වැල්ලවත්තේ මහල් නිවසක ගින්නෙන් පිරිමියෙක් හා කාන්තාවක් මිය යති ගල් වළක කිලෝ 8ක බෝම්බයක් කහවත්තේ ද්විත්ව ඝාතන පැති කීපයකින් පරීක්ෂණ ගංජා ගෙනා බස්රිය මාතර දී පොලිස් දැලේ තලාවේදී දුම්රියට ගල් ගැසූ සැකකරුවෝ 6ක් රිමාන්ඩ් ගැබිනි හෙදියකට අතවර කළ තරුණයා 15දා තෙක් රිමාන්ඩ් ආයුධ අරන් නිවසකට ඇතුළු වී මුදල් - රන් බඩු කොල්ල කාලා අපරාධකරුවන් දෙදෙනෙක් පොලිසියේ දී වීදුරු කටුවකින් බඩ කපාගෙන මෝදරවැල්ල වෙරළේ දී විදේශිකයකුට පහර දීලා එළවළු ගෙනෙන මුවාවෙන් ගංජා ප්‍රවාහනයේ

තලාවේදී දුම්රියට ගල් ගැසූ සැකකරුවෝ 6ක් රිමාන්ඩ්

අනුරාධපුර මධ්‍යම විශේෂ

දුම්රියකට ගල් ගසා හානි කිරීම සම්බන්ධයෙන් හා දුම්රියේ ගමන් ගත් පුද්ගලයකුට තුවාල සිදු කිරීම යන චෝදනා මත සැකපිට අත්අඩංගුවට ගෙන අධිකරණයට ඉදිරිපත් කළ යුධ හමුදා සෙබළෙකු ඇතුළු හය දෙනකු අද (09) දක්වා රක්ෂිත බන්ධනාගාර ගත කරන ලෙස තඹුත්තේගම මහේස්ත්‍රාත් චාමර කැකිරිදෙණිය මහතා නියෝග කළේය.

රක්ෂිත බන්ධනාගාර ගත කෙරුණේ මහතෝරවැව මහනන්නේරිය ගල්ගමුව පදිංචි එච්. එම්. සී. හේරත්, ඩී. එම්. එස්. සමරකෝන්, ඩී. එම්. එස්. එස්. දිසානායක, බී. එම්. ආර්. බාලසිංහ, එච්. යූ. සුමිත් බණ්ඩාර (යුධ හමුදා සෙබළ) හා එච්. එස්. එම්. හේරත් යන සැකකරුවන්ය.

පසුගිය (06) දා දැයට කිරුළ වෙනුවෙන් කොළඹ කොටුවේ සිට අනුරාධපුරය දක්වා ධාවනය වූ විශේෂ දුම්රියකට ගල් වලින් පහර දී මැදිරි කිහිපයකට හානි සිදු කිරීම හා එහි ගමන් ගත් මගියකුට තුවාල සිදු කළ බවට මොවුහු චෝදනා ලැබ සිටියහ.

සැකකරුවන් පිරිස තලාව උප දුම්රිය ස්ථානයේදී විශේෂ දුම්රියට ගල් ගසා ඇති බවත් ලැබුණු තොරතුරකට සැකකරුවන් අත්අඩංගුවට ගත් බවත් තලාව පොලිසිය අධිකරණයට දැන්වීය. අලාභයේ තක්සේරුව දුම්රිය දෙපාර්තමේන්තුව මගින් මෙතෙක් ලබාදී නැති බවත් සිද්ධිය සම්බන්ධයෙන් සාක්ෂිකරුවන් තුන්දෙනෙකුගේ සාක්ෂි සටහන් කරගෙන ඇති බවත් පොලිසිය වැඩිදුරටත් අධිකරණයට දන්වා සිටියේය.

සැකකරුවන් 09 වන දිනට හඳුනා ගැනීමේ පෙරට්ටුවකට ඉදිරිපත් කරන ලෙස මහේස්ත්‍රාත්වරයා නියෝග කළේය. තලාව පොලිසියේ වැඩබලන ස්ථානාධිපති පො.ප. එස්. ටී. පී. ඒ. හේරත් මහතාගේ උපදෙස් මත සැරයන් ජයසිංහ මහතා සැකකරුවන් අධිකරණයට ඉදිරිපත් කළේය.

.