ඉරාකය පුරා ප්‍රචණ්ඩ ක්‍රියා පැතිරෙයි අල්කයිඩා නව නායක අල් සවාරි අමෙරිකාවෙන් පළිගන්න සැරසෙයි ගඩාෆි සමඟ සාකච්ඡා නෑ: පැතිර යන කටකතා බොරු සෝමාලියාවට යවන ආහාර කොල්ල කතැයි ප්‍රබල සැකයක් බැරැක් ඔබාමාගේ ජනප්‍රියත්වය පහළට සෝනියා ගාන්ධිගේ සෞඛ්‍ය තත්ත්වය ගැන කිසිම තොරතුරක් නෑ සිරියානු උද්ඝෝෂකයන් මර්දනයට එරෙහිව පලස්තීනයේ දී විරෝධතාවක් අමෙරිකාවත් - දකුණු කොරියාවත් දින 10ක යුද අභ්‍යාසයක ජාතික සමඟි රජයක් පිහිටුවන්න සියලු දේශපාලන පක්‍ෂවලට නේපාල අගමැතිගෙන් ආරාධනා

සිරියානු උද්ඝෝෂකයන් මර්දනයට එරෙහිව පලස්තීනයේ දී විරෝධතාවක්

රාමල්ලා හිදී - ඒ. එෆ්. පී.

සිරියානු රාජ්‍ය විරෝධී උද්ඝෝෂකයින් දරුණු අන්දමින් මර්දනය කිරීමට එරෙහිව 400 කින් පමණ යුත් පලස්තීන තරුණයන් පිරිසක් පෙරේදා බටහිර ඉවුරේ රාමල්ලාන් නගරයේදී වාඩිලාගෙන පැවැත්වූ විරෝධතාවක නියැලුණහ.  මෙම විරෝධතා කණ්ඩායම විසුරුවා ලීමට පලස්තීන පොලිසිය මැදිහත්ව නැත. සිරියානු ධජ ලෙලවමින් මෙහි රැඳී සිටි තරුණ පිරිස ස්වකීය ජනතාවටම පහරදෙන සිරියානු ජනාධිපති බෂීර් අල් අසාද් - “බියසුල්ලකු” ලෙස හඳුන්වා තිබේ.

ඔවුන් මෙම විරෝධතාව සංවිධානය කර තිබුණේ ෆේස්බුක් වෙබ් අඩවිය හරහාය. සිය ජනතාව පෙලනු වෙනුවට සිරියානු ජනාධිපතිවරයා 1981 දි ඊශ්‍රායලය සිරියාවෙන් අල්ලාගත් ගෝලාන් කඳුකරයට සිය හමුදාව යැවිය යුතු යැයි ඔවුහු කියති. මේ අතර සිරියානු “ලැටකියා” වරාය නගරයේ පිහිටුවනු ලැබ ඇති “රාමෙල්” නම් පලස්තීන සරණාගත කඳවුර දෙසට සිරියානු හමුදා වෙඩිතැබීම ගැන දැඩි අවධානය යොමා ඇතැයි පලස්තීන සරණාගතයින් සඳහාවන එක්සත් ජාතීන්ගේ ඒජන්සිය ප්‍රකාශ කර තිබේ.

.