පොලිස් අත්අඩංගුවේ සිටි තරුණයෙක් ඉහළ කොත්මලේ ජලාශයට පනී
බාබුල් මත්ද්‍රව්‍ය ළඟ තබාගෙන සිටි බව කියන තරුණයකු අත්අඩංගුවට
ගෙන තලවාකැලේ පොලිසිය වෙත රැගෙන යමින් සිටියදී සැකකරු පොලිස් අත්අඩංගුවෙන් මිදී
පලාගොස් ඉහළ කොත්මලේ ජලාශයට පැන ඇත.
විස්තර»
ශ්‍රීලනිප ප්‍රධාන තනතුරුවල වෙනසක්
ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ඉදිරි දිනවල
පැවැත්වීමට නියමිත විධායක කාරක සභාවේ සහ සමස්ත ලංකා කාරක සභා රැස්වීම්වලදී
ශ්‍රීලනිප ප්‍රධාන තනතුරුවල සැලකිය යුතු වෙනස්කම් රැසක් සිදුකිරීමට
නියමිතය.
ඒ අනුව ඇමැති වෛද්‍ය රාජිත සේනාරත්න, දුමින්ද දිසානායක යන මහත්වරුන්ට පක්ෂයේ
ප්‍රධාන තනතුරු හිමිවන අතර විවිධ චෝදනාවලට ලක්ව ඇති සංවිධායකවරුන්
කීපදෙනෙකුට තම සංවිධායක තනතුරු අහිමි වෙයි.
විස්තර»
ජෙනරාල් ෆොන්සේකාට අහිමි වූ
මන්ත්‍රී ධුරය යළි ලබාදීමට කරුණු සලකා බලනවා
- මැ.කො.
ජෙනරාල් සරත් ෆොන්සේකා මහතා තම ප්‍රජා අයිතිය අහිමිවීමට පෙර ඔහු විසින් දරන
ලද පාර්ලිමේන්තු මන්ත්‍රී ධුරය යළි දැරිය හැකිද යන්න පිළිබඳව මැතිවරණ
දෙපාර්තමේන්තුවේ නීති අංශය කරුණු සළකා බලමින් සිටින බව මැතිවරණ කොමසාරිස්
මහින්ද දේශප්‍රිය මහතා ‘දිනමිණ’ට පැවැසීය.
විස්තර»
ගොකරැල්ලේ මාරක රිය අනතුර
බස්-ටිපර් රථ ගැටී හතරක් මරුට
 දඹුල්ල -
කුරුණෑගල ප්‍රධාන මාර්ගයේ ගොකරැල්ල දොළොස්දාහ ප්‍රදේශයේ දී ටිපර් රථයක් හා පුද්ගලික
මගී ප්‍රවාහන බස් රථයක් මුහුණට මුහුණලා ගැටීමෙන් සිදුවූ රිය අනතුරකින් පුද්ගලයන්
සිව්දෙනෙකු මිය ගිය බව පොලිසිය පවසයි. පසුගිය 30 දින මෙසේ අනතුරට ලක්වී ඇත්තේ කොළඹ
සිට පොළොන්නරුව බලා ධාවනය වෙමින් තිබූ ටිපර් රථයක් හා පොළොන්නරුව සිට කොළඹ බලා
ධාවනය වූ පුද්ගලික මගී ප්‍රවාහන බසයකි. සිද්ධියෙන් වාහන දෙක පොඩිපට්ටම් වී තිබේ.
විස්තර»
|
Sri Lanka Rupee Exchange Rate
එළඹෙන ජුලි මාසයේ අපේ ජයග්‍රහණය නැවතත් තහවුරු කිරීම සඳහා වැඩ කටයුතු
කිරීමට තිබෙන බව කිව යුතුයි. අප්‍රේල් මාසයේ 23 වැනිදායින් පසු පාර්ලිමේන්තුව
විසුරුවා හරින නිසා අපේ ජයග්‍රහණය නැවත තහවුරු කරමින් අපි නව ගමනක් අරඹනවා.
පාර්ලිමේන්තුව විසුරුවා හරින්නේ අලුත් පාර්ලිමේන්තුවක් ඇති කිරීමට බව
අග්‍රාමාත්‍ය රනිල් වික්‍රමසිංහ මහතා පසුගියදා (31) මහනුවර ශ්‍රී පුෂ්පදාන
ශාලාවේ පැවති එක්සත් ජාතික පක්ෂ ක්‍රියාකාරීන්ගේ හමුවේදී පැවසීය.
මෙතෙක් කාලයක් ජනාධිපතිවරුන් ඇමතීම‍ට යොදා ගත් අතිගරු ,උතුමාණන් ,යන
නාමයනුත් ජනාධිපති බිරිය ඇමතීම සඳහා යොදා ගත් ආර්යාව යන නාමයත් තමා සහ තම
බිරිය සම්බන්ධයෙන් කෙරෙන සඳහන් කිරීමට යොදා නොගන්නැයි ජනාධිපති මෛත්‍රිපාල
සිරිසේන මහතා පෙරේදා (31)රාත්‍රි ජාතික සහ ස්වාධීන රූපවාහිනී ඔස්සේ විකාශනය වූ
"මෛත්‍රී පිළිසඳර" සම්මුඛ සාකච්ඡාවට එක් වෙමින් ප්‍රකාශ කළේය. 
හිටපු ජනාධිපති මහින්ද රාජපක්ෂ මහතා ඇමෙරිකානු ඩොලර් මිලියන 16ක් වැය කර
තමන්ගේ පෞද්ගලික ගුවන් ගමන් සඳහා මිලදී ගැනීමට සූදානම් කර තිබූ අති සුඛෝපභෝගි
ගුවන් යානය මිලදී ගැනීම වහාම නතර කිරීමට රජය පියවර ගෙන තිබේ.
මෙම ගුවන් යානය තුළ තමන්ගේ පුද්ගලික පාව්ච්චියට අදාළ සියලුම පහසුකම්වලින්
සමන්විතව නිර්මාණය කර ගැනීමට හිටපු ජනාධිපතිවරයා කටයුතු කර ඇතැයි ඒ
සම්බන්ධයෙන් විශේෂ විමර්ශනයක යෙදෙන රජයේ විමර්ශන අංශය සොයා ගෙන ඇත.
ලංකා විදුලිබල මණ්ඩලයේ ඉංජිනේරුවන්ගේ වැටුප් වැඩි කිරීම සඳහා තමන් කිසිදු
කැබිනට් සංදේශයක් හෝ ඊට අදාළ කිසිදු පියවරක් ගෙන නොමැති බව විදුලිබල හා
බලශක්ති ඇමැති පාඨලී චම්පික රණවක මහතා පවසයි. දූෂණ විරෝධී හඬ සංවිධානයේ
කැඳවුම්කරු ජනතා විමුක්ති පෙරමුණේ වසන්ත සමරසිංහ මහතාගේ ප්‍රකාශය පදනම්
විරහිත සාවද්‍ය ප්‍රකාශයක් බව පෙන්වා දෙන ඇමැතිවරයා එම ප්‍රකාශය
සම්බන්ධයෙන් තමන් නීතිමය පියවර ගන්නා බව කීවේය. 
මෙරට කිසිදු රාජ්‍ය ආයතනයක් පෞද්ගලීකරණය නොකරන බව මුදල් අමාත්‍ය රවි
කරුණානායක මහතා මල්වතු අස්ගිරි මහානායක ස්වාමින්ද්‍රයන් වහන්සේ දෙනම හමුවේ
පැවැසූහ.
එජාප රජයන් රාජ්‍ය ආයතන පෞද්ගලීකරණය කරන බවට ව්‍යාජ මත ජනතාව තුළ
ගොඩනඟන්නට පසුගිය රජය ක්‍රියා කළ බවත් එය මුළුමනින් අසත්‍යයක් බව
ක්‍රියාවෙන් ඔප්පු කර පෙන්වන බවත් ඒ මහතා කීය.
