ආසියානු කනිෂ්ඨ මලල ක්‍රීඩා ශූරතාවලිය විචිත්‍රවත් උලෙළකින් අද ඇරඹෙයි කායවර්ධන ශූර රුවන් ලක්මව රනින් සරසයි ශ්‍රී ලංකා-පාකිස්තාන දෙවැනි එක්දින ගැටුම අද ලකුණු අඩුවීම පරාජයට හේතුවයි බෝල්ට් යළි ජයගනී වරකාපොල සැහැල්ලු පන්දු ක්‍රිකට් සමස්ත ලංකා පාසල් පිහිනුම් අද ඇරැඹේ පුංචි චෙස් ශූරිය සචින්තා

ලකුණු අඩුවීම පරාජයට හේතුවයි

 - මහේල ජයවර්ධන

වර්නන් ගුණසේකර
පල්ලෙකැලේ සිට

පාකිස්තානයට එරෙහිව පල්ලෙකැලේ ජාත්‍යන්තර ක්‍රිකට් ක්‍රීඩාංගණයේ පෙරේදා පැවැති පළමු එක්දින ක්‍රිකට් තරගයේදී ශ්‍රී ලංකාව ලකුණු 190 – 200ක් ලබා ගත්තා නම් ප්‍රතිවාදීන්ට හොඳ සටනක් දීමට හැකියාව තිබු බව ශ්‍රී ලංකා නායක මහේල ජයවර්ධන පවසයි.

“ප්‍රමාණවත් මුළු ලකුණු සංඛ්‍යාවක් ලකුණු පුවරුවට එක් කිරීම වැදගත් කාර්යයක් වී තිබුණා. ඒත්, සියළු ගෞරව පාකිස්තානයට හිමිවිය යුතුයි. ඔවුන් ඉතාමත්ම ශක්තිමත්ව අපට එරෙහිව ආවා.

ඔවුන් සතුව ඇත්තේ උසස් තත්ත්වයේ පන්දු ප්‍රහාරයකි. ඒ නිසා අපි ඒ ගැන පරෙස්සම් විය යුතුයි” ජයවර්ධන කියයි. එම තරගයේ කාසියේ වාසිය දිනාගෙන පළමුව පන්දුවට පහර දීමට තීරණය කළ ශ්‍රී ලංකාවට ලබා ගත හැකිවූයේ කඩුලු 8ක් දැවී ලකුණු 135ක් පමණි.

එය “කාසියේ වාසියේ හොඳ පරාජයක්” බව පාකිස්තාන නායක මිස්බා උල් හක් ප්‍රකාශ කරයි. “කුමක් කළ යුතුදැයි තීරණය කිරීම ඕනෑම නායකයෙකුට ඒ අවස්ථාවේ අසීරු කරුණක් වුණා. විකට්ටුවේ තෙතමනය ගොඩක් තිබුණා. එය ආවරණය කරලයි තිබුණේ.

කාසියේ වාසිය උරගා බැලීමේ සටනින් පරාජය වීම අපට වාසියක් වුණා” උල් හක් පැවසීය.  “ඒ වෙලාවේ තිබූ දේශගුණික තත්ත්වයන් යටතේ පන්දුවට පහර දීම ඉතාමත් අසීරු කාර්යයක් වී තිබුණා. නමුත් මොහමඩ් හෆීස් (ලකුණු 37) හා උමාර් අක්මාල් (නොදැවී ලකුණු 36) පාකිස්තානය ජයග්‍රහණය කරා ගෙන ගියා” උල් හක් කීවේය.

.