2013 නව වසර පිළිගන්න ලොව පුරා මහ සැණකෙළි මැතිවරණ සංශෝධනයක් නොකළොත් රජය පෙරළනවා උතුරු කොරියා නායකයා විප්ලවීය වෙනසකට මුල පුරයි සිරියා අරගලය විසඳන විසැඳුමක් මා සතුයි මියන්මාර වැසියෝ 500ක් හොරෙන් මැලේසියාවට ඉන්දියාවේ ස්ත්‍රී දූෂකයන් හය දෙනා පෝරකේට යවනවාට නාවි‍ පිල්ලේ හරස් වේ මරණ දඬුවම තහනමට රටවල් 111ක තාවකාලික කැමැත්ත

මැතිවරණ සංශෝධනයක් නොකළොත් රජය පෙරළනවා

පාකිස්තාන ප්‍රබල පූජකයකුගෙන් ආණ්ඩුවට රතු එළියක්

ලාහෝර් - ඒ.එෆ්.පි

මැතිවරණ ක්‍රියාවලියට අදාළ සංශෝධන ආරම්භ කිරීමට පාකිස්තාන රජය අපොහොසත් වුවොත් අගනුවර විරෝධතා පෙළපාළියක් පවත්වන බවට එරට ප්‍රබල ආගමික නායකයකු තර්ජනය කර තිබේ.

ලක්ෂයක් පමණ සහභාගි වූ ලාහෝරයේ පැවැති රැලියක් අමතමින් මුස්ලිම් විද්වතකු වන ටාහිර් උල් කාඩ්රි පවසා ඇත්තේ ඉදිරියේදී පැවැත්වෙන පාකිස්තාන මහ මැතිවරණයට පෙරාතුව අර්ථවත් සංශෝධනයන් සිදුකිරීම අවශ්‍යව ඇති බවය.

"සංශෝධනවලින් තොර මැතිවරණයකින් වැඩක් නැහැ. පවත්නා ක්‍රමය යටතේම මැතිවරණය පැවැත්වුවොත් මහජනතාව එහි ප්‍රතිඵල ප්‍රතික්ෂේප කරාවි'යැයි ඔහු පැවැසීය.

පාකිස්තානයේ හා ලොව පුරා ව්‍යාප්ත දහස් ගණනක අනුගාමිකයන් සිටින ඉස්ලාමීය කණ්ඩායමකට නායකත්වය දෙන්නේ උල් කාඩ්රිය.

"නිදහස් හා සාධාරණ මැතිවරණයක් පැවැත්වීමට මඟ පාදනු පිණිස මැතිවරණ සං‍ශෝධන හඳුන්වා දෙන ස්වාධින ආයතනයක් ගොඩනැඟීම සඳහා රජයට කාලය ලබා දී තිබෙනවා. රටේ ආර්ථිකය හා දේශපාලන පද්ධතිය බිඳ වැටී තිබෙනවා.

ඒවා ධනවත් ඉඩම් හිමියන් හා කර්මාන්ත කරුවන්ගේ ග්‍රහණයට අසුව ඇති අතර අවංක පුද්ගලයන්ට පාර්ලිමේන්තුවට පැමිණීමට ඉඩක් නැහැ'යි ඔහු පවසා තිබේ.

කෙසේ වෙතත් ජනවාරි 10 වනදා වනවිට සිය ඉල්ලිම ඉටුකිරීමට රජය අපොහසත් වූවොත් සිය අනුගාමිකයන්ගෙන් යුත් මහා පෙළපාළයකින් අගනුවරට පැමිණ ඉල්ලිම ඉටුවන තෙක්ම එහි රැඳී සිටින බව ද ඔහු කීවේය.

.