ත‍්‍රස්තවාදයට දුන්න විසැඳුම හරියට ම හරි ප‍්‍රභාකරන්ගේ සිහින රාජ්‍යය පුදුකුඩිඉරුප්පු කොටි බළකොටුවේ හමුදා මෙහෙයුමෙන් පසු... රට දිනවන්න කැපවුණු රාජපක්ෂලා ජීවිතය ගැන ඉගෙන ගත්තෙ ගුවන් විදුලියෙන් බස්නාහිර පළාතේ එදා-මෙදා මැතිවරණ වගතුග එජාපය එදා කළ සෙල්ලම් අද වලංගු නැහැ නැණ ගුණවත් දරුවන් රටට බිහි කරන පානදුර සුමංගල විදුහල අලුත් අවුරුදු චාරිත‍්‍ර අලුත් අවුරුද්දේ ගනුදෙනු කිරීමෙන් මානව ගුණධර්ම අලුත් කරමු ගමේ අවුරුදු

ගමේ අවුරුදු

ගමට අවුරුදු
දෙවැට සුපුරුදු
පිපෙන එරබදු
අවට පිරිසුදු
ගමට අවුරුදු

කොවුල් ගී නද
රැහැයි නාද ද
සතුට දී හද
බැඳේ මී වද

නොදැන ඇත නැත
ඉදෙන කිරිබත
මැවෙන සිරිකත
සිතට සිරිසෙත

පදින ඔන්චිලි
රබන් හැඬවිලි
උයන සිතුවිලි
බහකි නැලවිලි

ගමේ සිරිතට
වෙඩිලි උණ බට
නිලා තරුකැට
පෙනේ වට පිට

දොළොස් මහකට
ලබන දවසට
අතේ කර ගැට
මලේ සතුටට

ගමෙන් නගරෙට
ඇදුණු පිරිසට
උපන් නිවසට
ඒම කණපිට

රටට නුපුරුදු
අරුත් නොමසිදු
අරුම අවුරුදු
කිමෙද ගෙන බදු

දැයේ සවියත
මිනිස් සම්පත
ලබා සිරිසෙත
දිනේ ජයකොත

ශාස්ත‍්‍රපති - නන්දසේන පලිහක්කාර