චැනල් - 4 ව්‍යාජ වීඩියෝ පටය හැදුවේ ශ්‍රී ලංකාවෙන් පැන ගිය මාධ්‍ය නඩයක් චැනල් - 4 වීඩියෝ පටය බොරුවක් බව තහවුරු වුණා අයිතිවාසිකම් වෙනුවෙන් පෙනී සිටියත් රජයට පූර්ණ සහයෝගය දෙනවා ‘ලංකා’ මාධ්‍යවේදීන් ඇප මත මුදා හරී මාන්තිව් දූපත් ලාදුරු රෝහලේ ගින්නක්: ගුවන් හමුදාව රෝගීන් බේරා ගනී පනස් දහසක අල්ලසක් ඉල්ලු පොලිස් නිලධාරියා දැලේ පගා ගැහිල්ලෙන් පොලිසිය ඉදිරියෙන් ලංකා බැංකු අභ්‍යාසලාභීන් බඳවා ගැනීමේ විභාගය 19දා මිනින්දෝරුවෝ 77ක් අලුතින් ජවිපෙ මන්ත්‍රී මානගේ මැති සබයට ජීවිතාරක්ෂක ඇඳුම් ගෙනැවිත් සහන ගම්මානවල සුබසාධනයට රුපියල් තිස්පන් කෝටියක් සබරගමු පළාත් පාලන ආයතනවලට පළාත් සභාවෙන් රුපි. ලක්ෂ දහසක් සමෘද්ධිය කඩා වැටෙන්න ඉඩ දෙන්නේ නැහැ මහපැලැස්ස රක්ෂිතයෙන් මහා පරිමාණ කංසා හේන් පහක් වටලයි චැනල් 4 සිද්ධියට එරෙහිව වන්දි ඉල්ලා නඩු දැමීමට පියවර බෙන්තොට-අලුත්ගම අතර දුම්රිය ධාවනය 12-13 තාවකාලිව නවතී නීති විරෝධීව සිර මැදිරියේ රැඳෙව්වාට පොලිස් නිලධාරීන් ප්‍රසිද්ධියේ සමාව ගනී ගෙවුම් ශේෂ හිඟය ඩොලර් දසලක්ෂ 1800ක අතිරික්තයක් බවට පත් වෙයි ‘නව වසරට සුභා සිරි’ ටිකට් පතේ පළමු ත්‍යාගයට අතුරු තහනම් නියෝගයක් රාජ්‍ය සේවය ආරක්‍ෂා කරමින් පෞද්ගලික අංශය ශක්තිමත් කරනවා

අයිතිවාසිකම් වෙනුවෙන් පෙනී සිටියත් රජයට පූර්ණ සහයෝගය දෙනවා

ඇමැති තොණ්ඩමන්

මහින්ද අලුත්ගෙදර

වෘත්තීය අයිතිවාසිකම් වෙනුවෙන් පෙනී සිටියද ඉදිරියටත් රජයට පූර්ණ සහයෝගය ලබාදෙන බව තරුණ අභිවෘද්ධි හා සමාජ ආර්ථික සංවර්ධන ඇමැති ආරුමුගම් තොණ්ඩමන් මහතා පැවැසීය.

වෘත්තීය ක්‍රියාමාර්ග ඉදිරියටත් කරගෙන ගිය ද කිසිදු වැඩ වර්ජනයක් සිදු නොකරන බවද හෙතෙම අවධාරණය කළේ ය.

ඇමැතිවරයා මේ බව පැවසුවේ ඊයේ (08) පස්වරුවේ එම අමාත්‍යාංශ ශ්‍රවණාගාරයේ පැවැති මාධ්‍ය හමුවකට එක් වෙමිනි. වතු කම්කරුවන්ගේ දෛනික වැටුප රුපියල් 500 දක්වා වැඩි කරන ලෙස ඉල්ලීමක් කරමින් වෘත්තීය සමිති කීපයක් පසුගියදා හාම් පුතුන්ගේ සංගමය සමග විශේෂ සාකච්ඡාවක නිතර විය.

ලංකා කම්කරු කොංග්‍රසය , ලංකා ජාතික වතු කම්කරු සංගමය හා ඒකාබද්ධ වෘත්තීය සමිති සම්මේලනය යන වෘත්තීය සමිති හාම්පුතුන්ගේ සංගමය සමග වතු කම්කරුවන්ගේ වැටුප් සම්බන්ධයෙන් සාකච්ඡා කරන ලද අතර එකඟතාවයකින් තොරව සාකච්ඡා අවසන් වී තිබේ.

මෙම සාකච්ඡාවේ දී තීරණය කර ඇත්තේ වතු කම්කරුවන්ගේ දෛනික වැටුප රුපියල් 500 ක් වෙනුවට පළමු වසර සඳහා රුපියල් 330 දක්වාත් දෙවැනි වසරේදී රුපියල් 360 දක්වාත් වැටුප් වැඩි කරන ලෙසයි.

නමුත් කම්කරුවන්ගේ අයිතීන් වෙනුවෙන් පෙනී සිටින වෘත්තීය සමිති ඉල්ලා ඇත්තේ එම වැටුප රුපියල් 500 දක්වා වැඩි කළ යුතු බවයි.

වෘත්තීය සමිති 70 ක් පමණ පෙනී සිටිමින් සහයෝගය ලබා දෙන බව පැවැසුවද කම්කරු අයිතීන් දිනා ගැනීම වෙනුවෙන් ඉදිරිපත් වි සිටින්නේ ඉතා ස්වල්ප වෘත්තීය සමිති ප්‍රමාණයක් බව ඇමැතිවරයා කීවේ ය.

මේ සඳහා දේශපාලනය යොදා ගැනීමට සූදානම් නැති බවත් කම්කරුවන් වෙනුවෙන් පූර්ණ සහයෝගය ලබා දී කටයුතු කරන බවත් ආරුමුගම් තොන්ඩමන් මහතා කීය.

වතු යටිතල පහසුකම් සංවර්ධන නියෝජ්‍ය ඇමැති මුත්තු සිවලිංගම් , ලංකා ජාතික වතු කම්කරු සංගමයේ ප්‍රධාන ලේකම් කේ. වෙලායුදම් යන මහත්වරු ද මේ අවස්ථාවට එක් වූහ.