පැමිණිලි විභාගයට ගිය

පොලිස් රාලහාමි පොලු පහරින් මරු දකී

පැමිණිල්ලක් විභාග කිරීම සඳහා මාවතගම හිඳගොල්ල ප්‍රදේශයේ නිවෙසකට ගිය කුරුණෑගල විශේෂ අපරාධ විමර්ශන ඒකකයේ කොස්තාපල්වරයකු එහිදී එල්ලවූ පොලු පහරකින් මියගොස් තිබේ. මියගොස් ඇත්තේ දෙදරු පියකු වූ තිලකසිරි දසනායක නමැති පොලිස් කොස්තාපල්වරයායි. පෙරේදා රාත්‍රී 7.00 ට පමණ එම පහරදීම සිදුවී ඇතැයි පැවසේ. බහු විවාහ පිළිබඳ පැමිණිල්ලක් කළ පුද්ගලයකු පහරදීම සම්බන්ධයෙන් සැක පිට අත්අඩංගුවට ගෙන තිබේ. සැකකරු එම පැමිණිල්ල කර තිබුණේ තම බිරිය බහු විවාහක කාන්තාවක බව සඳහන් කරමිණි. ඇය කලින් විවාහවී ඇති බව නොදන්වා වංචාවෙන් තවත් විවාහ දෙකක් කරගෙන ඇති බව සැකකරු කර තිබූ පැමිණිල්ලේ සඳහන් වෙයි. එම පැමිණිල්ල විභාග කිරීම සඳහා පොලිස් කොස්තාපල්වරයා පැමිණිලිකරුගේ බිරිය සිටි නිවසට ගොස් ඇත.

විස්තර »

දිරි අය වැය ආර්ථිකයේ යෝධ පිම්මක්

ඇමැති විමල් වීරවංශ

ලබන මාසයේ ඉදිරිපත් කරන 2011 අය වැයෙන් බදු ප්‍රතිපත්තියේ විශාල වෙනසක් සිදු කෙරේ. බැංකු ක්‍රියාවලියේදී පුළුල් වර්ධනයක් සිදු කරනු ඇත. ඒ අනුව මෙවර අය වැය ජනතාව අතට මුදල් ගලා යන හා ආයෝජන අවස්ථා ඉහළ යන කඩඉම් අයවැයක් වනු ඇතැයි ඉදිකිරීම්, ඉංජිනේරු සේවා, නිවාස සහ පොදු පහසුකම් අමාත්‍ය විමල් වීරවංශ මහතා පවසයි. මෙදා අය වැය ශ්‍රී ලංකාවේ ආර්ථිකයේ යෝධ ඉදිරි පිම්මක් සනිටුහන් කරන බවද ඇමැතිවරයා කීය. 2010 වර්ෂයේ මෙම කාර්තුව වන විට ශ්‍රී ලංකාවේ ආර්ථික සංවර්ධන වේගය සියයට 8.5 ඉක්මවා ඇති බවද විමල් වීරවංශ මහතා කීය.

විස්තර »

ෆොන්සේකා සුදු කොඩි කතාව නොකීවා නම් මට විරුද්ධව නඩු මගට නොගියේ ඇයි?

සන්ඩේ ලීඩර් කතුවරිය අධිකරණයේදී විමසයි

සන්ඩේ ලීඩර් පුවත්පතේ පළ වූ සුදුකොඩි කතාව සරත් ෆොන්සේකා මහතා කිසිවිටෙක ප්‍රතික්ෂේප නොකළ බවත් නිවැරිදි කිරීමක් පළ කරන්නැයි තමන්ගෙන් නොඉල්ලූ බවත් එම පුවත්පතේ ප්‍රධාන කර්තෘ ප්‍රෙඩ්රිකා ජෑන්ස් මහත්මිය සුදුකොඩි නඩුවේ සාක්කි දෙමින් ඊයේ (11) කොළඹ මහාධිකරණය හමුවේ කීවාය. ජනරාල් ඔහුගේ ස්ථාවරයේම සිටියා. ඔහුගේ එම ප්‍ර‍්‍රකාශය සම්බන්ධයෙන් වගකීම භාර ගන්නා බවත් කිව්වා” යැයිද ජෑන්ස් මහත්මිය කීවාය. කොළඹ මහාධිකරණ විනිසුරුවරුන් වන දීපාලි විජේසුන්දර මහත්මිය (සභාපති) ඩබ්ලිව්. ටී. ඇම්. පී. බී. වරාවැව සහ ගල්කිස්ස වාණිජ මහාධිකරණ විනිසුරු ඉසෙඩ් රෂීත් මහත්වරුන් හමුවේ මේ නඩුව විභාගයට ගැනේ.

විස්තර »

ශ්‍රී ලංකාව ශීඝ්‍ර සංවර්ධනයක් කරා යන ගමන ලොවටම ආදර්ශයක්

මැලේසියානු අගමැති ආර්යා

ශ්‍රී ලංකාව ත්‍රස්තවාදය සම්පූර්ණයෙන්ම තුරන් කර ඒකීය රටක් ලෙස ශීඝ්‍ර සංවර්ධනයක් කරා යන ගමන ලොවටම ආදර්ශයක් බව මැලේසියානු අගමැති ආර්යා රොස්මා මන්සුන් මහත්මිය පැවසුවාය. රොස්මා මන්සුන් මහත්මිය මේ බව ප්‍රකාශ කළේ ඊයේ (11) ජනාධිපති ආර්යා ශිරන්ති වික්‍රමසිංහ රාජපක්ෂ මහත්මිය හමුවූ අවස්ථාවේදීය. ජනාධිපති ආර්යාවන්ගේ සමුළුවට සහභාගීවීමට ජනාධිපති ආර්යා ශිරන්ති වික්‍රමසිංහ රාජපක්ෂ මැතිනිය මැලේසියාවේ ක්වාලාලාම්පූර් නුවරට ඊයේ (11) ළඟා විය. එහිදී ශිරන්ති රාජපක්ෂ මැතිනිය මැලේසියානු අගමැති ආර්යාව විසින් ඉතාම උණුසුම් අයුරින් පිළිගන්නා ලදි.

විස්තර »