ආත්මාර්ථකාමීත්වයෙන් බැහැරව
රට පෙරට ගෙන යන්න සහාය වෙමු
- අග රදගුරු මැල්කම් රන්ජිත් හිමිපාණෝ
නොමග ගිය පිරිසකගේ ආකල්ප නිසා දශක ගණනාවක් දෙකඩ වී තිබූ අපේ රට, ජනාධිපතිතුමාගේ හා
වීරෝදාර රණවිරුවන්ගේ කැපකිරීම් මත නැවත එක්සේසත් කිරීමට හැකි වූ බව අගරදගුරු
මැල්කම් රංජිත් හිමිපාණෝ පැවසූහ. ත්‍රස්තවාදයෙන් නිදහස් කරගත් මේ රට ඉදිරියට
ගෙනයාමට ආත්මාර්ථය නොව පරාර්ථය පෙරටුකරගෙන ක්‍රියාකිරීමට සියලු දෙනා ම ඉටා ගත යුතු
බව ද මැල්කම් රංජිත් හිමිපාණෝ ප්‍රකාශ කළහ.
විස්තර » |
මහා භාණ්ඩාගාරයේ නව ලේකම්වරයා ලෙස පත් කැරණු ආචාර්ය පී. බී. ජයසුන්දර මහතා අද (29)
මුදල් හා ක්‍රම සම්පාදන අමාත්‍යාංශයේදී වැඩ භාර ගනී.
ජනාධිපති මහින්ද රාජපක්ෂ මහතා විසින් වහාම ක්‍රියාත්මක වන පරිදි ආචාර්ය ජයසුන්දර
මහතා ඊයේ මහා භාණ්ඩාගාරයේ ලේකම් ධුරයට පත් කරනු ලැබීය.
මීට පෙර දෙවතාවක් මහා භාණ්ඩාගාරයේ ලේකම් ධුරය දැරූ ඔහු ආර්ථික ක්ෂේත්‍රයේ සෑම
අංශයක් පිළිබඳවම හසල දැනුමක් ඇති නිලධාරියෙකි. 
යාපනය දිස්ත්‍රික්කයේ වෙසෙන තරුණ තරුණියන් 6000ක් පමණ දෙනා ශ්‍රී ලංකා පොලිස්
සේවයට එක්වීම සඳහා වූ සම්මුඛ පරීක්‍ෂණවලට ඉදිරිපත් වීමට ඊයේ (28) පැමිණ තිබේ.
උතුරේ තරුණ තරුණියන්ට පොලිස් සේවයේ දොර විවර කරමින් රජය කළ ඉල්ලීමට එම ප්‍රදේශවල
වැසියන් දැක්වූ ඉහළම ප්‍රතිචාරයක් ලෙස මෙය හැඳින්විය හැකිය. ජනාධිපති මහින්ද
රාජපක්ෂ මහතාගේ උපදෙස් පරිදි ‘මහින්ද චින්තන’ වැඩපිළිවෙළ යටතේ . . . .
