|
මාවනැල්ල පහළ කඩුගන්නාවේ
සුපිරි හෝටලයේ වෙන්දේසියෙන් රු. කෝටි 25ක මැණික් කොල්ල කාලා
මැණික්ගල් 9ක් සොරාගෙන පලා ගිහින්
වෙන්දේසිය මෙහෙයවූ බ්‍රෝකර් අත්අඩංගුවට
කොල්ලකරුවන් අල්ලන්න පොලිස් කාණ්ඩ 8ක්
 මාවනැල්ල පහළ කඩුගන්නාව ප්‍රදේශයේ ප්‍රසිද්ධ හෝටලයකදී ඊයේ (28) දහවල්
කෝටි විසිපහකට අධික (25,0000000) මැණික් ගනුදෙනුවක් සිදුවෙද්දී එම මැණික්
මිලදී ගැනීමට පැමිණි දෙදෙනෙක් වටිනා මැණික් ගල් 9ක් කොල්ලකාගෙන ජීප් රථයකින්
පලා ගොස් තිබේ.
ඊයේ දහවල් 12.20ට පමණ එම ගනුදෙනුව සිදුවී ඇති අතර මැණික් මිලදී ගැනීමට
පුද්ගලයන් ගෙන්වූ බ්‍රෝකර්වරයා පොලිස් අත්අඩංගුවට ගෙන තිබේ.
විස්තර»
|
මාසයක්
වයසැති සිඟිති දරුවා සහ බිරිය මරා වැළලීමට නිවෙසේ සාලයේ වළක් කපමින් සිටි
පුද්ගලයකුඊයේ(28) අත්අඩංගුවට ගත් බව මිල්ලනිය පොලීසිය පවසයි. 
ශ්‍රී ලංකාව සහ වියට්නාමය අතර පවතින රාජ්‍යතාන්ත්‍රික සබඳතා තවදුරටත්
ශක්තිමත් කරමින් වියට්නාම ජනතාවගේ ශ්‍රේෂ්ඨ නායකයෙකු වූ හිටපු ජනාධිපති හෝ
චි මිං (Ho Chi Minh) මහතා වෙනුවෙන් සැමරුම් මුද්දරයක් නිකුත් කරයි. 
‘මවුබිම රැකගමු-නිදහස සුරකිමු’ තේමාව ඔස්සේ දැවැන්ත පෙළපාලියක් හා යෝධ මැයි
රැලියක් ජනාධිපති මහින්ද රාජපක්ෂ මහතාගේ ප්‍රධානත්වයෙන් කොළඹ 8 බොරැල්ල
කැම්බල් පිටියේ දී පැවැත්වීමට එක්සත් ජනතා නිදහස් සන්ධානය කටයුතු යොදා ඇත. 
රටපුරා විශාල වශයෙන් අලෙවි කෙරෙන ඉඳිආප්ප නිෂ්පාදනයට ගන්නා සහල් පිටිවලට
අළුහුණු එකතු කරන බවට ලැබී ඇති තොරතුරු මත පා‍රිභෝගික අධිකාරිය ඊයේ (28) මහා
පරිමාණ නිෂ්පාදකයන් රැසකගේ සහල් පිටි සාම්පල් කාර්මික තාක්ෂණික ආයතනය ( ITI)
පරීක්ෂාවට යොමු කර තිබේ.
Sri *anka Rupee Exchange Rate
අලුතින් උපදින සෑම දරුවකුටම ප්‍රතිශක්තිකරණ එන්නත් ලබාදීම අනිවාර්ය
කරමින් ජාතික ප්‍රතිශක්තිකරණ ප්‍රතිපත්තිය අද(29) එළිදැක්වේ.
වසංගත රෝග විද්‍යා අංශය සකස් කළ ජාතික ප්‍රතිශක්තිකරණ ප්‍රතිපත්තිය සෞඛ්‍ය
ඇමැති මෛත්‍රීපාල සිරිසේන මහතාට බණ්ඩාරනායක අනුස්මරණ ජාත්‍යන්තර
සම්මන්ත්‍රණ ශාලාවේදී බාරදීම අද (29) උදෑසන 9.30 ට සිදුකෙරේ.
පසුගියදා අඛණ්ඩව සිදුවූ සම්පූර්ණ මුහුණු ආවරණ හිස්වැසුම් යොදා ගනිමින්
සිදුකළ බැංකු කොල්ලකෑම්වලට සම්බන්ධ සැකකරුවන් දෙදෙනකු සහ ඔවුන්ට රැකවරණය
ලබාදුන් පුද්ගලයකු කොල්ල කෑමට යොදාගත් යතුරුපැදි හා ගිනි අවි සමග ඊයේ(28)
අත්අඩංගුවට ගෙන තිබේ.
මහනුවර මැණික්හින්න ප්‍රදේශයේ නිවෙසක සැඟව සිටිය දී සී.සී.ටී.වී කැමරාවල
සටහන් දර්ශන උපයෝගී කරගනිමින් උපාය දූතයකු යොදාගෙන කළ මෙහෙයුමක් මගින්
කොහුවල පොලිසියේ නිළධාරීන් විසින් මෙම සැකකරුවන් අත්අඩංගුවට ගත් බව
ඊයේ(28) පොලිස් මූලස්ථානයේ පැවැති විශේෂ මාධ්‍ය හමුවක දී පොලිස් මාධ්‍ය
ප්‍රකාශක ජේෂ්ඨ පොලිස් අධිකාරී අජිත් රෝහණ මහතා පැවැසීය.
ලෝක තරුණ ජනගහනයෙන් 60%කටත් වඩා ජීවත් වන ආසියානු කලාපයේ ලෝක තරුණ සමුළුවක්
පැවැත්වීමට හැකිවීම ආසියාව ලැබූ දැවැන්ත ජයග්‍රහණයක් බව යෞවන කටයුතු සහ
නිපුණතා සංවර්ධන ඇමැති ඩලස් අලහප්පෙරුම මහතා පෙරේදා (27) ප්‍රකාශ කළේය.
ලබන මස 06 වන දින සිට 09 වන දින දක්වා ශ්‍රී ලංකාවේ දී පැවැත්වෙන ලෝක තරුණ සමුළුව
පිළිබඳ යෞවන කටයුතු සහ නිපුණතා සංවර්ධන අමාත්‍යාංශයේ ආයතන ප්‍රධානීන් සමඟ
කළ සාකච්ඡාවේ දී ඇමැතිවරයා මේ බව ප්‍රකාශ කළේය.
ශ්‍රී ලංකා පොලිසිය මඟින් ආගමික ගැටලු නිරාකරණය කිරීම සඳහා අලුතින් ආරම්භ කරන
ලද විශේෂ පොලිස් ඒකකය බුද්ධ ශාසන හා ආගමික කටයුතු අමාත්‍යාංශයේ හත්වන මහලේ
පිහිටුවා ඇති අතර ජ්‍යෙෂ්ඨ නියෝජ්‍ය පොලිස්පති අනුර සේනානායක මහතාගේ
අධීක්ෂණය යටතේ මෙය ක්‍රියාත්මක කෙරේ.
සිරිපා වන්දනාවේ පැමිණි පිරිසක් හැටන් නල්ලතන්නිය මාර්ගය ඔස්සේ ගොස් සිරිපා
කරුණාකැර ආපසු එමින් සිටියදී මහගිරිදඹේදී එක් අයෙකු පය ලිස්සා ඇදවැටීමෙන්
මිය ගොස් ඇත.
ඔහු ඇද වැටෙන අවස්ථාවේ තවත් කිහිප දෙනෙකුගේද ඇගේ වැදීම නිසා ඔවුන්ද ඇද වැටීමෙන්
තවත් තිදෙ‍නකු බරපතළ තුවාල ලැබ තිබේ. 
