සෙලායාට රැකවරණ දුන්නැයි බ්‍රසීල තානාපති කාර්යාලයට තර්ජන චීනයේ 60 වන ජාතික දිනය සැමරේ ඇන්ජලා දෙවැනි වරටත් ජර්මන් චාන්සලර් පදවියට ‘ෂහාබ්’ - I හා II මිසයිල සාර්ථක ගමනක න්‍යෂ්ටික වැඩසටහනට අත නොතබනු ‘කෙට්සානා’ පිලිපීනය හැරයද්දී තවත් චණ්ඩ මාරුත 2ක් එයි තලේබාන් නායකයන් අල්ලා දෙන්නන්ට පකිස්තානයෙන් තෑගි 30කගේ දිවි බේරා දුන් මුයෙල්මා බිලිඳියක් ගොඩගන්නට දිවි පුදයි ව්‍යායාමවලින් පුරස්ථි ග්‍රන්ථි පිළිකා අඩුවන ලකුණු ලෝක හදවත් දිනයදා

30කගේ දිවි බේරා දුන් මුයෙල්මා බිලිඳියක් ගොඩගන්නට දිවි පුදයි

මැනිලාහිදී ඒ. එෆ්. පී.

පිලිපීන ජල ගැල්මේදී 18 හැවිරිදි මුයෙල්මා මැගල්ලානස් ඊට ගොදුරු වූ 30 දෙනෙකුට වැඩි පිරිසක් බේරා ගැනීමෙන් අභීත බව පෑවද අවසානයේදී ගසා ගෙන යන බිලිඳියක බේරා ගැන්මට තැත් කිරීමේදී එය ඔහුගේ ජීවිතයේ අවසානයද වී ඇත.

ගොඩනැගිලි කම්කරුවකු වන ඔහු නිසා දිවි ගලවාගත් පුද්ගලයන් හා ඔවුන්ගේ පවුල්වල අය වීරයෙකු කොට සැලකූ මේ පුද්ගලයාගේ දේහයට අවසන් ගෞරව දක්වන අයුරු ඊයේ දක්නට ලැබිණ. ඔවුන්ගේ විනාශ වූ ගම්මානයේ තාවකාලික කඳවුරු බිමක ඔහුගේ දේහය තැන්පත් කෙරී තිබිණ.

ගසාගෙන යන හයමස් වියැති බිලිඳිය බේරා ගත් මැගල්ලානස් ඇය මාපියනට බාර කලඳ ජල ප්‍රවාහයට අසුවී ඔහු ගසා ගෙන ගියේය.

ඔහුගේ නිවසින් මීටර් 800 ක් දුරින් පිහිටි ගංගාවේ ඉවුරු බිඳී යාමෙන් ඇතිවූ ජල ගැල්මෙන් ඔහුගේ නිවසද යට විය. සිය සොයුරු සොයුරියන් ලණුවලින් ගැට ගසා තමාට සම්බන්ධ කැරගත් ඔහු ඔවුන් බේරා ගැන්මෙන් පසු සිය වැඩිමල් සොයුරෙකු ගේ ආධාර ඇතිව ජලයේ ගසා ගෙන යන බොහෝ දෙනකු බේරා ගැන්මට සමත් විය.

30 දෙනෙකු පමණ බේරා ගැනීමෙන් පසු වහලයක් මත ගිමන් හරින ඔහුට තවත් කෑ ගැසීමක් ඇසී ක්‍රියාත්මක වීමට සිදු වූයේ ඉහත කී සමස් බිලිඳිය බේරා ගැන්මටය.

ඒ වන විටත් මවත් බිලිඳියත් ජල ප්‍රවාහයේ ගිලෙමින් සිටි අතර දෙදෙනාම බේරා ගැන්මට ඔහු සමත් වුවද වෙහෙසට පත්ව සිටි ඔහුට තවදුරටත් වේගවත් ජල ප්‍රවාහය සමග පොර බැඳීමට නොහැකිව ඇත.