දඟ පන්දු රජා නැති පිටියේ දෙවැනි ටෙස්ට් ගැටුම හෙට ඇරැඹේ නෝර්වේජියාවේ හෂොව්ඩ්ට ජය මාතලේ ශා.තෝමස් ආදි සිසු කි‍්‍රකට් තරගය හෙට ආසියානු නෙට්බෝල් සූරතාව සාමුහික උත්සහයක ප‍්‍රතිඵලයක් හරිත් මධුවන්ත දඟ පන්දු යවන පුංචි හපනා

හරිත් මධුවන්ත දඟ පන්දු යවන පුංචි හපනා

කොළඹ ඩී. එස්. සේනානායක විදුහලේ කණිෂ්ඨ කි‍්‍රකට් කී‍්‍රඩකයෙක් වන හරිත් මධුවන්ත සුවිශේෂී හපන්කමක් වාර්තා කොට තිබේ.

කොල්ලුපිටිය සාන්ත තෝමස් විදුහලට එරෙහිව ඩී. එස්. සේනානායක විදුහල් පිටියේදී පැවැති වයස අවුරුදු 15 න් පහළ පාසල් කි‍්‍රකට් සීමිත ඕවර 50 තරගයේදී මධුවන්ත ඕවර 9.4 ක් පිට දඟ පන්දු යවමින් නිලකුණු ඕවර 3 ක්ද සමගින් ලකුණු 16 කට කඩුලු 9 ක් බිඳ හෙලමින් මේ දස්කම ප‍්‍රදර්ශනය කොට තිබේ.

මධුවන්තගේ මේ දක්ෂතාවයේ තවත් විශේෂත්වයක් වනුයේ ඔහු එම කඩුලු 9 න් 3 ක් පිට පිට ලබා ගැනීමය (හැට් ටි‍්‍රක්)

තරගයේ ප‍්‍රථමයෙන් පන්දුවට පහර දුන් කොල්ලුපිටිය සාන්ත තෝමස් පිලට ඕවර 31.4 කදී රැස් කර ගත හැකි වූයේ ලකුණු 77 ක් පමණි. එම්. ඒ. රාජකරුණා ලකුණු 23 ක් ලබා ගත්තේය.

ඩී. එස්. සේනානායක විදුහල ඕවර 16.2 කදී කඩුලු 2 ක් දැවී ලකුණු 78 ක් රැස් කර ගනිමින් කඩුලු 8 ක ජයක් වාර්තා කෙළේය.

හේෂාන් සාලින්ද නොදැවී ලකුණු 40 ක්ද දිනුර ෆර්නෑන්ඩු නොදැවී ලකුණු 21 ක්ද ලබා ගත්හ.

- වර්නන්