බටහිරට කට උත්තර නෑ අතීතයේ සිටම අමෙරිකාව අපට ද්‍රෝහිවෙලා ශ්‍රී ලංකාවට කියුබාවෙන් උපරිම සහාය බලයට එන්න කුලල් කන්නේ නැතිව රට ගැන හැඟීමෙන් කටයුතු කරන්න ශ්‍රී ලංකාවට සහාය දක්වා රටවල් රැසක උද්ඝෝෂණ දෙමළ සරණාගතයෝ 100ක් බ්‍රිතාන්‍යයෙන් පිටුවහල් කරති ප්‍රධාන මාර්ගයට හා කැලණිවැලි මාර්ගයට අද සිට බලවේග කට්ටල 4ක් ගම්පහ හදිසි විදුලි බිඳ වැටීම් සකස් කිරීමට වැඩපිළිවෙළක් පුවත් පළකිරීමෙන් වළකින ලෙස ෆෙඩ්රිකා ජෑන්ස්ට අතුරු තහනමක් වයඹ උපාධිධාරින් 535කට ගුරුපත්වීම්

නීතිඥ ලද්දුවහෙට්ටි ගැන

පුවත් පළකිරීමෙන් වළකින ලෙස ෆෙඩ්රිකා ජෑන්ස්ට අතුරු තහනමක්

රෝෂන් තුෂාර

නීතිඥ නලින් ලද්දුවහෙට්ටි මහතාට අපහාසයක් හෝ අපකීර්තියක් වන ප්‍රවෘත්ති ‘සන්ඩේ ලීඩර්’ පුවත්පතේ පළකිරීම වළක්වමින් මාධ්‍යවේදිනි ෆෙඩ්රිකා ජෑන්ස් මහත්මියට අතුරු තහනම් නියෝගයක් කොළඹ දිසා අධිකරණය ඊයේ (29) නිකුත් කළේය.

නලින් ලද්දුවහෙට්ටි මහතා ෆෙඩ්රිකා ජෑන්ස් මහත්මියට හා ලීඩර් පබ්ලිකේෂන් පුවත්පත් ආයතනයට විරුද්ධව පැවරූ නඩුවක් විභාග කිරීමෙන් අනතුරුව මේ තහනම නිකුත් කළේය.

නීතිඥවරයෙකු ලෙස කොළඹ මහාධිකරණයේ විභාග වූ නඩුවකදී ෆෙඩ්රිකා ජෑන්ස් මහත්මියගෙන් සාක්ෂි විමසීම කිරීමෙන් පසුව ජෑන්ස් මහත්මිය තමන්ට අපහාස වන පුවත් ලීඩර් පුවත්පතේ දිගින් දිගටම පළ කළ බවත්, එමගින් සිදුවු හානියට රුපියල් මිලියන හත්සිය පනහක වන්දියක් අයකරදෙන ලෙසත් ඉල්ලා මේ නඩුව පැවරීය.

අපහාසාත්මක පුවත් පළ කිරීම තහනම් කරන ලෙසද පැමිණිල්ල මගින් ඉල්ලා ඇත.

කොළඹ ප්‍රධාන දිසා විනිසුරු ධම්මික ගනේපොළ මහතා මේ අතුරු තහනම නිකුත් කළ අතර නඩුවේ වැඩිදුර විභාගය මැයි 11 දිනට කල් තැබීය.

.