මහ ඡන්දෙන් හැලුණොත්
ජාතික ලැයිස්තු දොර වැසේ
පාර්ලිමේන්තු මැතිවරණයෙන් තරග කර ජනතාව ප්‍රතික්ෂේප කරන නියෝජිතයන්ට ජාතික
ලැයිස්තුවෙන් අවස්ථාවක් ලබා නොදීම රජයේ ස්ථාවරය බව ඇමැති ඩලස් අලහප්පෙරුම මහතා
පවසයි.
ඒ අනුව දැනට එක්සත් ජනතා නිදහස් සන්ධානය ඉදිරිපත්කර ඇති ජාතික ලැයිස්තුවේ කිසිදු
වෙනසක් නොවන බවත් ඇමැතිවරයා ප්‍රකාශ කෙළේ ය.
එක්සත් ජනතා නිදහස් සන්ධානය මහ මැතිවරණයට ඉදිරිපත් කර තිබෙන අපේක්ෂකයන් දෙසීය අසූ
දෙදෙනාගේ කණ්ඩායම නීතිඥයන්, විශේෂඥ වෛද්‍යවරුන්, වෛද්‍යවරුන්, මාධ්‍යවේදීන් සහ
විවිධ වෘත්තිකයන්ගෙන් සමන්විත උගත් , බුද්ධිමත් , පරිණත පිරිසක් බවද හෙතෙම කීය.
විස්තර » |
ඒකාන්තයෙන්ම තමා එක්සත් ජාතික පක්ෂ නායක පුටුව හිමිකර ගන්නා බව ගාල්ල දිසා මන්ත්‍රී
වජිර අබේවර්ධන මහතා මැතිවරණ රැලිවලදී දිගින් දිගටම අවධාරණය කර තිබේ.
”ඡන්දයෙන් පසු මා එජාපයෙන් ආන්ඩුවට යන බව බොහෝ දෙනා කියා තිබෙනවා. ඇත්ත, මා යනවා.
ඒක ස්ථීරයි. හැබැයි යන්නේ අන් කිසිඳු තැනකට නෙවි පක්ෂ නායක පුටුවටයි” හෙතෙම අනාවරණය
කර ඇත.
හිටපු හමුදාපති සරත් ෆොන්සේකා මහතාගේ ජීවිතය හා සෞඛ්‍ය තත්ත්වය සම්බන්ධයෙන් රජයට
දැඩි වගකීමක් ඇති බවත් එම වගකීමෙන් බැහැර වීමට රජය කිසිදු මොහොතක කටයුතු කර නොමැති
බවත් ප්‍රවාහන ඇමැති ඩලස් අලහප්පෙරුම මහතා පවසයි.
ෆොන්සේකා මහතාට අවශ්‍ය සෞඛ්‍ය පහසුකම් ලබා නොදෙන බව සඳහන් කරමින් දේශපාලන වාසි
ලබාගැනීමට දේශපාලන කණ්ඩායමක් උත්සාහ කළද ඒ මහතාට අවශ්‍ය සියලු සෞඛ්‍ය පහසුකම් යුද
හමුදාව විසින් ලබාදී ඇති බවත් ඇමැතිවරයා කීය.
