දෙවැනි වතාවටත් පස් නිවුන් දරු උපතක් ආදරය අහිමි ළමයින් අපරාධවලට පෙළඹෙනවා ආසියා සහයෝගීතා සංසද රාජ්‍ය නායක සමුළුවට ජනපති කුවේට් යයි අවුරුදු 4ක සුරතල් දරුවා කඹයකින් බැඳ දස වද දෙයි ඉන්දියාවේ මහාබෝධි විහාරයේ ‍ආරක්ෂාව තර කෙරේ සෙන්ට්‍රිඇක්සෝන් ප්‍රතිජීවක ඖෂධය භාවිතය තාවකාලිකව නවත්වයි අය වැයට ඡන්දය නොදීමට කිසිදු තීරණයක් ගෙන නෑ පාසල් ක්‍රීඩා උළෙල නරඹන්නට ජනපතිත් ඇවිත් කොරියානු භාෂා ප්‍රවීණතා විභාගයට දේශපාලන බලපෑම් නෑ මැණික් ගැරීමට බලපත් දීම තවදුරටත් නවතී‍ ගසට හානි නොවී රබර් කිරි කැපීමට නවතම පිහියක් හඳුන්වා දෙයි රජයේ සාර්ථක කෘෂි සැලසුම්වල ප්‍රතිඵලයක් ලෙසින් බිඳ වැටුණු පොල් වගාව යළි ගොඩ ගැනීමට හැකි වුණා මානසික ගැටලු සහිත රෝගීන් සමාජයෙන් කොන් නොකළ යුතුයි එන්නත දීමෙන් පසු මගේ අත දිගේ කරන්ට් එක යනව වගේ කිය‍ා කෑ ගැසුවා

මුළු බගවන්තලාවම කම්පා වෙයි

අවුරුදු 4ක සුරතල් දරුවා කඹයකින් බැඳ දස වද දෙයි

අසේල කුරුළුවංශ සහ චින්තා රණසිංහ

වයස අවුරුදු හතරක් වූ සුරතල් පිරිමි දරුවකු කඹයකින් බැඳ; දරුවාට වද හිංසා කරන මිත්තණියක පිළිබඳ තොරතුරු බගවන්තලාව ලොයින්ඩන් තේ වත්තේ හෙල්ටොප් කොටසින් වාර්තා වේ.

දරුවාව උළුවස්සේ ගැට ගසා සිටින අයුරු.

මේ වත්තේ නිවසක උළුවස්සක බැඳ දමා තිබූ දරුවා පිළිබඳ අනුවේදනීය සිදුවීම් පෙළ බගවන්තලාව සෞඛ්‍ය වෛද්‍ය නිලධාරි කේ. එම්. සෙනෙවිරත්න මහතා ඇතුළු කණ්ඩායමකට දරුවා ගැට ගසා තිබියදී හමු වී ඇත.

දරුවාගේ මිත්තනිය විසින් ඇගේ වැඩකටයුතු කැර ගැනීමට පහසුවීම පිණිස මෙම දරුවා දිනපතාම ඉන ප්‍රදේශයෙන් ගැට ගසා උළුවස්සේ බැඳ තබා ඇති බව පරීක්‍ෂණ මගින් හෙළිවී තිබේ.

දරුවාගේ මව තේ දළු නෙලීමට යන අවස්ථාවේ දරුවා ඇගේ මවට බාර දී යන බවත් මව නිවසින් නික්ම ගිය පසු මිත්තනිය දරුවා බැඳ දමන බවත් ප්‍රදේශවාසීහු පවසති.

මවට සහ මිත්තනියට සෞඛ්‍ය වෛද්‍ය නිලධාරි කේ. එම්. සෙනෙවිරත්න, මහජන සෞඛ්‍ය පරීක්‍ෂක පී. කේ. එල්. වසන්ත යන මහත්වරු තරයේ අවවාද කර මින් ඉදිරියට මෙවැන්නක් සිදුවුව හොත් නීති මගින් කටයුතු කරන බව දැනුම් දී ඇත.

දරුවා දිවා කල රැකගැනීමට අපහසු නම් දරුවා දිවා සුරැකුම් මධ්‍යස්ථානයකට බාර දෙන ලෙසද එම නිලධාරීන් දැනුම් දී තිබේ.

දරුවකු මෙලෙස සිරගත කොට තබාගැනීම සම්පූර්ණයෙන්ම ළමා අයිතිවාසිකම් කඩ කිරීමක් බවත් කෲර ලෙස වධ හිංසාවට ලක් කිරීම හා නොසලකා හැරීම සම්බන්ධයෙන් වන වරද මින් සිදු වී ඇති බවත් ජාතික ළමා ආරක්‍ෂක අධිකාරියේ සභාපති අනෝමා දසනායක මහත්මිය පවසයි.

මේ වරද දඬුවම් ලැබිය හැකි වරදක් වන අතර හිංසනයට පත් සිව් හැවිරිදි දරුවාගේ භාරකාරත්වය විසින්ම මෙලෙස හිංසාවට ලක් කිරීම නීති විරෝධී වේ. මෙලෙස අමානුෂික ආකාරයෙන් දරුවන් මානසිකව හෝ කායිකව අපයෝජනයට ලක් කරන්නන් හට නීතිය උපරිම ලෙස ක්‍රියාත්මක කරන බව සභාපතිතුමිය කියයි.

පසුගිය කාල සීමාව ඇතුළත සිදුවූ සමාජ පරිහානිය නිසා මෙවැනි සිදුවීම් වාර්තා වන ප්‍රමාණය වැඩි වී ඇති බවත් ළමා ආරක්‍ෂණ ප්‍රතිපත්තිය හරහා ප්‍රජාව දැනුවත් කිරීමේ කටයුතු ක්‍රියාත්මක කර ඇති බවත් ඇය පවසයි.

.