දින හතරක දී ලක්ෂ හතක්
‘දැයට කිරුළ’ නරඹලා
තවත් දින දෙකකින් දීර්ඝ කෙරේ
මහනුවර පල්ලේකැලේ පැවැත්වෙන සිවුවැනි දැයට කිරුළ සංවර්ධන ප්‍රදර්ශනය, ගතවූ දින හතර
තුළදී ලක්ෂ 7 කට ආසන්න පිරිසක් නරඹා ඇති බව සංවිධායක මණ්ඩලය පවසයි.
සති අන්තය වූ සෙනසුරාදා හා ඉරිදා යන දෙදිනදී ලක්ෂ 03කට ආසන්න පිරිසක් ප්‍රදර්ශනය
නරඹා තිබෙන බව මධ්‍යම පළාත් මහ ඇමැති සරත් ඒකනායක මහතා පවසයි. මේ මස 10 වැනි දින
දක්වා පැවැත්වීමට තීරණය කැර තිබෙන ප්‍රදර්ශනය තවත් දින කිහිපයක් දීර්ඝ කරන ලෙසට
ඉල්ලීම් රැසක් ලැබී තිබෙන බව රාජ්‍ය ආදායම් සහ නියෝජ්‍ය මුදල් ඇමැති රංජිත්
සියඹලාපිටිය මහතා පැවැසීය.
විස්තර »
|
මහ මැතිවරණයට ශ්‍රී ලංකා නිදහස් පක්ෂයෙන් තරග කරන අපේක්ෂකයන් තෝරා ගැනීමේ සම්මුඛ
පරීක්ෂණ අද (8) සහ හෙට (9) දිනවල පැවැත් වෙයි.
අපේක්ෂකත්වය සඳහා අයැදුම් කළ
අයදුම්කරුවන් අතරින් සුදුස්සන් පළාත් මට්ටමින් සම්මුඛ පරීක්ෂණ මණ්ඩල තුනක් මගින්
තෝරා ගැනෙන බව එක්සත් ජනතා නිදහස් සන්ධානයේ මහලේකම්, අධ්‍යාපන ඇමැති සුසිල්
පේ‍්‍රමජයන්ත මහතා “දිනමිණ”ට පැවැසීය.
මහ මැතිවරණයේ දී අලියා හැර වෙන ලකුණකින් තරග නොකිරීමේ තීන්දුවකට එක්සත් ජාතික පක්ෂය
එළඹ තිබේ.
මේ තීන්දුව මේ මස 11 දා විශේෂ කෘත්‍යාධිකාරී මණ්ඩල රැස්වීමක් පවත්වා එහි දී අනුමත
කරවා ගැනීමටද පක්ෂය තීන්දු කර ඇත.
ගම්පොළ තැඹිලිගල ශ්‍රී බෝධිරුක්ඛාරාමයේ විහාරාධිපති හිමියන් සහ තවත් අයකු අත්බෝම්බ
ප්‍රහාරයක් එල්ලකැර ඝාතනය කිරීමේ සිද්ධිය සම්බන්ධයෙන් සැකපිට අත්අඩංගුවට ගන්නා ලද
සැකකරුවන් දෙදෙනා මේ මස 12 වැනිදා තෙක් රක්ෂිත බන්ධනාගාර ගත කරන ලෙස ගම්පොළ අතිරේක
දිසා විනිසුරු විරාජ් බණ්ඩාර රණතුංග මහතා ඉකුත්දා (5දා) නියෝග කෙළේ ය.
