බස් වර්ජනය අවසන් බස්වලට ගල් ගැසූ 46ක් අත්අඩංගුවට ජනපති සිංගප්පූරුවේ දෙදින නිල සංචාරයක පුද්ගලයන් වෙනුවෙන් නොව රට වෙනුවෙන් සේවය කරන්න උ/පෙ අයිතිවාසිකම් පෙත්සම විභාගයට ගැනීමට අවසර ඉන්ධන සහනාධාරය ඊයේ සිට ක්‍රියාත්මකයි ධීවර ජනතාවට ඉන්ධන සහනාධාර ලබා දෙනවා ඉන්ධන මිල ඉහළ දැමීමට එරෙහිව හලාවත ධීවරයෝ විරෝධතාවක මිග් 27 පුහුණු යානයක් දුම්මලසූරියට කඩා වැටෙයි රජයේ ඉන්ධන සහනාධාරයට වසරකට රු. මිලියන 24,000ක් දකුණු කොරියාවෙන් රැකියා අවස්ථා 565ක් මැණික්හින්න පොලිසියටත් ‘ටයිසන්’ ඇවිත්

ධීවර ජනතාවට ඉන්ධන සහනාධාර ලබා දෙනවා

බුද්ධිකා ඉඹුලාන

ධීවර ජනතාවට ඉන්ධන සහනාධාරය ලබා දීමට සියලු කටයුතු යොදා ඇති බැවින් අද (14) සිට මුහුදු යාමේ කටයුතුවල නිරතවන ලෙස ධීවර හා ජලජ සම්පත් සංවර්ධන ඇමැති වෛද්‍ය රාජිත සේනාරත්න මහතා ප්‍රකාශ කරයි.

මෙම ඉන්ධන සහනාධාරය ධීවර කාර්මිකයන්ට හිමිවන නව ක්‍රමය පිළිබඳව, ධීවර මහා සම්මේලනයේ නියෝජිතයන් සහ ධීවර ඇමැතිවරයා සමග විශේෂ සාකච්ඡාවක් අද (14) එම අමාත්‍යංශයේදී පැවැත්වෙයි.

ජනාධිපති මහින්ද රාජපක්ෂ මහතා පෞද්ගලිකවම ධීවර ඇමැතිවරයාට ලබා දුන් උපදෙස් පරිදි සකස් කර ඇති මෙම සහනාධාර ලබාදීමේ නව ක්‍රමය සඳහා ධීවර නියෝජිතයන්ගේ ද අදහස් හා යෝජනා ද අද (14) පැවැත්වෙන විශේෂ සාකච්ඡාවේදී සලකා බැලෙනු ඇත.

මෙම ඉන්ධන සහනාධාරය, එම මිල වැඩි වූ දින එනම් (13) දින සිටම ධීවර කාර්මිකයන්ට හිමිවන ලෙස නව ඉන්ධන ක්‍රමය සැකැසෙන බව ධීවර අමාත්‍යංශය කියයි.

ධීවර කාර්මිකයන් සඳහා සැකසූ නව ඉන්ධන සහනාධාර ක්‍රමය අනුව සුළු පරිමාණ ධීවරයන්ට උපරිම සහන හිමිවනු ඇතැයි ධීවර අමාත්‍යංශය කියයි.

බහුදින යාත්‍රා හිමියන්ට ද අසාධාරණයක් නොවන පරිදි මෙම ඉන්ධන සහනාධාරය වඩාත් ඵලදායී ලෙස ලබා දීමට ද කටයුතු යොදා ඇත.

.