සහිරා සෙවන්ස් පාසල් රගර් තරගාවලිය 18දා
සහිරා සෙවන්ස් පාසල්
රගර් තරගාවලිය 18දා
රුසෙයික් ෆාරුක්
කොළඹ සහිරා විද්‍යාලයීය 60 කණ්ඩායම සංවිධානය කරන අවුරුදු 20 න් පහළ සත් සාමාජික
ආරාධිත රගර් තරගය මේ මස 18 වැනිදා කොළඹ සහිරා විද්‍යාලයීය ක්‍රීඩාංගණයේදී පැවැත්වේ.
පසුගියදා සහිරා විද්‍යාලයීය ශාලාවේදී පැවැති මාධ්‍ය
හමුවේදී එලයිඩ් ට්‍රේඩින් ඉන්ටනැෂනල් සමාගමේ සභාපති ඉෆ්තිකාර් අහමඩ් මහතා
"සහිරා සෙවන්ස්" අනුග්‍රාහක චෙක්පත සහිරා 60 කණ්ඩායමේ සභාපති ඒ. සී. එම්.
ඉෆ්ති මහතාට පිරිනැමූ අයුරු. සංවිධායක කමිටුවේ සම සභාපතිවරුන් වන එම්. එස්.
මසීර් සහ නෆායිස් හම්දුන්, තරගයේ අධ්‍යක්‍ෂක ටෝනි අමිත්, සහ ඉබ්‍රහිම්
හමීඩ් යන මහත්වරු ද මෙහි වෙති.
ඡායාරූපය රුසෙයික් ෆාරුක් |
මෙම තරගාවලියට ආනන්ද, ධර්මරාජ, ඉසිපතන, කිංවුඩ්, නාලන්දා, වේල්ස්කුමාර, විද්‍යා
විද්‍යාලය, ශාන්ත පීටර්, තර්ස්ටන්, ත්‍රිත්ව විද්‍යාලය, විද්‍යාර්ථ විද්‍යාලය,
සහිරා යන විදුහල් තරග වදිති. මෙවර මැලේසියානු පාසැල් කණ්ඩායම් දෙකක් ද සහභාගිවීමට
නියමිතය.
එලයිඩ් ට්‍රේඩින් ඉන්ටනැෂනල් සමාගම අනුග්‍රාහකත්වයෙන් පැවැත්වෙන මේ තරගාවලියේ
කුසලාන සූරයන්ට රුපියල් 50000ක්ද, අනුසූරයන්ට රුපියල් 3000ක්ද, පළඟ සූරයන්ට රුපියල්
20000ක්ද, පළඟ අනුසූරයන්ට රුපියල් 10000ක්ද, බඳුන සූරයන්ට රුපියල් 10,000 ක්ද
ප්‍රදානය කෙරේ.
.
|
කර්තෘට ලියන්න
මුද්‍රණය සඳහා
