මේජර් මීඩින් ඝාතනයට සැක අයිස් මංජු අවතැන් කඳවුරක විදෙස් මාධ්‍යයට බොරු කීවේ එල්ටීටීඊ යේ උපදෙස් මතයි

මේජර් මීඩින් ඝාතනයට සැක අයිස් මංජු අවතැන් කඳවුරක

විජයානි එදිරිසිංහ

හිටපු බුද්ධි අංශ නිලධාරියකු වූ මේජර් මීඩින් ඝාතනය සිදු කිරීමේ කොටි සැලසුමට උදව් කළැයි කියන අයිස් මංජු නමැති පාතාල නායකයා උතුරේ සිට පැමිණි අවතැන් කඳවුරුවල සිටින සාමාන්‍ය වැසියන් අතරේ සැඟවී සිටින බවට ආරක්ෂක බුද්ධි අංශවලට තොරතුරු ලැබී තිබේ.

දැනට අත් අඩංගුවේ සිටින කොටි ත්‍රස්තවාදියෙකුගෙන් ප්‍රශ්න කිරීමේදී මෙම තොරතුරු හෙළි වී තිබේ. එහෙත් අයිස් මංජු සිටින්නේ කුමන කඳවුරකදැයි නොදන්නා බව සැකකරු පවසා තිබේ.

අයිස් මංජු නමැති පාතාල නායකයා ත්‍රිකුණාමලයේ සිට කොළඹට මාළු ප්‍රවාහනය කළ පුද්ගලයෙකි. ඒ වකවානුවේ ඔහු කොටි ත්‍රස්තවාදීන් සමඟ එක්ව ඔවුන්ගේ ඔත්තුකරුවකු ලෙස කටයුතු කැර ඇතැයි පැවැසේ.

කොටින්ගේ ඉලක්කයක් වූ මේජර් බීඩ්න් නමැති බුද්ධි අංශ නිලධාරියා ඝාතනය කිරීමේ සැලසුමට අයිස් මංජු කොටින්ට සම්පූර්ණ සහයෝගය දී ඇති බව පරීක්‍ෂණවලදී හෙළිදරව් වී තිබුණි.