ගලේවෙල ගම්මාන රැසක බෝංචි වගාවට වෛරස් රෝගයක් බෙන්තොට මල්ගහඅද්දර ඇළ පිළිසකර කිරීමෙන් ගොවීන්ට සෙත රුවන්වැල්ල රත්තාගල ඉදිකළ ගැටගහපිටිය පාලම විවෘත වේ තරුණියකට මරු කැඳවූ කැබ් රියේ රියැදුරු සැඟවී සිටිය දී පොලිස් අත්අඩංගුවට මහරගම නගරය ඩෙංගු අවදානම් ප්‍රදේශයක් අරණායක-හොරේවෙල මාර්ගයේ අලුත්වැඩියාව ඉබි ගමනේ කෑගල්ලේ ගල්ගුහාවක හොර මත්පැන් තිප්පොළක් පාණදුර පොලිසිය අසල පදික මාරුව මරු කපොල්ලක් ඊරියගම රෙදිපිළි වෙළෙඳ සලක් හොරු කඩලා ඕපදූප කියවන ගුරුවරියන් දෙදෙනාට විදුහල්පතිගෙන් මතක හිටින්න පාඩමක්

බෙන්තොට මල්ගහඅද්දර ඇළ පිළිසකර කිරීමෙන් ගොවීන්ට සෙත

ඉඳුරුව සමූහ ඇම්. පී. මුනිදාස

බෙන්තොට බල ප්‍රදේශයට අයත් තොටකනත්ත, මල්ගහඅද්දර ඇළ දිගු කාලයක් වල්බිහිවී තිබී පසුගියදා පිළිසකර කර තිබේ. ඒ සඳහා රුපියල් 1,54000කට ඇස්තමේන්තු කර තිබූ මෙම ඇළ මාර්ගය රුපියල් 75000කින් ඉතා සාර්ථක ලෙස නිම කර තිබීම විශේෂත්වයකි. ගාලු දිසා මන්ත්‍රී සජින් ද වාස් ගුණවර්ධන මහතාගේ ප්‍රතිපාදන යටතේ රුපියල් 75000ක් ලබා දුන් බව, තොටකනත්ත කෘෂිකර්ම පර්යේෂණ හා නිෂ්පාදන සහකාර සිරිසේන මැද්දේවිතාන මහතා පවසයි’ “මේ ඇළ මාර්ගය අලුතෙන් කැපීමට පෙර වැස්සාම මේ පාරත් යටවෙනවා.  කුඹුරු අක්කර 25ක් පමණ වගා කළ නොහැකිව ගොවියන් දැඩි අපහසුතාවකින් හිටියේ.” යැයිද ඒ මහතා පැවැසීය.

ජී. එල්. ගුණවතී මහත්මිය - “මේ ඇළ කපන්න කලින් අපේ යාය වල් සේරම යටවෙනවා. යායම කාලයක් වැඩ නොකර සිටියා. වී ගැහුවාම වතුර ගලලා සේරම එකතු වෙනවා. ගොවීන්ගේ කුඹුරු මැද්දෙන් තමයි ඇළ කැපුවේ. කලින් තිබූ ඇළ මාර්ගය හොයා ගන්න බැරි තරමට වල්බිහි වී තිබූ නිසා එසේ කළා.”

තොටකනත්ත “සමඟි” ගොවි සංවිධානයේ භාණ්ඩාගාරික එම්. ඩබ්ලිව්. එල්. පී. අබේවික්‍රම මහතා:- ”මේ ඇළ අලුතෙන් කැපුවේ අපිමයි. අඩි 750ක් පමණ දුරට කැපුවා. ඇලේ පළල අඩි 11ක් විතර සිටින්න හැදුවා. රුපියල් 75000ක් ලැබුණාම, ඉතිරි ටික අපේ මහන්සියෙන් යෙදෙව්වා.”මේ ගම්වාසීන් එකතු වී මල්ගහඅද්දර ඇළ පිළිසකර කිරීම දැන් මුළු ගමටම සෙතකි.

තොටකනත්ත, මල්ගහඅද්දර ඇළ පිළිසකර කිරීමෙන් පසුව. ඡායාරූපය:- ඉඳුරුව සමූහ

.