|
සිසු ගැටුමක් සොයා බැලීමට ගිය
රුහුණේ උප කුලපතිට
සරසවි සිසුන්ගෙන් ප්‍රහාර
ශිෂ්‍ය උපදේශකයකුටත් පහර දීලා
 රුහුණු විශ්වවිද්‍යාලයේ උපකුලපති මහාචාර්ය සුසිරිත් මෙන්ඩිස් මහතාට සරසවි සිසුන්
පිරිසක් ඊයේ (20) උදෑසන පහරදී ඇත. මේ අවස්ථාවේ එම ස්ථානයට පැමිණි ජ්‍යෙෂ්ඨ ශිෂ්‍ය
උපදේශක සමන් චන්දන මහතාටද පහර දී ඇති බව විශ්වවිද්‍යාල ආරංචි මාර්ග පැවසීය.
මානව ශාස්ත්‍ර පීඨයේ සිසුන් දෙපිරිසක් අතර ඇතිවූ ගැටුමක් පිළිබඳව සොයා බැලීමට යමින්
සිටි අවස්ථාවේ තමන්ට පහර දුන් බව උප කුලපතිවරයා මාතර පොලිසියට පවසා තිබේ.
මෙහිදී එක්සිසුවෙකු තමාට පොල්ලකින් දමා ගැසූ බවද ඔහු පවසා ඇත.
විස්තර » |
අති උතුම් කොළඹ අගරදගුරු මැල්කම් රංජිත් හිමිපාණන් අතිඋතුම් සොළොස්වන බෙනඩික්
ශුද්ධෝත්තම පාප් වහන්සේ විසින් කාදිනල් තනතුරට ඔසවනු ලැබීය.
එතුමන් වතිකානයේදී සසුන් පියාණන් වෙතින් නොවැම්බර් 20 දා ධුරාවලිය ලබාගැනීමට
නියමිතය.
අගරදගුරුතුමන් කාදිනල් ධුරයට පත්වීම ගැන ජනාධිපති මහින්ද රාජපක්ෂ මහතා ඊයේ සිය
උණුසුම් සුබ පැතුම් පිරිනැමීය.
වසර 45කට පසු ශ්‍රී ලංකාවේ මැල්කම් රංජිත් පියතුමන්ට කාදිනල් ධුරය ලැබීම ඉමහත්
අභිමානයක් බව ජනාධිපතිතුමා සිය සුබපැතුම් පණිවුඩයෙන් කියා සිටි.
එල්.ටී.ටී.ඊ ජාත්‍යන්තර අංශයේ
නායකයා ලෙස හඳුන්වනු ලබන කුමරන් පද්මනාදන් (කේ.පී.) සම්බන්ධ මූලික විමර්ශන කටයුතු
අවසන් වන තෙක් ඔහු ආරක්ෂක හමුදා භාරයේ රඳවා සිටින බව ආණ්ඩු පක්ෂයේ ප්‍රධාන
සංවිධායක, ජලසම්පාදන හා ජලාපවහන ඇමැති දිනේෂ් ගුණවර්ධන මහතා පාර්ලිමේන්තුවේ දී ඊයේ
(20) පැවැසීය.
මූලික විමර්ශන තවදුරටත් කරගෙන යන අතර එහිදී ඉදිරිපත් වූ කරුණු තහවුරු
කර ගැනීමට ඔහු වන්නි ප්‍රදේශයට රැගෙන ගොස් ඇති බවද පැවසූ ඇමැතිවරයා වන්නි ප්‍රදේශයේ
සංචාරයකට රැගෙන ගොස් නැතැයි ද අවධාරණය කෙළේය.
ජනතා විමුක්ති පෙරමුණට අවශ්‍ය විශ්වවිද්‍යාල සිසුන් කිහිප දෙනෙකු මරා දමා හෝ තමන්ගේ
බලය රැක ගැනීමට බව උසස් අධ්‍යාපන ඇමැති එස්.බී. දිසානායක මහතා පවසයි. මේ වෙනුවෙන්
ජනතා විමුක්ති පෙරමුණට සම්බන්ධ අන්තර් විශ්වවිද්‍යාල ශිෂ්‍ය බල මණ්ඩලය නවක සිසුන්
උද්ඝෝෂණ, පිකටින් ආදියට මෙන්ම පහර දීම්වලට ද යොදා ගන්නා බව ඒ මහතා ප්‍රකාශ කරයි.
රුහුණු විශ්වවිද්‍යාලයේ උපකුලපතිවරයාට පහර දීම පිටුපස ද ජනතා විමුක්ති පෙරමුණට
සම්බන්ධ සිසුන් සිටින බවත් ඔවුන්ට එරෙහිව විනය පරීක්ෂණයක් පවත්වා වරදකරුවන් වන
ශිෂ්‍යයින් විශ්වවිද්‍යාලයෙන් අස් කර දමන බවත් දිසානායක මහතා ඊයේ (20) උසස්
අධ්‍යාපන අමාත්‍යාංශයේ පැවැති මාධ්‍ය හමුවකදී ප්‍රකාශ කෙළේය.
