වෙන්නප්පුවේ ගෙමිදුලක මෝටාර් බෝම්බයක් මන්ද බුද්ධික පුතා පොරොවෙන් ගසා අම්මා මරා දාලා එරාවුර් වෙළෙඳ සලක හදිසි පිපිරීමක් කොට්ටල්බැද්ද කනිටු විදුහලේ වැටේ තුවක්කුවක් අටවලා අධිචෝදනා ලැබූ විත්තිකරුවෝ ජනවාරි 23තෙක් රිමාන්ඩ් සැකකාර පස් දෙනාම රිමාන්ඩ් කප්පම් ගැනීමට පුරුදුවූ අඹු සැමියෝ උසාවියට යුවළකට තුවාල සිදුකළ රියැදුරා රක්ෂිතයට

මේජර් ජනරාල් ජානක පෙරේරා ඝාතන සිද්ධිය:

අධිචෝදනා ලැබූ විත්තිකරුවෝ ජනවාරි 23තෙක් රිමාන්ඩ්

අනුරාධපුර - මධ්‍යම විශේෂ

උතුරු මැද පළාත් සභාවේ හිටපු විපක්ෂ නායක මේජර් ජෙනරාල් ජානක පෙරේරා මහතා ඇතුළු 29 දෙනකු ඝාතනය සම්බන්ධයෙන් අධි චෝදනා ලැබ සිටින විත්තිකරුවන් දෙදෙනා ලබන වසරේ ජනවාරි (23) දක්වා රක්ෂිත බන්ධනාගාර ගත කරන ලෙස උතුරු මැද පළාත් බඳ මහාධිකරණ විනිසුරු මේනකා විජේසුන්දර මෙනවිය ඊයේ (06) නියෝග කළාය.

රක්ෂිත බන්ධනාගාර ගත කෙරුණේ මොහොමඩ් උමාර් හක්තාබ් හා අබ්දුල් කුද්දුස් යන සැකකරුවන්ය. 2008 ඔක්තෝම්බර් මස 06 වන දින අනුරාධපුර පැරණි නගරයේ සමූපකාර මාවතේ විපක්ෂ නායක කර්යාලය විවෘත කළ අවස්ථාවට කඩා වැදුණු එල්. ටී. ටී. ඊ ස්වයං ඝාතකයකු එල්ල කළ අධිබලැති බෝම්බ ප්‍රහාරයෙන් විපක්ෂ නායකවරයා ඇතුළු 29 දෙනෙකු ඝාතනයට ලක්වූ අතර අනූවකට වැඩි පිරිසක් බරපතළ තුවාල ලැබූහ.

මෙම ඝාතනය සම්බන්ධයෙන් චෝදනා ලැබ සිටි අට දෙනෙකු මීට පෙර නීතිපති උපදෙස්මත මුදාහැරුණු අතර සිද්ධියට ආධාර අනුබල දුන් බවට චෝදනා ලැබ සිටින විත්තිකරුවන් දෙදෙනා වසර දෙකහමාරකට ආසන්න කාලයක් රක්ෂිත භාරයේ පසුවේ.

.