ඉඩමක අයිතිය ගන්න හොර ලේඛන හැදූ කතුන් 3ක් ඇතුලු 6කට නව දහසක දඩ ඉංගිරිය දිසා රෝහලේ පහසුකම් - ඖෂධ හිඟයක් ඉංගිරිය ගෘහ භාණ්ඩ අලෙවි සලකින් මුදල් කොල්ලකෑ යුවළට ඇප මනමාලකම ඉහටත් උඩින් ගිහින් අමතක නොවන පාඩමක් අසරණ දරු පවුලට පිළිසරණ වෙන්න ව්‍යාජ වෛද්‍ය සහතිකයක් ලංගම සේවකයකුට දුන් සැකකරුවකුට වසර පහකට අත්හිටවූ දඬුවම් රේල් පාරේ කලබලයෙන් දුවද්දී පය ලිස්සලා : දුම්රියේ හැපී මරුට පදික වේදිකාවලින් සමන්විත ප්‍රථම ගුවන් පාලම වේයන්ගොඩට මදුරු කීටයන්ට බෝවීමට ඉඩහළ දෙදෙනකු වරද පිළිගනී අපරික්ෂාකාරි ලෙස ත්‍රිරෝද රථයක් පැදවූ පුද්ගලයකුට දඩ යක්කල තිත්තලපිටිගොඩ ගමට අලුතෙන් ක්‍රීඩාපිටියක් මොරවක වතුයායක දැරියන් දෙදෙනෙකු අපයෝජනය කළ ඉඩම් හිමි වැවිලිකරු පවුල පිටින් ආගිය අතක් නෑ

මනමාලකම ඉහටත් උඩින් ගිහින් අමතක නොවන පාඩමක්

* දුම්රියේදී හදිසිය වැඩිකමට අක්කා ළඟින් වාඩි වෙලා

අලව්ව විශේෂ ඒ. කීර්තිසිංහ

ඔහු කොළඹ රැකියාවට යනුයේ දුම්රියෙනි. එසේ යන මොහු සෑම අවස්ථාවකම වාඩිවෙනුයේ කාන්තාවක් අසලිනි. අවිවාහකයකු වන මොහුට තමාට ගැළපෙන අයකු සමග ප්‍රේම සම්බන්ධයක් ඇතිකර ගැනීමට පවා දක්ෂතාවක්ද නොමැත. එහෙත් මනමාලකම ඉහවහා ගොසින්ය.තමන් ගමන් ගන්නා දුම්රියේ කොතෙක් ඉඩ කඩ තිබුණත් වාඩිවෙන්නේ මොහු නොවේ.

දුම්රියට ගොඩවුන විගස බිම බලාගෙන එහෙත් හොරැහින් කාන්තාවක් අසල ඉඩක් ඇත්දැයි බලමින් එහා කොනේ සිට මෙහා කොන දක්වා ගමන් කරයි. දිනක් මෙසේ බිම බලාගෙන කාන්තාවක් අසල ඉඩක් සොයමින් ගිය ඔහුට කාන්තාවන් දෙදෙනෙක් අතර ඉඩ තිබෙන බව දක්නට ලැබී වහා එහි ගොස් වාඩි වුණේය. එසේ වාඩිවෙනවාත් සමගම එහි සිටි කාන්තාව ‘ඇයි මල්ලියේ ඉස්සරහ ඉඩ තිබුණේ නැද්දැයි’ ඇසුවාය.

එම ප්‍රශ්නයෙන් තිගැස්සි වහා හැරී බැලූ ඔහුට දක්නට ලැබුණේ තම සහෝදරියය. ඔහුගේ සහෝදරියද රැකියාවට යනුයේ මෙම දුම්රියෙනි. දුම්රියේ කොතෙකුත් ඉඩ කඩ තිබියදී තමන්ගේ මනමාලකම නිසා අක්කා ළඟට විත් වාඩිවීම ගැන මහත්සේ ලැජ්ජාවට පත් ඔහු වහා නැගිට ‘අක්කේ මම පිටිපස්සට යන්නම්’ කියා යන්නට ගියේය.

.