තුර්කි ජාතිකයන් 9ක් මියයාම ගැන ජාත්‍යන්තර පරීක්‍ෂණයකට ඊශ්‍රාලයෙන් ඉඩක් නෑ ඇෆ්ගන් රහස් ඔත්තු ප්‍රධානී ඉල්ලා අස්වෙයි ඔහියෝ ප්‍රාන්තය හරහා හමා ගිය කුණාටුවකින් හත්දෙනෙක් ජීවිතක්ෂයට මෙක්සිකෝ බොක්කේ තෙල් කාන්දුව මැඬලීම සාර්ථක අදියරක ‘ෆෙට්’ චණ්ඩ මාරුතය පාකිස්තානයේ 4ක් බිලි ගනී යේමන ප්‍රහාරයේදී කෲස් මිසයිල යොදාගෙන සෝනියා ගාන්ධි චරිතාපදානය ප්‍රකාශයට පත් කිරීම වැළැක්වීමේ තැතට එරෙහිව සටන් කරනවා

 ‘ෆෙට්’ චණ්ඩ මාරුතය පාකිස්තානයේ 4ක් බිලි ගනී

කරච්චියේදී – ඒ. එෆ්. පී.

ඕමානයේදී පුද්ගලයන් 15 දෙනකුගේ ජීවිත අහිමි කළ නිවර්තනීය “ෆෙට්” චණ්ඩමාරුතය පෙරේදා පාකිස්තානයේ වෙරළබඩ දිස්ත්‍රික් දෙකකට කඩාවැදී සිවුදෙනකු ජීවිතක්ෂයට පත් කිරීමෙන් පසු දුර්වල තත්ත්වයට පත්ව ඇතැයි බලධාරීන් ප්‍රකාශ කැර තිබේ.

“ෆෙට්” කඩාවැදීමෙන් කරච්චි නුවර සිවුදෙනකු මියගියේ දැඩි සුළං හා තද වැසි මැද කඩා වැටුණ විදුලි රැහැන්වල ගැටී විදුලි සර වැදීමෙනි. සින්ද් හි තට්ටා හා බැඩින් යන දිස්ත්‍රික්කයන්ට ඉන් හානි සිදුවිය. ඊයේ වනවිට එය අවපාතයක් බවට පෙරළෙනු ඇතැයිද සඳහන්ව තිබිණ.

‘ෆෙට්’ චණ්ඩමාරුතය පැයට කි. මී. 100ක වේගයෙන් කඩාවදිතැයි බියෙන් දස දහස් ගණන් පිරිස අදාළ ප්‍රදේශවලින් ඉවත් කර තිබිණ. මේ ජනතාවට වහා සහන සපයන ලෙස පාකිස්තාන ජනාධිපති අසිෆ් අලි සර්දාරි නියෝග කැර ඇත.

‘ෆෙට්’ චණ්ඩ මාරුතයෙන් පසු කරච්චිය ආසන්න පෙදෙසක ජලගැල්මට ගොදුරු වූ සිය නිවාස පෙළ අතරින් ගමන් කරන පාකිස්තාන දරුවන් පිරිසකි මේ.