍ය මධ්‍යස්ථානය පවසයි.
විස්තර » |
එල්. ටී. ටී. ඊ. යේ හිටපු මාධ්‍ය ප‍්‍රකාශක දයා මාස්ටර් සමග හමුදාවට බාර වූ
බෙටිටිවේලු පන්චරත්නම් හෙවත් ජෝර්ජ් මාස්ටර් එල්. ටී. ටී. ඊ. සංවිධානය සමග තිබූ
ඔහුගේ සබඳකම් පිළිබඳව කොළඹ ප‍්‍රධාන මහේස්ත‍්‍රාත් නිශාන්ත හපුආරච්චි මහතා වෙත
පාපොච්චාරණයක් කෙළේය.
ලේක්හවුස් ආයතනය සතිපතා පළ කරන ඡ්‍යොතිෂායුර්වේද පුවත්පත වන “සුබසෙත”ට වසර 40 ක්
සපිරේ.
සුබසෙත පුවත් පතේ සංවත්සර උත්සවය ජනාධිපති මහින්ද රාජපක්ෂ මහතාගේ ප‍්‍රධානත්වයෙන්
මෙම 23 වැනිදා අරලියගහ මන්දිරයේ දී පැවැත්වේ.සුබසෙත පත‍්‍රයේ හිටපු කර්තෘවරුන්
තිදෙනෙක් ලේඛක ඡ්‍යොතිෂවේදීන් හා ආයුර්වේදීන් හතළිස් දෙනෙකු මෙහිදී ජනාධිපතිවරයා
අතින් සම්මාන ලබති. 
‘ප‍්‍රවීණ විකට රංගන ශිල්පී ඇනස්ලි ඩයස් මහතා ඊයේ (12) අභාවප‍්‍රාප්ත විය. ඔහු මිය
යන විට 82 වැනි වියෙහි පසුවිය.
දේහය කැලණිය, දළුගම, පරණ පාරේ පිහිටි අංක 377 දරණ ස්ථානයේ පිහිටි නිවෙසේ තැන්පත්
කැර ඇත.
කැලණිය, දළුගම දී 1927 දී ජනවාරි 31 දින උපත ලත් ඒ මහතා, දළුගම ශාන්ත ප‍්‍රැන්සිස්
විද්‍යාලයෙන් මූලික අධ්‍යාපනය ලැබීය.
