තැපෑලෙන් ආ මිලියන 30ක
විදේශීය සිගරැට් රේගු දැලේ
 ඩුබායි සිට ව්‍යාජ ලිපිනයන් යොදා තැපැල් මඟින් බෙදා හැරීමට මෙරටට එවා තිබු
රුපියල් මිලියන තිහක් වටිනා විදේශීය සිගරැට් තොගයක් රේගු නිලධාරීන් ඊයේ
(17)අත්අඩංගුවට ගෙන ඇත. අත්අඩංගුවට ගත් සිගරැට් තොගයේ ටොප් මවුන්ටන්
වර්ගයේ විදේශීය සිගරැට් කාටුන් තුන්දහසක් (3000) තිබු බව නියෝජ්‍ය රේගු
අධ්‍යක්ෂ පරාක්‍රම බස්නායක මහතා පවසයි.
විස්තර»
සිසුවියක ලිංගික අපයෝජනය කළාට
හිටපු එජාප මන්ත්‍රී වසර 20ක් හිරේට
 බාල වයස්කාර පාසල් සිසුවියක බරපතළ ලිංගික අපයෝජනයකට ලක්කළ බවට
අනුරාධපුර විශේෂ මහාධිකරණය හමුවේ අධි චෝදනා ලැබ සිටි අනුරාධපුර මධ්‍යම
නුවරගම් පළාත් ප්‍රාදේශීය සභාවේ එක්සත් ජාතික පක්ෂයේ හිටපු මන්ත්‍රීවරයකුට
වසර 20ක බරපතළ වැඩ සහිත සිර දඬුවමක් අනුරාධපුර විශේෂ මහාධිකරණ විනිසුරු
ඛේමා ස්වර්ණාධිපති මහත්මිය විසින් ඊයේ 17 නියම කළාය.
විස්තර»
මන්නාරම-කොළඹ-ගාල්ල
මඩකළපුවට සුළඟ සැරයි
 මන්නාරම සිට කොළඹ, ගාල්ල හරහා මඩකළපුව දක්වා සුළ‍ඟේ වේගය විටක පැයට කිලෝ මීටර්
70 දක්වා ඉහළ යා හැකි යැයි කාලගුණ විද්‍යා දෙපාර්තමේන්තුව අනතුරු අඟවයි.
මධ්‍යම කඳුක‍රයේ බටහිර බෑවුම්වල හා දිවයින අවට නිරිතදිග මෝසම වැඩිවිය හැකි
යැයි ද මේ නිසා එම ප්‍රදේශවල නාවික හා ධීවර කටයුතුවල යෙදෙන්නන් අවධානයෙන්
සිටින ලෙස ද කාර්යයේ නියුතු කාලගුණ විද්‍යාඥ අනූෂා වර්ණකුල මහත්මිය පැවැසුවාය.
විස්තර»
|
Sri Lanka Rupee Exchange Rate
යුද්ධය අවසන් සතියේ සිදුවූ දේ සොයන්න ජාත්‍යන්තර පරීක්ෂණ තියන්න උත්සාහ දරන
මේ මොහොතේ ඊට එරෙහිව කටයුතු කිරීමට පාර්ලිමේන්තු නියෝජිතයන් ලෙස කටයුතු
නොකරන්නේ නම් ඉතිහාසයේ සිදුකරන දැවැන්තම දේශපාලන පාවාදීම එය බව
ඉදිකිරීම් ඉංජිනේරු සේවා නිවාස හා පොදු පහසුකම් ඇමැති විමල් වීරවංශ මහතා ඊයේ
(17) පාර්ලිමේන්තුවේ දී කීය.
මේ වන විට බේරුවල ප්‍රදේශයේ වාතාවරණය සාමකාමී තත්ත්වයට පත්ව ඇති බව
අගමැති දි. මු. ජයරත්න මහතා පාර්ලිමේන්තුවේදී ඊයේ (17) පැවැසීය. තමන් 16 වැනි
දින මේ ප්‍රදේශය පුරා සංචාරය කරමින් ජනතාව මුණ ගැසී සාකච්ඡා කළ බවත් සිංහල හා
මුස්ලිම් පොදු ජනතාව ඉතාම මිත්‍රශීලිව කතා කළ බව කී අගමැතිවරයා සියලු දෙනාම
මේ සිද්ධිය පිළිබඳ කණාගාටුව පළ කළ බවත් කීය.
ඉහළම විදෙස් සම්මානයකින් බොලීවියාවේදී පිදුම් ලද ජනාධිපති මහින්ද රාජපක්ෂ
මහතා සිය සාර්ථක සංචාරය නිමවා ඊයේ (17) යළි මෙරටට පැමිණියේය.
බොලීවියාවේ සැන්ටා කෘස්හිදී පැවැති ජී 77 කණ්ඩායමේ ස්වර්ණ ජයන්ති අනුස්මරණ
රාජ්‍ය හා ආණ්ඩු නායක සමුළුවට සහභාගී වීම සඳහා ජනාධිපතිවරයා මෙමස 13 වැනි
දින බොලීවියාව බලා පිටත්ව ගිය අතර ශ්‍රී ලංකාවේ ජනාධිපතිවරයකු බොලීවියාවේ
සංචාරය කළ ප්‍රථම අවස්ථාව ලෙස මෙය සටහන් විය.
අලුත්ගම දී උද්ගත වූ තත්ත්වය කිසිසේත් සිදු නොවිය යුතු සිදුවීමක් වන අතර
මෙවැනි සිදුවීම් යළි ඇතිවීම මුළුමනින්ම වැළැක්වීම සඳහා සමාජයක් ලෙස අප සියලු
දෙනාම එක්ව කටයුතු කළ යුතු යැයි ශ්‍රී ලංකා නිදහස් පක්ෂය නිවේදනයක් නිකුත්
කරමින් කියා සිටියි. 
