හොරණ මූලික රෝහලේ බාහිර රෝගී අංශයේ බෙහෙත් නිකුත් කරන කවුළු ප්‍රමාණවත් නෑ කැනඩාවේ විහාරස්ථානවලට යවන බව කියා භික්ෂූන්ගෙන් මුදල් වංචා කරලා චෙන්නායි වෙසක් අසිරිය දරුවන් පස්දෙනකු සමඟ පවුලක් ප්‍රජා ශාලාවක උඩරට රජුට සිංහාසනය සෑදූ පට්ටලේ ගෙදර පරපුර පතම්පහ දුම්රිය හරස්මඟට ආරක්ෂිත ගේට්ටුවක් නෑ ගමේ කාගේත් හොඳ හිත දිනූ නන්දසිරි ජල රකුසාට බිලි කෙසෙල් කොළයෙන් පරිසර හිතකාමී පිඟන් නල්ලමුදාව වැව වතුරදීම නවත්තලා: වගා බිම් පාළුවට ගිහින්!

නල්ලමුදාව වැව වතුරදීම නවත්තලා: වගා බිම් පාළුවට ගිහින්!

වැව පිළිසකර කිරීම කල් දමන්න යැයි ගොවීන්ගෙන් ඉල්ලීමක්

එප්පාවල සමූහ

වැව්බැඳි රට නල්ලමුදාව වැව කලෙකින් පිරී ඇත. වැව් දියෙන් ගොවිතැන් කරන අක්කර 200 ක් වෙල්යාය දකුණු පස ඡායාරූපයෙන් දිස්වෙයි. වැව පිරී ඇතත් වෙල්යාය වගා නොකර පාළුවට හැර ඇත. නල්ලමුදාවේ ගොවි ජනතාවට මේ කුඹුරු වගා කීරීමට තිබූ අවස්ථාව මග හැරී යාමට හේතුව සෙවිය යුතුමය.

වාරි කටයුතු කෙරෙන එක් රාජ්‍ය අනුබද්ධිත අංශයක් නල්ලමුදාව වැවෙන් පෝෂණය වන වෙල්යායේ ඇළවේලි පද්ධතිය නවීකරණය කරන්නට රුපියල් පනස් දෙලක්ෂයක කොන්ත්‍රාත්තුවක් දී ඇති බැව් ගැමියෝ කියති.

මේ කොන්ත්‍රාත්තුවට අදාළ ඇළවේලි නවීකරණය කිරීමට අවශ්‍ය නිසා වැවෙන් දියවර නිකුත් කිරීම අත්හිටවු බවත් ඒ නිසා වැව පිරී තිබියදී වුවත් කුඹුරු ගොවිතැන නවත්වන්නට සිදුවූ බවත් ගැමියෝ පෙන්වා දෙති.

කොන්ත්‍රාත්තුවේ වැඩ පටන් ගැනීම අගෝස්තු මාසයට කල් දමනු ලැබුවහොත් ගොවීන්ට වැවේ වතුරෙන් මේ කුඹුරු යාය ගොවිතැන් කර ගැනීමට අවස්ථාව ලැබේ. වගකිවයුත්තන්ගේ අවධානය ඒ පිළිබඳව යොමු විය යුතුය.