දෙස්-විදෙස් කුමන්ත්‍රණවලට නොරැවටී බුද්ධිමත් ජනතාව ගත් තීන්දුව විශිෂ්ටයි දෙවැනි නිදහසේ පළමු සැමරුමයි මේ  ආධාර මුදල් පමාවෙන් කළුතර කුඩා රබර් ඉඩම් හිමියෝ අසීරුවට මවුබිමේ යහපත වෙනුවෙන් කැපවීමේන් කටයුතු කළ යුතුයි රජයේ සංවර්ධන ව්‍යාපෘති නිම වූ විට ශී‍්‍ර ලංකාව ආසියාවේ දියුණුම රටක් වෙනවා  කෲස් වත්ත ඉඩම් යායේ බිම් කොටස්වල අනවසරයෙන් පදිංචි වෙලා  බේරුවල ප්‍රදේශයේ ජලභීතිකා මර්දන වැඩසටහනක් ඇරැඹේ කූඨ ලේඛන සකසා ලොරියක් ලියාපදිංචි කළැයි රිමාන්ඩ් හොරණ පාසල් 40කට පරිගණක මධ්‍යස්ථාන බස් සේවා දෙකම නවතා දමලා මඟීහු අසීරුවේ

 ආධාර මුදල් පමාවෙන් කළුතර කුඩා රබර් ඉඩම් හිමියෝ අසීරුවට

කළුතර දිසා සමූහ

රබර් නැවත වගා කිරීමේ යෝජනා ක්‍රමය යටතේ රබර් සංවර්ධන දෙපාර්තමේන්තුව වගාවන් සඳහා කුඩා ඉඩම් හිමියන්ට වසරක් පාසා කොටස් වශයෙන් ලබා දෙන ආධාර මුදල කළුතර රබර් සංවර්ධන දෙපාර්තමේන්තුවේ දිස්ත්‍රික් කාර්යාලයෙන් ලබා ගැනීමේ දී මාස එක හමාරකටත් වඩා වැඩි කාලයක් ගතවන බව කුඩා රබර් ඉඩම් හිමියෝ පවසති.

කුඩා ඉඩම් හිමියන්ට මෙවැනි දුෂ්කරතාවකට මුහුණ දීමට සිදු වී ඇත්තේ දෙපාර්තමේන්තුවෙන් ආධාර මුදල් ගෙවීමට ප්‍රමාණවත් මුදල් නොලැබෙන නිසා බවද ඔව්හු පෙන්වා දෙති. දෙපාර්තමේන්තුවෙන් සපයන පොහොර බෑගයක් සඳහා ද අධික මිලක් අය කරන අතර පොහොර ප්‍රවාහන ගාස්තු ගෙවීමට ද කුඩා ඉඩම් හිමියනට සිදු වී තිබේ.

කුඹුරු වගාවලට පොහොර ගොවීන්ට සහන මිලකට රජය ලබාදෙන නමුත් රබර් පොහොර සහන මිලකට තමන්ට ලබා නොදීම අසාධාරණයක් බවද කුඩා රබර් ඉඩම් හිමියෝ කියා සිටිති.

දහසක් දුෂ්කරතා මධ්‍යයේ තමන් වගා කටයුතු කරන නමුත් වසරකට වරක් ලැබෙන ආධාර මුදල දෙපාර්තමේන්තුව මඟින් පොහොර හා වෙනත් වියදම් සඳහා කපාගත් පසු කුඩා ඉඩම් හිමියන්ගෙන් වැඩි පිරිසකට ලබා ගැනීමට මුදලක් ඉතිරි නොවන බවද ඔව්හු කියා සිටිති.