වැල්ලවත්තේ මහල් නිවසක ගින්නෙන් පිරිමියෙක් හා කාන්තාවක් මිය යති ගල් වළක කිලෝ 8ක බෝම්බයක් කහවත්තේ ද්විත්ව ඝාතන පැති කීපයකින් පරීක්ෂණ ගංජා ගෙනා බස්රිය මාතර දී පොලිස් දැලේ තලාවේදී දුම්රියට ගල් ගැසූ සැකකරුවෝ 6ක් රිමාන්ඩ් ගැබිනි හෙදියකට අතවර කළ තරුණයා 15දා තෙක් රිමාන්ඩ් ආයුධ අරන් නිවසකට ඇතුළු වී මුදල් - රන් බඩු කොල්ල කාලා අපරාධකරුවන් දෙදෙනෙක් පොලිසියේ දී වීදුරු කටුවකින් බඩ කපාගෙන මෝදරවැල්ල වෙරළේ දී විදේශිකයකුට පහර දීලා එළවළු ගෙනෙන මුවාවෙන් ගංජා ප්‍රවාහනයේ

ගැබිනි හෙදියකට අතවර කළ තරුණයා 15දා තෙක් රිමාන්ඩ්

අනුරාධපුර - මධ්‍යම විශේෂ

ගැබිනි හෙදියකට බරපතළ ලිංගික අතවරයක් සිදු කළ බවට චෝදනා ලැබ අත්අඩංගුවට ගෙන අධිකරණයට ඉදිරිපත් කළ සැකකාර තරුණයකු මේ මස 15 වන දින දක්වා රක්‍ෂිත බන්ධනාගාර ගත කරන ලෙස අනුරාධපුර අතිරේක මහේස්ත්‍රාත් අතිරේක දිසා විනිසුරු චන්දිම එදිරිමාන්න මහතා නියෝග කළේය.

සිද්ධිය සම්බන්ධයෙන් රක්‍ෂිත බන්ධනාගාර ගත කෙරුණේ හතරේ ඇල පරසන්ගස්වැව අනුරාධපුර ලිපිනයේ පදිංචි විසිහය හැවිරිදි පුෂ්ප කුමාර නැමැති තරුණයෙකි. හෙදිය ගැබිනියක් බව තහවුරු වී ඇති බවත් පොලිසිය අධිකරණයට දැන්වීය. සැකකාර තරුණයා අනුරාධපුර ශික්‍ෂණ රෝහලේ අධිකරණ වෛද්‍යවරයා වෙත යොමු කරන ලෙසද මහේස්ත්‍රාත්වරයා නියෝග කළේය.

මහවිලච්චිය පොලිසිය කියා සිටියේ සැකකරු විසින් ඇලයාපත්තුව රජයේ රෝහලේ සේවය කරන හෙදියකට මෙම අතවරය සිදුකර ඇති බවයි. ඇය රෝහල ඉදිරිපිට පිහිටි නිල නිවසේ නාන කාමරයේ ස්නානය කරමින් සිට නැවත නිදන කාමරයට පැමිණි අවස්ථාවේ සැකකරු කාමරයට කඩා වැදී මෙම අතවරය සිදු කර ඇති බවද පොලිසිය අධිකරණයට දැන්වීය.

.